വ്യാഴാഴ്ച ഇവ ചെയ്താല്‍ സമ്പന്നനാവാം

Published: Thursday, September 22, 2016, 15:59 [IST]

വിശ്വാസമാണ് ഓരോരുത്തരേയും ജീവിയ്ക്കാന്‍ പ്രേരിപ്പിക്കുന്നത്. പലപ്പോഴും പല വിശ്വാസങ്ങളും നമ്മുടെ ലോകമുണ്ടായ കാലം മുതല്‍ നിലനില്‍ക്കുന്നതാണ്. അതിനൊന്നും ഇളക്കം തട്ടിക്കാന്‍ എത്ര പുരോഗമന വാദി ശ്രമിച്ചിട്ടും നടന്നിട്ടില്ല എന്നതാണ് മറ്റൊരു കാര്യം.

ദിവസവും നാളും പക്കവും നോക്കി വ്രതവും മറ്റും അനുഷ്ഠിക്കുന്നവരാണ് നമ്മളില്‍ പലരും. ഓരോ ആഴ്ചയിലും ചെയ്യേണ്ട ചില കാര്യങ്ങളുണ്ട്. വ്യാഴാഴ്ചകള്‍ തോറും ചെയ്യേണ്ട ചില കാര്യങ്ങളുണ്ട്. ആഴ്ചകള്‍ നോക്കി ചെയ്യുന്ന ഇത്തരം കാര്യങ്ങള്‍ എന്തൊക്കെ ഗുണങ്ങളാണ് നമുക്ക് തരുന്നത് എന്ന് നോക്കാം.

ബൃഹസ്പതിയുടെ ദിവസം

വ്യാഴം എന്ന് പറയുന്നത് ബൃഹസ്പതിയുടെ ദിവസമായാണ് കണക്കാക്കുന്നത്. ഭാഗ്യവും ഐശ്വര്യവും കൊണ്ടു വരുന്ന ദിവസം എന്ന് വേണമെങ്കില്‍ വ്യാഴാഴ്ചയെ കണക്കാക്കാം.

വിഷ്ണുവിനെ പ്രാര്‍ത്ഥിക്കാം

വിഷ്ണുവിനെ പ്രാര്‍ത്ഥിക്കുന്ന കാര്യത്തില്‍ നാളും ദിവസവും നോക്കുന്നവരുണ്ട്. വ്യാഴാഴ്ച വിഷ്ണു ഭഗവാനെ പ്രാര്‍ത്ഥിച്ചാല്‍ ഐശ്വര്യവും സമ്പത്തും വരും എന്നാണ് പറയപ്പെടുന്നത്.