ശനിദേവന്റെ വിഗ്രഹം വീട്ടില്‍ വച്ച് പൂജിക്കരുത്; കാരണം

ശനിദേവന്റെ വിഗ്രഹം വീട്ടില്‍ സൂക്ഷിക്കരുത്‌

ശനി ദേവനെ ആരാധിക്കുമ്പോള്‍ ശ്രദ്ധിക്കേണ്ട ചില നിയമങ്ങളും ചട്ടങ്ങളും ഉണ്ട്. ശനിദേവന്റെ ഒരു ചിത്രമോ വിഗ്രഹമോ നിങ്ങളുടെ വീട്ടില്‍ സൂക്ഷിക്കരുത്. കണ്ണ് തുറന്നിരിക്കുന്ന ശനി ദേവന്റെ പ്രതിമയെ ആരാധിക്കരുതെന്ന് പറയപ്പെടുന്നു.

വാസ്തു

മാത്രമല്ല, വീടിന്റെ വാസ്തു ഒരിക്കലും ശനിദേവന്റെ ചിത്രമോ വിഗ്രഹമോ സ്ഥാപിക്കാനുള്ള ആവശ്യകത അനുസരിച്ച് ആയിരിക്കില്ല. പകരം, ഒരാള്‍ക്ക് ശനിദേവന്റെ വിഗ്രഹമോ ചിത്രമോ ഇല്ലാതെ വീട്ടില്‍ ശനി പൂജ നടത്താവുന്നതാണ്. ശനിയുടെ ആഘാതം കുറയ്ക്കുന്നതിന് ശനി ചാലിസ പാരായണം ചെയ്യുക.

ഹനുമാന്‍ ആരാധന

ശനിദേവന്റെ പ്രതിരൂപങ്ങള്‍ ഇല്ലാതെ പ്രാര്‍ത്ഥിക്കുന്നതാണ് നിങ്ങള്‍ക്ക് ഉത്തമം. ശനിയുടെ കോപത്തില്‍ നിന്ന് രക്ഷനേടാന്‍ ഭക്തര്‍ക്ക് ഹനുമാന്‍ സ്വാമിയോട് പ്രാര്‍ത്ഥിക്കാന്‍ കഴിയും. നിങ്ങള്‍ക്ക് ശനിദോഷം ഉണ്ടെങ്കില്‍ ഈ പ്രതിവിധി ഉത്തമമാണ്. പുരാണങ്ങള്‍ പ്രകാരം, രാവണന്റെ പിടിയില്‍ നിന്ന് ശനിദേവനെ ഒരിക്കല്‍ ഹനുമാന്‍ രക്ഷിച്ചിട്ടുണ്ട്. അതിനു നന്ദിസൂചകമായി ഹനുമാന്റെ ഭക്തരെ ആരെയും ഉപദ്രവിക്കില്ലെന്ന് ശനി ഹനുമാന് വാഗ്ദാനം നല്‍കിയിട്ടുണ്ട്.

ശനിദേവന്റെ ദൃഷ്ടി ഒഴിവാക്കുക

വീടിന് പുറത്ത്, അതായത് ക്ഷേത്രത്തില്‍ മാത്രമേ ശനിദേവന്റെ ആരാധന നടത്താവൂ എന്ന് പറയപ്പെടുന്നു. കാരണം ശനിദേവന് ശാപം കിട്ടിയിട്ടുണ്ട്. ശാപമനുസരിച്ച്, ശനി ആരുടെ കണ്ണില്‍ നോക്കുന്നുവോ, അവന്‍ നശിച്ചുപോയേക്കാം. ഇതുകാരണം, ശനി ദേവനെ വീട്ടില്‍ ആരാധിക്കുന്നില്ലെന്നും ശനിയുടെ കാഴ്ച ഒഴിവാക്കാന്‍ ആരും വീട്ടില്‍ ശനിയുടെ വിഗ്രഹം സ്ഥാപിക്കരുതെന്നും പറയപ്പെടുന്നു. നിങ്ങള്‍ വീട്ടില്‍ ശനി ദേവനെ ആരാധിക്കുകയാണെങ്കില്‍, അദ്ദേഹത്തെ മനസില്‍ സ്മരിച്ച് ആരാധിക്കുക.

വീട്ടില്‍ സൂക്ഷിക്കാന്‍ പാടില്ലാത്ത വിഗ്രഹങ്ങള്‍

ശനിദേവനെ കൂടാതെ മറ്റു ചില വിഗ്രഹങ്ങള്‍ കൂടി വീട്ടില്‍ ആരാധനയ്ക്കായി ഉപയോഗിക്കരുതെന്ന് പറയപ്പെടുന്നു. രാഹു-കേതുവിന്റെ വിഗ്രഹമോ ചിത്രമോ, അതുപോലെ പരമശിവന്റെ നടരാജ രൂപമോ, ഭൈരവന്റെ വിഗ്രഹമോ ചിത്രമോ ഒന്നും തന്നെ വീട്ടിലെ പൂജാമുറിയില്‍ വയ്ക്കരുതെന്ന് പറയപ്പെടുന്നു. ഇത് നിങ്ങള്‍ക്ക് ഗുണത്തേക്കാളേറെ ദോഷം വരുത്തുന്നതായിരിക്കും.