ജനനത്തീയതിയില്‍ ഇതു ചെയ്താല്‍ ധനവും ഭാഗ്യവും ഫലം

9

ഹനുമാന്‍ പ്രീതി 9 തീയതികളില്‍ പെടുന്നവര്‍ക്കു പ്രധാനം. ഹനുമാന്‍ പ്രീതിയ്ക്കായി വട മാല, വെറ്റില എന്നിവ സമര്‍പ്പിയ്ക്കാം. ചൊവ്വാഴ്ച ദിവസം ഹനുമാന്‍ ചാലിന ജപിയ്ക്കാം. പവിഴം ധരിയ്ക്കുന്നത് ഇക്കൂട്ടര്‍ക്ക് സാമ്പത്തികാഭിവൃദ്ധി നല്‍കുന്ന ഒന്നാണ്. 9, 18, 27 തീയതികളില്‍ ജനിച്ചവരുടെ സംഖ്യ 9 ആണ്.

8

ആല്‍മരത്തെ ധ്യാനിച്ച് ഇതിനു കീഴെ നെയ് വിളക്കു കത്തിയ്ക്കുന്നത് 8 തീയതിയില്‍ വരുന്നവര്‍ക്കു നല്ലതാണ്. ശിവനു മുന്‍പില്‍ ചന്ദനത്തിരിയോ ഇതുപോലെയുള്ള സുഗന്ധദ്രവ്യങ്ങള്‍ കത്തിയ്ക്കുന്നതും നല്ലതാണ്. ശിവപ്രീതി പ്രധാനം. 8, 17, 26 തീയതികളില്‍ ജനിച്ചവര്‍ ഇതില്‍ പെടുന്നു. ഇന്ദ്രനീലമാണ് ഇവര്‍ക്കു ചേര്‍ന്ന ഭാഗ്യക്കല്ല്. ധരിയ്ക്കുന്നത് ഭാഗ്യം നല്‍കുന്ന ഒന്നാണ്.

7

സംഖ്യാ ശാസ്ത്ര പ്രകാരം 7 എന്ന തീയതിയില്‍ ജനിച്ചവര്‍ക്ക് ശിവനെ ധ്യാനിയ്ക്കുന്നതും ജലാഭിഷേകം ചെയ്യുന്നതും അഭിവൃദ്ധിയുണ്ടാക്കുന്നു.കറുപ്പു നിറത്തിലെ നായക്ക് ഭക്ഷണം നല്‍കുന്നത് ഇവര്‍ക്കു നല്ലതു വരുത്തും. 7, 16, 25 തീയതികളില്‍ ജനിച്ചവരുടെ സംഖ്യ 7 ആണ്.

6

6, 15, 24 തീയതികളില്‍ ജനിച്ചവരുടെ ഭാഗ്യനമ്പര്‍ 6 ആണ്. ഇവര്‍ക്ക് ലക്ഷ്മീപ്രീതി ധന ലാഭത്തിന് സഹായിക്കുന്ന ഒന്നാണ്. വ്യാഴാഴ്ചകളില്‍ ലക്ഷ്മീസ്‌തോത്രം ജപിയ്ക്കുന്നതും മധുരം കഴിയ്ക്കുന്നതും ഇവര്‍ക്കു സാമ്പത്തികഉയര്‍ച്ച നല്‍കും. വൈഡൂര്യം ധരിയ്ക്കുന്നത് ഭാഗ്യം നല്‍കുന്ന ഒന്നാണ്.

5

5, 14, 23 തീയതികളില്‍ ജനിച്ചവര്‍ സംഖ്യാശാസ്ത്ര പ്രകാരം 5 എന്ന സംഖ്യയില്‍ വരുന്നവരാണ്. ഇവര്‍ക്കും ഐശ്വര്യത്തിനും ഭാഗ്യത്തിനും ഗണപതി പ്രസാദം അത്യാവശ്യമാണ്. ഗണേശസ്‌തോത്രം ജപിയ്ക്കുന്നതും ഇവര്‍ക്കു ഗുണം ചെയ്യും. എമറാര്‍ഡ് ഇവര്‍ക്കു ഭാഗ്യം നല്‍കുന്ന കല്ലാണ്. ബുധനാഴ്ചികളില്‍ ഗോപ്രീതി വരുത്തുന്നതു നല്ലതാണ്. പശുവിന് പുല്ലും വെള്ളവുമെല്ലാം നല്‍കുക.

4

സംഖ്യാശാസ്ത്ര പ്രകാരം 4, 13, 22, 31 തീയതികളിലാണ് ജനനമെങ്കില്‍ സംഖ്യ 4 ആയി വരും. ഇവര്‍ ജീവിതത്തില്‍ ഉയര്‍ച്ചയും ധനലാഭവും ഐശ്വര്യവുമുണ്ടാകാന്‍ ഗണേശ ഭഗവാനെ തൃപ്തിപ്പെടുത്തുന്നതു നല്ലതാണ്. ഗണപതി പൂജകളും സ്‌തോത്രങ്ങളുമെല്ലാം ഗുണം ചെയ്യുന്ന ഒന്നാണ്. സാമ്പത്തികമായി ഉയര്‍ച്ചയ്ക്ക് ഇവര്‍ രത്‌നവും ഗോമേദകവും ധരിയ്ക്കുന്നതു ഗുണം ചെയ്യും.

3

3 എന്ന അക്കമാണ് വരുന്നതെങ്കില്‍ വ്യാഴാഴ്ച ദിവസം മഞ്ഞവസ്ത്രം അണിയുന്നതും ബൃഹസ്പതിയെ പ്രാര്‍ത്ഥിയ്ക്കുന്നതും പൂജ ചെയ്യുന്നതുമെല്ലാം നല്ലതാണെന്നു സംഖ്യാശാസ്ത്ര പ്രകാരം വിശദീകരണം. ഇവര്‍ക്ക് രത്‌നക്കല്ല്, പുഷ്യരാഗം എന്നിവ ധരിയ്ക്കുന്നത് ഗുണം നല്‍കുന്ന ഒന്നാണ്. 3, 12, 21, 30 തീയതികളിലാണ് ഇവര്‍ പെടുന്നത്.

2

2 എന്ന നമ്പറാണ് സംഖ്യാശാസ്ത്ര പ്രകാരമെങ്കില്‍ ഇവര്‍ തിങ്കളാഴ്ച വ്രതം നോറ്റു പ്രാര്‍ത്ഥിയ്ക്കുന്നതു നല്ലതാണ്. പ്രത്യേകിച്ചും ശിവനെ. തിങ്കളാഴ്ച ദിവസങ്ങളില്‍ ഉപ്പ് കഴിയ്ക്കാതിരിയ്ക്കുന്നതും നല്ലതാണ്. അതായത് 2, 11, 20, 29 എന്നീ നമ്പറുകളില്‍ പെടുന്നവര്‍

1

1 ആണ് നമ്പറെങ്കില്‍ ഇവര്‍ മാണിക്യക്കല്ല് അണിയുന്നത് ധനലാഭവും നല്ലതും വരുത്തും. ഞായറാഴ്ച ദിവസങ്ങളില്‍ ഇവര്‍ മധുരം കഴിയ്ക്കുന്നതും ഈ നേട്ടങ്ങള്‍ നല്‍കുന്ന ഒന്നാണ്. 1, 10, 19, 28 തീയതികളില്‍ ജനിച്ചവരുടെ നമ്പര്‍ 1 ആയി വരും