ചൈത്ര നവരാത്രിയില്‍ ഈ പ്രതിവിധി ചെയ്താല്‍ ജീവിതത്തില്‍ ഐശ്വര്യം, സമ്പത്ത് നിശ്ചയം

ചൈത്ര നവരാത്രിയുടെ പ്രാധാന്യം

ഹിന്ദു കലണ്ടറിന്റെ പ്രാരംഭ മാസമായി ചൈത്ര മാസത്തെ കണക്കാക്കുന്നു. ഹിന്ദു വിശ്വാസികള്‍ വര്‍ഷത്തില്‍ രണ്ടുതവണയാണ് നവരാത്രി ആഘോഷിക്കുന്നത്. ആദ്യത്തേത് വേനല്‍ക്കാലത്തിന്റെ തുടക്കത്തിലും രണ്ടാമത്തേത് ശൈത്യകാലത്തിന്റെ തുടക്കത്തിലും. ശക്തിപൂജയുടെ മംഗളകരമായ ആഘോഷങ്ങളില്‍ ഒന്നാണ് ചൈത്ര നവരാത്രി. ഒമ്പത് ദിവസം ദുര്‍ഗ്ഗാ ദേവിയെ വ്യത്യസ്ത പേരുകളോടും പ്രധാനപ്പെട്ട ആചാരങ്ങളോടും കൂടി ആരാധിക്കുന്നു. ഭക്തര്‍ പൂജകള്‍ നടത്തുകയും വ്രതം നോല്‍ക്കുകയും ചെയ്യുന്നു.

ദുര്‍ഗ്ഗാ സപ്തശതി പാരായണം ചെയ്യുക

നവരാത്രിയില്‍ ദുര്‍ഗ്ഗാ സപ്തശതി പാരായണം ചെയ്യണം. സമയമുണ്ടെങ്കില്‍ ദുര്‍ഗാ സപ്തശതി പൂര്‍ണ്ണമായി പ്രയോജനപ്പെടുത്തുന്നതിന് ആദ്യം കവചം, കീലക്, അര്‍ഗല സ്തോത്രം എന്നിവ പാരായണം ചെയ്യണം. ഇങ്ങനെ ചെയ്താല്‍ ദുര്‍ഗ്ഗാ സപ്തശതി മുഴുവന്‍ പാരായണം ചെയ്തതിന്റെ ഫലം ലഭിക്കും.

ഗ്രാമ്പൂ, കര്‍പ്പൂരം കത്തിക്കുക

ആരാധനകളില്‍ പലപ്പോഴും കര്‍പ്പൂരം ഉപയോഗിക്കുന്നു. പൂജയ്ക്കിടെ കര്‍പ്പൂരം കത്തിക്കുന്നത് വീടിന് പോസിറ്റീവ് എനര്‍ജി നല്‍കുമെന്ന് വിശ്വസിക്കപ്പെടുന്നു. ചൈത്ര നവരാത്രിയില്‍ ഗ്രാമ്പൂവും കര്‍പ്പൂരവും കൊണ്ട് ദുര്‍ഗാ ദേവിക്ക് ഒമ്പത് ദിവസം ആരതി നടത്തിയാല്‍ ജീവിതത്തില്‍ സാമ്പത്തിക നേട്ടങ്ങള്‍ കൈവരുന്നതായിരിക്കും.

ദേവിക്ക് കുങ്കുമം സമര്‍പ്പിക്കുക

ദുര്‍ഗ്ഗാദേവിയെ ആരാധിക്കുമ്പോള്‍ ചുവന്ന കുങ്കുമം അര്‍പ്പിക്കുക. ഈ പ്രതിവിധി ചെയ്താല്‍ നിങ്ങളുടെ ജീവിതത്തില്‍ എല്ലായ്‌പ്പോഴും ഐശ്വര്യം ഉണ്ടാകും. നവരാത്രി കാലത്ത് ദുര്‍ഗ്ഗാദേവിയുടെ വിവിധ രൂപങ്ങളെ ആരാധിക്കുന്നതിനൊപ്പം നിങ്ങള്‍ കുങ്കുമം സമര്‍പ്പിക്കുകയാണെങ്കില്‍ നിങ്ങള്‍ക്ക് സമ്പത്ത് കൈവരുന്നതായിരിക്കും.

ലക്ഷ്മി ദേവിക്ക് പായസം സമര്‍പ്പിക്കുക

ലക്ഷ്മി ദേവിയെ സമ്പത്തിന്റെ ദേവതയായി കണക്കാക്കുന്നു. നവരാത്രിയില്‍ വെള്ളിയാഴ്ചകളില്‍ ലക്ഷ്മി ദേവിക്ക് അരിപായസം സമര്‍പ്പിക്കുകയും നിങ്ങളുടെ വീടിന്റെ ഐശ്വര്യത്തിനായി പ്രാര്‍ത്ഥിക്കുകയും ചെയ്താല്‍, നിങ്ങളുടെ ജീവിതത്തില്‍ എപ്പോഴും ഐശ്വര്യമുണ്ടാകും. ഈ പ്രതിവിധിചെയ്താല്‍ നിങ്ങള്‍ക്ക് തീര്‍ച്ചയായും പണം ലഭിക്കും. നിങ്ങള്‍ക്ക് എന്തെങ്കിലും വലിയ കടമുണ്ടെങ്കില്‍ അതും മാറും. ഈ ദിവസം നിങ്ങള്‍ ദരിദ്രര്‍ക്ക് ഭക്ഷണം നല്‍കുകയാണെങ്കില്‍, അത് കൂടുതല്‍ ശുഭഫലം നല്‍കും.

ദേവിക്ക് ചെമ്പരത്തി സമര്‍പ്പിക്കുക

ദുര്‍ഗ്ഗാ ദേവിക്ക് ചുവന്ന നിറമുള്ള വസ്തുക്കളാണ് ഇഷ്ടം. ചുവന്ന ചെമ്പരത്തിയും ചുവന്ന പൂക്കളും നിങ്ങള്‍ ദേവിക്ക് സമര്‍പ്പിച്ചാല്‍, നിങ്ങളുടെ ജീവിതത്തില്‍ സന്തോഷം വരും. നവരാത്രി കാലത്ത് ദേവിക്ക് 5 ചെമ്പരത്തിപ്പൂക്കള്‍ സമര്‍പ്പിക്കുക, ഈ പൂക്കള്‍ വീട്ടിലെ പണം സൂക്ഷിക്കുന്ന സ്ഥലത്ത് വയ്ക്കുക. ഈ പൂക്കള്‍ നിങ്ങള്‍ക്ക് വീടിന്റെ നിലവറയിലോ നിങ്ങളുടെ പേഴ്‌സിലോ സൂക്ഷിക്കാം. ഈ പ്രതിവിധി ചെയ്താല്‍ നിങ്ങള്‍ക്ക് ഒരിക്കലും പണത്തിന് ക്ഷാമം നേരിടേണ്ടിവരില്ല, നിങ്ങളുടെ എല്ലാ ആഗ്രഹങ്ങളും നിറവേറപ്പെടുന്നതായിരിക്കും.

ജോലിയില്‍ വിജയത്തിന്

നിങ്ങള്‍ കഠിനാധ്വാനം ചെയ്തിട്ടും ഫലം ലഭിക്കുന്നില്ലങ്കില്‍ ഭാഗ്യം നിങ്ങളെ പിന്തുണയ്ക്കുന്നുണ്ടാവില്ല. നവരാത്രിയുടെ ആദ്യ ദിവസം, ഒരു ജോടി ഗ്രാമ്പൂ നിങ്ങളുടെ മേല്‍ 7 തവണ ഉഴിയുക. അത് ദുര്‍ഗാ ദേവിയുടെ പാദങ്ങളില്‍ സമര്‍പ്പിക്കുക. അതിനുശേഷം നവമി നാളില്‍ വീണ്ടും ഇതേ പ്രതിവിധി ചെയ്യുക. ഇത് നിങ്ങളുടെ ജോലിയിലെ തടസ്സം നീക്കുന്നതായിരിക്കും.