ദുരിതമുക്തിയും കുടുംബത്തില്‍ ഐശ്വര്യവും; ചൈത്ര പ്രദോഷത്തില്‍ ശിവാരാധന നല്‍കും നേട്ടങ്ങള്‍

ചൈത്ര പ്രദോഷ വ്രതം ശുഭസമയം

ഹിന്ദു കലണ്ടര്‍ അനുസരിച്ച്, മാര്‍ച്ച് 19ന് രാവിലെ 8.08 ന് ത്രയോദശി തിഥി ആരംഭിക്കുന്നു. മാര്‍ച്ച് 20ന് വൈകിട്ട് 4.56ന് സമാപിക്കും. മാര്‍ച്ച് 19ന് പ്രദോഷകാല പൂജാ സമയം 6.35 മുതല്‍ 8.55 വരെയാണ്. പ്രദോഷ പൂജാ മുഹൂര്‍ത്തം 19ന് 06:12 PM മുതല്‍ ആരംഭിക്കും ഇത് 08:35 PM വരെ നീണ്ടുനില്‍ക്കും.

ശുഭയോഗം

ഇത്തവണ രവിപ്രദോഷ വ്രതം മൂന്ന് ശുഭ യോഗങ്ങളിലാണ്. സിദ്ധയോഗം, സധ്യയോഗം, ദ്വിപുഷ്‌കര യോഗം എന്നിവ ഈ ദിവസം രൂപപ്പെടുന്നു. രാവിലെ മുതല്‍ രാത്രി 08:07 വരെയാണ് സിദ്ധയോഗം. ഇതിനുശേഷം സധ്യയോഗം തുടങ്ങും. അതേസമയം, ദ്വിപുഷ്‌കരയോഗം രാവിലെ 06.27 മുതല്‍ 08.07 വരെയാണ്.

ചൈത്ര പ്രദോഷ വ്രത പൂജ

രവിപ്രദോഷ വ്രത നാളിലെ പ്രദോഷകാലം അതായത് സന്ധ്യാ സമയം ആരാധനയ്ക്ക് അനുകൂലമായി കണക്കാക്കപ്പെടുന്നു. സൂര്യാസ്തമയത്തിന് ഒരു മണിക്കൂര്‍ മുമ്പ് കുളിച്ച് ഉപവാസം തുടങ്ങുക. ശുഭമുഹൂര്‍ത്തത്തില്‍ പൂജ ആരംഭിക്കുക. പശുവിന്‍ പാല്‍, തൈര്, നെയ്യ്, തേന്‍, ഗംഗാജലം മുതലായവ കൊണ്ട് ശിവലിംഗ അഭിഷേകം നടത്തുക. അതിനു ശേഷം ശിവലിംഗത്തില്‍ ചന്ദനം പുരട്ടി കൂവളം, പൂക്കള്‍ മുതലായവ സമര്‍പ്പിക്കുക. ഇതിനുശേഷം ആരതിയും നടത്തുക.

പ്രദോഷ വ്രതത്തിന്റെ പ്രാധാന്യം

പ്രദോഷ വ്രതം ആചരിക്കുന്നതിലൂടെ ഭക്തരില്‍ പരമേശ്വരന്‍ പ്രസാദിക്കുന്നു. എല്ലാ ദുഃഖങ്ങളും നീക്കി സന്തോഷവും സമാധാനവും സമൃദ്ധിയും നല്‍കുന്നു. രവിപ്രദോഷ വ്രതം ആചരിക്കുന്നതിലൂടെ ദുഃഖങ്ങള്‍, രോഗങ്ങള്‍, ദോഷങ്ങള്‍ മുതലായവ മാറുമെന്നാണ് വിശ്വാസം. അതോടൊപ്പം കഷ്ടപ്പാടുകളില്‍ നിന്നും മുക്തി ലഭിക്കുകയും ചെയ്യുന്നു.

ഓം നമഃ ശിവായ എന്ന പഞ്ചക്ഷര മന്ത്രം

ചൈത്രപ്രദോഷ വ്രത നാളില്‍ കടക്കെണിയിലായ ഒരാള്‍ ഏതെങ്കിലും ശിവക്ഷേത്രത്തില്‍ ചെന്ന് 'ഓം നമോ ദണ്ഡായ സ്വാഹാ', ശിവന്റെ പഞ്ചക്ഷര മന്ത്രമായ 'ഓം നമഃ ശിവായ' എന്നിവ 11 തവണയെങ്കിലും ജപിച്ചാല്‍ കടബാധ്യതയില്‍ നിന്ന് പെട്ടെന്ന് മോചനം ലഭിക്കുമെന്ന് വിശ്വസിക്കപ്പെടുന്നു. ഭാര്യാഭര്‍ത്താക്കന്മാര്‍ തമ്മിലുള്ള ബന്ധം വളരെക്കാലമായി മോശമായി തുടരുകയാണെങ്കില്‍, ഈ ദിവസം ശിവലിംഗത്തില്‍ ഒരു പിടി പഞ്ചസാര മിഠായി അര്‍പ്പിക്കുക. അതിനുശേഷം 'ഓം നമഃ ശിവായ' മന്ത്രം ജപിച്ച് ഗംഗാജലം അര്‍പ്പിക്കുക. ഇത് ദാമ്പത്യ ജീവിതത്തിലെ പിരിമുറുക്കം അവസാനിപ്പിക്കും.

സൂര്യദോഷം നീക്കാന്‍

ഈ പ്രദോഷം സൂര്യനുമായി ബന്ധപ്പെട്ടിരിക്കുന്നു, ഈ ദിവസം ഉപവസിക്കുന്നത് പ്രശസ്തി, ബഹുമാനം, നല്ല ആരോഗ്യം, ദീര്‍ഘായുസ്സ്, ശക്തി എന്നിവ നല്‍കുന്നു. സൂര്യനും ചന്ദ്രനും ഈ ദിവസം സജീവമാണ്. ജാതകത്തില്‍ ദോഷകരമായ സൂര്യന്‍ ഉള്ളവര്‍ക്ക് വ്രതം എടുക്കുന്നത് വളരെ പ്രയോജനകരമാണ്.

സാമ്പത്തിക പ്രതിസന്ധി നീങ്ങാന്‍

ഒരു പാത്രം അരി രണ്ടായി പകുത്ത് അരിയുടെ ഒരു പകുതി ശിവന് സമര്‍പ്പിച്ച് ബാക്കി പകുതി ആവശ്യക്കാര്‍ക്ക് ദാനം ചെയ്യുക. പിന്നീട് ശിവനെ പൂജിച്ച ശേഷം, അദ്ദേഹത്തിന് സമര്‍പ്പിച്ച അരിയുടെ പകുതി എടുത്ത് ഒരു വെള്ള തുണിയില്‍ കെട്ടി നിങ്ങളുടെ ലോക്കറിലോ പണം സൂക്ഷിക്കുന്ന സ്ഥലത്തോ സൂക്ഷിക്കുക. ഇങ്ങനെ ചെയ്യുന്നതിലൂടെ ലക്ഷ്മീ ദേവി പ്രസാദിക്കുകയും നിങ്ങളുടെ വീട്ടില്‍ ഒരിക്കലും പണത്തിന് ക്ഷാമം ഉണ്ടാകാതിരിക്കുകയും ചെയ്യും.