ധന്തേരാസ് ദിനം: ശുഭകാര്യങ്ങള്‍ക്ക് തുടക്കം കുറിക്കാന്‍ ശുഭമുഹൂര്‍ത്തം

ശുഭമുഹൂര്‍ത്തം

ധന്തേരാസ് 2022 തീയതിയും ശുഭമുഹൂര്‍ത്തവും എന്തൊക്കെയെന്ന് നോക്കാം. ത്രയോദശി തിഥി ആരംഭിക്കുന്നത് - ഒക്ടോബര്‍ 22, 2022 - 06:02 PM

ത്രയോദശി തിഥി അവസാനിക്കുന്നത് - ഒക്ടോബര്‍ 23, 2022 - 06:03 PM

പ്രദോഷകാലം - ഒക്ടോബര്‍ 22, 05:45 PM മുതല്‍ 08:17 PM വരെ

വൃഷഭകാലം - ഒക്ടോബര്‍ 22, 07:01 PM മുതല്‍ 08:56 PM വരെ

പൂജ മുഹൂര്‍ത്തം - ഒക്ടോബര്‍ 22, 2022 - 07:01 PM മുതല്‍ 08:17 PM വരെ എന്നിങ്ങനെയാണ് ഈ മുഹൂര്‍ത്തം.

ധന്തേരാസ് 2022: പ്രാധാന്യം

ധന്തേരാസ് ദിനത്തിന് വളരെയധികം പ്രാധാന്യമാണ് ഉള്ളത്. ധന്‍ എന്ന വാക്കിന്റെ അര്‍ത്ഥം തന്നെ സമ്പത്ത് എന്നതാണ്. തേരാസ് എന്നാല്‍ അത് 13 എന്നതിനെയാണ് സൂചിപ്പിക്കുന്നത്. അതുകൊണ്ടാണ് ഈ ദിനത്തെ ധന്തേരാസ് എന്ന് പറയുന്നത്. ഈ പുണ്യദിനത്തില്‍ ലക്ഷ്മി ദേവിയും കുബേരനും കയറി വരുന്നു എന്നാണ് വിശ്വാസം. അതുകൊണ്ട് തന്നെയാണ് ഈ ദിനത്തില്‍ ലക്ഷ്മീ പൂജയും ഐശ്വര്യലബ്ധിക്ക് വേണ്ടി പ്രത്യേകം പ്രാര്‍ത്ഥനകളും നടത്തുന്നത്. ഈ ദിനത്തില്‍ പല വസ്തുക്കളും വാങ്ങുന്നത് ഐശ്വര്യമായാണ് കണക്കാക്കുന്നത്. ഈ ദിനത്തില്‍ ആളുകള്‍ സ്വര്‍ണവും വെള്ളിയും ഉള്‍പ്പടെയുള്ള വസ്തുക്കള്‍ വാങ്ങുന്നത് ഐശ്വര്യം വര്‍ദ്ധിപ്പിക്കുന്നു എന്നാണ് വിശ്വാസം.

ധന്വന്തരി ജയന്തി

ധന്വന്തരി ജയന്തിയും ഈ ദിനത്തില്‍ ആഘോഷിക്കുന്നു. ആയുര്‍വ്വേദത്തിന്റെ ദൈവമായാണ് ധനന്ത്വരിയെ കണക്കാക്കുന്നത്. അതുകൊണ്ട് തന്നെ ധന്തേരാസ് ദിനം ധന്വന്തരി ജയന്തിയായി ആഘോഷിക്കുന്നു. ഈ ദിനത്തില്‍ പ്രദോഷകാലത്ത് ലക്ഷ്മീ പൂജ നടത്തുന്നതിന് ശ്രദ്ധിക്കണം. ഇത് കൂടാതെ ലക്ഷ്മി ദേവിയെ ആരാധിക്കുന്നത് നിങ്ങളുടെ വീട്ടില്‍ ഐശ്വര്യം കൊണ്ട് വരും എന്നാണ് പറയുന്നത്. ഈ ദിനത്തില്‍ വീട്ടില്‍ ധാരാളം വിളക്കുകള്‍ കത്തിക്കുന്നു. ഇതിലൂടെ ജീവിതത്തിലെ എല്ലാ നെഗറ്റീവ് എനര്‍ജിയും ഇല്ലാതാവും എന്നുമാണ് പറയപ്പെടുന്നു.

ധന്തേരാസ് 2022: പൂജ വിധി

ധന്തേരാസ് ദിനത്തില്‍ പൂജ ചെയ്യേണ്ടത് എങ്ങനെയെന്ന് നോക്കാം. ആളുകള്‍ അതിരാവിലെ എഴുന്നേറ്റ് വീടുകള്‍ വൃത്തിയാക്കുന്നതിനും അലങ്കരിക്കുന്നതിനും ശ്രമിക്കുന്നു. പിന്നീട് രംഗോലി വരക്കുകയും വിളക്കുകള്‍ കത്തിക്കുകയും ചെയ്യുന്നു. അതേ ദിവസം രാവിലെയും വൈകിട്ടും ലക്ഷ്മി പൂജ നടത്തുന്നു. ലക്ഷ്മി ദേവിയെ ആരാധിക്കുന്നതിന് വേണ്ടി നെയ്യ്, പൂക്കള്‍, കുങ്കുമം എന്നിവ ഉപയോഗിക്കേണ്ടതാണ്. ആളുകള്‍ ഈ ദിവസം കുബേരനെ ആരാധിക്കുകയും ചെയ്യുന്നു. കൂടാതെ ലക്ഷ്മി ദേവിക്ക് വേണ്ടി മധുരപലഹാരങ്ങളും പ്രസാദവും സമര്‍പ്പിക്കുന്നു.