ചൈത്ര നവരാത്രിയില്‍ ദുര്‍ഗാദേവിയെ പ്രീതിപ്പെടുത്താന്‍ ഈ ആചാരം

ലഹരിപാനീയങ്ങള്‍ ഒഴിവാക്കുക

നവരാത്രി ഉള്‍പ്പെടെയുള്ള ഏതെങ്കിലും മതപരമായ ചടങ്ങുകളിലും ഉത്സവങ്ങളിലും മദ്യം കഴിക്കുന്നത് ഹൈന്ദവ വിശ്വാസമനുസരിച്ച് കര്‍ശനമായി നിരോധിച്ചിരിക്കുന്നു. ചൈത്ര നവരാത്രി നാളുകളില്‍ ലഹരിപാനീയങ്ങള്‍ മുഴുവനായും ഉപേക്ഷിക്കണം.

മുടി മുറിക്കരുത്

വ്രതമനുഷ്ഠിക്കുന്ന ഭക്തര്‍ നവരാത്രിയില്‍ മുടിവെട്ടുകയോ ഷേവ് ചെയ്യുകയോ ചെയ്യുന്നത് ഒഴിവാക്കണം. നവരാത്രി സമയത്ത് താടി വടിക്കുന്നതും നിഷിധമാണ്.

നഖം വെട്ടരുത്

മേല്‍പ്പറഞ്ഞ മുടിവെട്ടലിനും ഷേവിംഗിനും പുറമേ, ഭക്തര്‍ ഈ ഒമ്പത് ദിവസങ്ങളില്‍ നഖം മുറിക്കുന്നതില്‍ നിന്ന് വിട്ടുനില്‍ക്കണം.

ഉള്ളിയോ വെളുത്തുള്ളിയോ കഴിക്കരുത്

ഉള്ളിയും വെളുത്തുള്ളിയും തമസ് സ്വഭാവമുള്ള ഭക്ഷണങ്ങളാണ്. ഇത് മനസ്സിനോ ശരീരത്തിനോ ഹാനികരമാകുമെന്ന് സൂചിപ്പിക്കുന്നു. ഒന്‍പത് ദിവസം ഭക്തര്‍ സാത്വികമായ ഭക്ഷണക്രമം പാലിക്കണം.

നോണ്‍ വെജിറ്റേറിയന്‍ ഭക്ഷണങ്ങള്‍ കഴിക്കുന്നത് ഒഴിവാക്കുക

വെളുത്തുള്ളി, ഉള്ളി, ധാന്യങ്ങള്‍, ഉപ്പ് എന്നിവ കൂടാതെ, ഇക്കാലത്ത് ഭക്തര്‍ എല്ലാ നോണ്‍-വെജിറ്റേറിയന്‍ ഭക്ഷണങ്ങളില്‍ നിന്നും വിട്ടുനില്‍ക്കണം.

നാരങ്ങ അരിഞ്ഞെടുക്കാന്‍ പാടില്ല

നവരാത്രി സമയത്ത്, നാരങ്ങ മുറിക്കുന്നത് പരമാവധി ഒഴിവാക്കണം. ഇത് അശുഭകരമായി കണക്കാക്കപ്പെടുന്നു. ഭക്ഷണം കഴിക്കുന്ന ഭക്തര്‍ ഇത് ഒഴിവാക്കാന്‍ കൂടുതല്‍ മുന്‍കരുതലുകള്‍ എടുക്കണം.

എണ്ണയില്‍ പൊരിച്ച ഭക്ഷണങ്ങള്‍ കഴിക്കുന്നത് ഒഴിവാക്കുക

ഈ ഒമ്പത് ദിവസത്തെ ആഘോഷങ്ങളില്‍ വറുത്ത ഭക്ഷണം കഴിക്കുന്നത് ഒഴിവാക്കുന്നതാണ് നല്ലത്, കാരണം ഇത് ശരീരത്തിന്റെയും ആത്മാവിന്റെയും ശുദ്ധീകരണ ലക്ഷ്യത്തെ പരാജയപ്പെടുത്തുന്നു.

ലെതര്‍ വസ്തുക്കള്‍ ഉപയോഗിക്കരുത്

നവരാത്രിയില്‍ വ്രതം അനുഷ്ഠിക്കുന്നവര്‍ തുകല്‍ കൊണ്ട് നിര്‍മ്മിച്ച ബെല്‍റ്റ്, ഷൂസ്, വാലറ്റുകള്‍ എന്നിവ ഉപയോഗിക്കുന്നത് ഒഴിവാക്കണം. വീട് ഒഴിഞ്ഞുകിടക്കരുത്, അഖണ്ഡജ്യോതി എപ്പോഴും കത്തിക്കുന്നുണ്ടെന്ന് ഉറപ്പുവരുത്താന്‍ ആരെങ്കിലും അവിടെ ഉണ്ടായിരിക്കണം.

ഉച്ചയുറക്കം വേണ്ട

വിഷ്ണുപുരാണം അനുസരിച്ച് നവരാത്രി വ്രതം അനുഷ്ഠിക്കുമ്പോള്‍ ഉച്ചയ്ക്ക് ഉറങ്ങുന്നത് ഒഴിവാക്കണം. വ്രതാനുഷ്ഠാനത്തിലൂടെ ലഭിക്കുന്ന എല്ലാ നല്ല കര്‍മ്മങ്ങളും ഉച്ചയ്ക്ക് ഉറങ്ങുന്നതോടെ അസാധുവാകുമെന്നാണ് പൊതുവെയുള്ള വിശ്വാസം. നവരാത്രിയില്‍ ഉപവാസം ഒരു സാധാരണ ആചാരമാണ്, എന്നാല്‍ പട്ടിണി കിടക്കരുത്, കാരണം അത് ആരോഗ്യത്തെ ബാധിക്കും. ദിവസം മുഴുവന്‍ ചെറിയ ഭക്ഷണം കഴിക്കുന്നത് നല്ലതാണ്.

ദേവിയെ പൂജിക്കാന്‍

നവരാത്രിയിലെ ദശമി വരെയുള്ള എല്ലാ ദിവസങ്ങളിലും അഖണ്ഡദീപം കത്തിക്കുക. ഇത് നിങ്ങള്‍ക്ക് അപ്രായോഗികമാണെങ്കില്‍, ഉത്സവം അവസാനിക്കുന്നതുവരെ എല്ലാ ദിവസവും രാവിലെയും വൈകുന്നേരവും നിങ്ങള്‍ക്ക് ആരതി നടത്താം. നവരാത്രിയിലെ എല്ലാ ദിവസങ്ങളിലും ദുര്‍ഗ്ഗാ ചാലിസയുടെയും ദുര്‍ഗ്ഗാ സപ്തസതിയുടെയും വരികള്‍ ചൊല്ലുക. ദുര്‍ഗാ ദേവിയുടെ എല്ലാ അവതാരങ്ങള്‍ക്കും ചുവന്ന പൂക്കള്‍ അര്‍പ്പിക്കുക. പൂജാവേളയില്‍ ചുവന്ന വസ്ത്രം ധരിക്കുന്നത് നല്ലതാണ്.