നവരാത്രിയില്‍ ആഗ്രഹസഫലീകരണത്തിന് ദുര്‍ഗ്ഗാ ദേവിക്ക് ഈ നിവേദ്യങ്ങള്‍

ദിവസം 1 - നെയ്യ്

നവരാത്രി ദിനത്തിന്റെ ആദ്യം നിങ്ങള്‍ ദുര്‍ഗ്ഗാ ദേവിയുടെ ശൈലപുത്രിയെയാണ് ആരാധിക്കേണ്ടത്. ഈ ദിനത്തില്‍ ദേവിയുടെ തൃപ്പാദത്തില്‍ നെയ്യ് സമര്‍പ്പിക്കണം. ശുദ്ധമായ നെയ്യ് വഴിപാട് നടത്തുന്നതും നിങ്ങളുടെ ജീവിതത്തില്‍ ദുരിതങ്ങളെ ഇല്ലാതാക്കി സര്‍വ്വ സൗഭാഗ്യം നല്‍കുന്നു എന്നാണ് വിശ്വാസം. രോഗങ്ങളില്‍ നിന്നും മുക്തമായ ജീവിതം നിങ്ങള്‍ക്ക് നല്‍കപ്പെുന്നു എന്നാണ്പറയുന്നത്.

ദിവസം 2 - പഞ്ചസാര

രണ്ടാമത്തെ ദിവസം ദുര്‍ഗ്ഗാ പൂജയില്‍ ദുര്‍ഗ്ഗാ ദേവിയുടെ മറ്റൊരു ഭാവമായ ബ്രഹ്മചാരിണി ദേവിയെയാണ് ആരാധിക്കേണ്ടത്. ഈ ദിനത്തില്‍ ദേവിക്ക് പഞ്ചസാര സമര്‍പ്പിക്കുന്നത് നല്ലതാണ്. ഇത് ജീവിതത്തില്‍ സന്തോഷം നിറക്കുന്നു എന്നാണ് പറയപ്പെടുന്നത്. അതുകൊണ്ട് തന്നെ ഈ ദിനത്തില്‍ പഞ്ചസാര നിവേദിക്കുന്നത് നല്ലതാണ്.

ദിവസം 3 - പായസം

നവരാത്രിയുടെ മൂന്നാം ദിവസമാണ് ചന്ദ്രഘണ്ട ദേവിയെ ആരാധിക്കുന്നത്. ഈ ദിനത്തില്‍ ദുര്‍ഗ്ഗാ ദേവിയുടെ മൂന്നാമത്തെ ഭാവമായ ചന്ദ്രഘണ്ട ദേവിക്ക് വേണ്ടിയാണ് നിവേദ്യങ്ങള്‍ അര്‍പ്പിക്കേണ്ടത്. ദുര്‍ഗ്ഗാ ദേവിയുടെ ഈ ദേവി ഭാവത്തിന്റെ അനുഗ്രഹം തേടുന്നതിന് വേണ്ടി ഭക്തര്‍ പായസമാണ് അര്‍പ്പിക്കേണ്ടത്. ഇത് ജീവിതത്തില്‍ സന്തോഷവും ഐശ്വര്യവും നിറക്കുന്നു എന്നാണ് പറയപ്പെടുന്നത്.

ദിവസം 4 - മാല്‍പുവ

നവരാത്രിയുടെ നാലാം ദിവസം ദേവി കുഷ്മാണ്ഡയെയാണ് ആരാധിക്കേണ്ടത്. ഈ ദിനത്തില്‍ ദുര്‍ഗ്ഗാ ഭക്തര്‍ ദേവിക്ക് മാല്‍പുവയാണ് സമര്‍പ്പിക്കേണ്ടത്. ഇത് കൂടാതെ ദേവി ശ്ലോകങ്ങള്‍ വായിക്കുകയും ജപിക്കുകയും ചെയ്യുന്നത് ജീവിതത്തില്‍ ഐശ്വര്യവും സന്തോഷവും കൊണ്ട് വരുന്നു.

ദിവസം 5 - വാഴപ്പഴം

ഒമ്പത് ദിവസത്തെ ഉത്സവത്തിന്റെ അഞ്ചാം ദിവസമാണ് ദേവി സ്‌കന്ദമാതാവിനെ ആരാധിക്കേണ്ടത്. ഈ ദിനത്തില്‍ ദേവിയുടെ അനുഗ്രഹം വളരെ പ്രധാനപ്പെട്ടതാണ്. ദേവിയുടെ അനുഗ്രഹത്തിന് വേണ്ടി വാഴപ്പഴമാണ് ദേവിക്ക് നിവേദിക്കേണ്ടത്. ഇത് ആയുരാരോഗ്യ സൗഖ്യം ജീവിതത്തില്‍ നല്‍കുന്നു എന്നാണ് വിശ്വാസം.

ദിവസം 6 - തേന്‍

ദുര്‍ഗ്ഗാപൂജയുടെ ആറാമത്തെ ദിവസം ഭക്തര്‍ ദുര്‍ഗ്ഗാ ദേവിയുടെ അവതാരമായ കാര്‍ത്യായനി ദേവിയെയാണ് ആരാധിക്കേണ്ടത്. ഈ ദിനത്തില്‍ ദേവിക്ക് പ്രസാദമായി തേന്‍ ആണ് സമര്‍പ്പിക്കേണ്ടത്. ഇത് ജീവിതത്തില്‍ സന്തോഷം നിറക്കുന്നതിനും ആയുരാരോഗ്യ സൗഖ്യത്തിനും സഹായിക്കുന്നു.

ദിവസം 7 - ശര്‍ക്കര

നവരാത്രി ദിനത്തിന്റെ ഏഴാമത്തെ ദിവസത്തില്‍ കാലരാത്രിയെയാണ് ആരാധിക്കേണ്ടത്. ശര്‍ക്കരയാണ് ഈ ദിനത്തില്‍ ദേവിക്ക് നേദിക്കേണ്ടത്. ശര്‍ക്കരയോ ശര്‍ക്കര ഉപയോഗിച്ച് തയ്യാറാക്കിയ പലഹാരങ്ങളോ വേണം നല്‍കുന്നതിന്. ഇത് കൂടാതെ ദക്ഷിണയും സമര്‍പ്പിക്കേണ്ടതാണ്. എല്ലാ വിധത്തിലുള്ള പ്രതിസന്ധികളേയും ഇല്ലാതാക്കുന്നതിന് സഹായിക്കുന്നു ഇത്.

ദിവസം 8 - തേങ്ങ

ഏത് ദോഷഫലങ്ങളേയും ചെറുക്കുന്നതിന് തേങ്ങ ഉപയോഗിക്കുന്നവരാണ് നമ്മള്‍. എട്ടാം ദിനത്തില്‍ നാം ദേവി മഹാഗൗരിയെയാണ് ആരാധിക്കുന്നത്. ഈ ദിനത്തില്‍ നാളികേരം ദേവിക്ക് സമര്‍പ്പിക്കുന്നതിന് ശ്രദ്ധിക്കണം. ഐശ്വര്യവും സന്തോഷവും കൈവരിക്കുന്നതിന് ദേവിക്ക് തേങ്ങ വഴിപാടായി സമര്‍പ്പിക്കേണ്ടതാണ്.

ദിവസം 9 - എള്ള്

നവരാത്രിയുടെ അവസാന ദിവസമാണ് ഒന്‍പതാമത്തെ ദിവസം. ഈ ദിനത്തില്‍ നാം ദേവിക്ക് എള്ള് സമര്‍പ്പിക്കേണ്ടതാണ്. സിദ്ധി ധാത്രിയെയാണ് ഈ ദിനത്തില്‍ ആരാധിക്കേണ്ടത്. ദേവിയുടെ അനുഗ്രഹത്തിനായി എള്ള് തിരി കത്തിക്കുകയും ദേവിക്ക് എള്ള് സമര്‍പ്പിക്കുകയും ചെയ്യുന്നു. ഇത് നിങ്ങളുടെ ജീവിതത്തില്‍ ഐശ്വര്യവും ആഗ്രഹ പൂര്‍ത്തീകരണവും ഫലം നല്‍കുന്നു.