Click it and Unblock the Notifications
Latest Updates
-
സെപ്റ്റംബർ 10 സിദ്ധയോഗം: കരിയറിലും സാമ്പത്തിക കാര്യങ്ങളിലും നേട്ടമുണ്ടാക്കാൻ ഇന്ന് ചെയ്യേണ്ടവ ഇവയാണ് -
വെയിൽ കടുക്കുന്നു! മേക്കപ്പ് കേടാകാതെ ചർമ്മത്തെ സംരക്ഷിക്കാൻ ഈ എളുപ്പവഴികൾ പരീക്ഷിക്കൂ -
വീട്ടിലെ പൂജാമുറിയിൽ ഈ മാറ്റങ്ങൾ വരുത്തൂ; വാസ്തു പ്രകാരം ഐശ്വര്യവും സമാധാനവും ഉറപ്പ് -
ഐഫോൺ 18 പ്രോയും മടക്കാവുന്ന ഡ്യുവോയും ഇന്ത്യയിൽ; ഞെട്ടിക്കുന്ന വിലയും ഫീച്ചറുകളും! -
ഗണേഷ് ചതുർത്ഥി: വീട്ടിൽ ഗണപതിയെ പ്രതിഷ്ഠിക്കുമ്പോൾ ഈ വാസ്തു മാറ്റങ്ങൾ വരുത്താൻ മറക്കരുത് -
ബ്രിക്സ് ഉച്ചകോടി: ഡൽഹിയിൽ കടുത്ത ഗതാഗത നിയന്ത്രണം; യാത്രക്കാർക്ക് ജാഗ്രതാ നിർദ്ദേശം! -
കേരളത്തിൽ മഴ മുന്നറിയിപ്പ്: ആലപ്പുഴയിലും എറണാകുളത്തും യെല്ലോ അലർട്ട്; യാത്രകളിൽ അതീവ ജാഗ്രത വേണം -
സെപ്റ്റംബർ 11: ചന്ദ്രദർശനം ഇന്ന്; ഈ കാര്യങ്ങൾ ശ്രദ്ധിച്ചില്ലെങ്കിൽ പണി പാളും! -
14 കിലോ കൂട്ടി, 15 കിലോ കുറച്ചു; നിമിഷ സജയന്റെയും രജിഷയുടെയും ഫിറ്റ്നസ് രഹസ്യം ഇതാ -
കന്നിരാശിയിലെ ചന്ദ്ര-ബുധ സംയോഗം: ഈ സമയം ജോലികൾ വേഗത്തിൽ തീർക്കാം, ശ്രദ്ധിക്കേണ്ട കാര്യങ്ങൾ ഇതാ
വൃശ്ചികം രാശിയില് ബുധനും സൂര്യനും; ബുധാദിത്യയോഗം 12 രാശിയെയും ബാധിക്കുന്നത് ഇങ്ങനെ
നവംബര് 21 ന് ബുധന് വൃശ്ചികം രാശിയിലെത്തും. നേരത്തേ, നവംബര് 16ന് സൂര്യന് ഈ രാശിയില് എത്തിയിരുന്നു. വൃശ്ചിക രാശിയില് ബുധന് വരുന്നതോടെ 21ന് ചൊവ്വയുടെ രാശിയില് അഗ്നി മൂലകത്തിന്റെ ഉടമസ്ഥതയിലുള്ള വൃശ്ചികത്തില് ബുധന്-സൂര്യന് എന്നീ ഗ്രഹങ്ങളുടെ സംഗമം ഉണ്ടാകും. അതായത് ബുധന്റെയും സൂര്യന്റെയും സംയോജനം. സൂര്യനും ബുധനും ഏതെങ്കിലും രാശിയില് കണ്ടുമുട്ടുമ്പോള് ബുദ്ധാദിത്യയോഗം ഉണ്ടാകുന്നുവെന്ന് ജ്യോതിഷത്തില് പറഞ്ഞിട്ടുണ്ട്.
ബുദ്ധാദിത്യ യോഗം വളരെ ശുഭകരവും ഫലദായകവുമായി കണക്കാക്കപ്പെടുന്നു. ഈ യോഗത്തിന്റെ ശുഭഫലത്താല് ഒരു വ്യക്തി തന്റെ ബുദ്ധി, അറിവ്, അനുഭവം എന്നിവ ഉപയോഗിച്ച് കുടുംബജീവിതം, സാമൂഹിക ജീവിതം, തൊഴില് തുടങ്ങി ജീവിതത്തിന്റെ വിവിധ മേഖലകളില് മികച്ച വിജയം നേടുന്നു. നവംബര് 21 മുതല് വൃശ്ചിക രാശിയില് രൂപപ്പെടുന്ന ഈ സൂര്യന്-ബുധന് കൂടിച്ചേരല് നിങ്ങളുടെ രാശിക്ക് എങ്ങനെയായിരിക്കുമെന്ന് നമുക്ക് നോക്കാം.
മേടം
സൂര്യനും ബുധനും നിങ്ങളുടെ എട്ടാം ഭാവത്തില് സ്ഥിതി ചെയ്യുന്നതിനാല് ശാസ്ത്രം, ജ്യോതിഷം, തന്ത്ര-മന്ത്രം തുടങ്ങിയ നിഗൂഢ വിഷയങ്ങളില് നിങ്ങള്ക്ക് താല്പ്പര്യമുണ്ടാകാം. അതേസമയം, ഈ വിഷയങ്ങള് പഠിക്കുന്നവര്ക്ക് ഈ സമയം അനുകൂലമായിരിക്കും. ഈ രാശിക്കാര് ആരോഗ്യകാര്യത്തില് അല്പം ശ്രദ്ധ പുലര്ത്തുന്നത് നല്ലതാണ്.
ഇടവം
നിങ്ങളുടെ ഏഴാം ഭാവത്തില് സൂര്യന്-ബുധന് എന്നിവയുടെ സംയോജനം ഉണ്ടാകും, അതിനാല് നിങ്ങള്ക്ക് ദാമ്പത്യ ജീവിതത്തില് സന്തോഷകരമായ അനുഭവങ്ങള് ഉണ്ടാകും. നിങ്ങളുടെ ജീവിത പങ്കാളിയുടെ സഹായത്താല്, നിങ്ങളുടെ കരിയര് നല്ലൊരു ട്രാക്കിലെത്തും. പങ്കാളിത്തത്തോടെ ബിസിനസ്സ് ചെയ്യുന്നവര്ക്ക് ലാഭമുണ്ടാകും.
മിഥുനം
മിഥുന രാശിക്കാരുടെ ആറാം ഭാവത്തില് സൂര്യന്-ബുധന് ഒന്നിക്കും. രണ്ട് ഗ്രഹങ്ങളുടെ ഈ സംയോജനം നിങ്ങള്ക്ക് പൊതുവെ ഫലദായകമായിരിക്കും. മിഥുനം രാശിക്കാര് ഈ കാലയളവില് ശത്രുപക്ഷത്തു നിന്ന് ജാഗ്രത പാലിക്കണം. മരുമക്കളില് നിന്ന് ആനുകൂല്യം ലഭിക്കും.
കര്ക്കിടകം
സമയം നിങ്ങള്ക്ക് അനുകൂലമാണ്, നിങ്ങളുടെ അഞ്ചാം ഭാവത്തില് സൂര്യനും ബുധനും ഇരിക്കുന്നത് വിദ്യാഭ്യാസ മേഖലയില് നിങ്ങള്ക്ക് വിജയം നല്കും. ഈ സമയത്ത് നിങ്ങള്ക്ക് മംഗള കര്മ്മങ്ങളില് പങ്കെടുക്കാം. ഈ രാശിക്കാരുടെ പ്രണയ ജീവിതത്തില് നല്ല മാറ്റങ്ങള് ഉണ്ടാകും.
ചിങ്ങം
നിങ്ങളുടെ നാലാം ഭാവത്തില് സൂര്യന്റെയും ബുധന്റെയും സാന്നിദ്ധ്യം മൂലം സന്തോഷം വര്ദ്ധിക്കും. ഒരു വാഹനം വാങ്ങുക എന്ന ആശയം ഈ സമയത്ത് പൂര്ത്തിയാക്കാനാകും. ഈ രാശിക്കാര് മാതാവിനോടൊപ്പം നല്ല സമയം ചിലവഴിക്കും. മാതാവ് ജോലിക്കാരിയാണെങ്കില്, ഈ സമയത്ത് അവര്ക്ക് അനുകൂല ഫലങ്ങള് ലഭിക്കും.
കന്നി
സൂര്യന്-ബുധന് സംയോജനം നിങ്ങളുടെ മൂന്നാം ഭാവത്തില് ആയിരിക്കും, അതിനാല് നിങ്ങളുടെ ആത്മവിശ്വാസം വര്ദ്ധിക്കും, അതിനാല് നിങ്ങള്ക്ക് ജോലി രംഗത്ത് നല്ല ഫലങ്ങള് ലഭിക്കും. നിങ്ങളുടെ ആരോഗ്യത്തിലും നല്ല മാറ്റങ്ങള് വരാന് സാധ്യതയുണ്ട്.
തുലാം
സൂര്യനും ബുധനും നിങ്ങളുടെ രണ്ടാം ഭാവത്തില് സ്ഥിതി ചെയ്യുന്നതിനാല് സംസാരത്തില് മെച്ചമുണ്ടാകും. ഈ കാലയളവില് ജോലിക്ക് അഭിമുഖം നടത്തുന്നവര്ക്ക് വിജയം ലഭിക്കും. ഈ സമയത്ത് നിങ്ങളുടെ ബന്ധുക്കള് നിങ്ങളെ പിന്തുണയ്ക്കും.
വൃശ്ചികം
സൂര്യനും ബുധനും നിങ്ങളുടെ സ്വന്തം രാശിയില് കൂടിച്ചേരുന്നതിനാല് മാനസികമായി നിങ്ങളില് നല്ല മാറ്റങ്ങള് കാണാന് കഴിയും. നിങ്ങളുടെ ലക്ഷ്യങ്ങളില് നിങ്ങള് ശ്രദ്ധ കേന്ദ്രീകരിക്കും, അത് അനാവശ്യമായ ആശങ്കകള് ഇല്ലാതാക്കും. സാമൂഹിക തലത്തില് നിങ്ങളുടെ പ്രശസ്തി വര്ദ്ധിക്കും.
ധനു
നിങ്ങളുടെ പന്ത്രണ്ടാം ഭാവത്തില് സൂര്യന്-ബുധന് എന്നിവ സംയോജിക്കുന്നു, അതിനാല് ഈ രാശിക്കാര്ക്ക് ആത്മീയ മേഖലകളില് അനുകൂലമായ ഫലങ്ങള് ലഭിക്കും. വിദേശപഠനം സ്വപ്നം കാണുന്ന ധനു രാശിക്കാരുടെ ആഗ്രഹങ്ങളും ഇക്കാലയളവില് സഫലമാകും.
മകരം
നിങ്ങളുടെ ഗുണഭോക്തൃ ഭവനത്തില് അതായത് പതിനൊന്നാം ഭാവത്തില് സൂര്യന്-ബുധന് എന്നിവ കൂടിച്ചേര്ന്നതിനാല്, നിങ്ങള്ക്ക് പല സ്രോതസ്സുകളില് നിന്നും പണം ലഭിക്കും. മകരം രാശിക്കാരുടെ ആഗ്രഹങ്ങള് ഈ കാലയളവില് സഫലമാകും.
കുംഭം
സൂര്യന്-ബുധന് എന്നിവ നിങ്ങളുടെ പത്താം ഭാവത്തില് ആയിരിക്കും, അതിനാല് ഈ സമയത്ത് നിരവധി തൊഴില് പ്രശ്നങ്ങള് മറികടക്കാന് കഴിയും. ഈ കാലയളവില് ചില ആളുകള്ക്ക് ആഗ്രഹിച്ച ജോലിയും ലഭിക്കും, അതേസമയം കുംഭം രാശിയിലെ ബിസിനസുകാര്ക്ക് അവരുടെ ബിസിനസ്സ് വ്യാപിപ്പിക്കാന് കഴിയും.
മീനം
സൂര്യന്-ബുധന് എന്നിവ നിങ്ങളുടെ ഒമ്പതാം ഭാവത്തില് ഇരിക്കും, അതിനാല് ഈ കാലയളവില് നിങ്ങള്ക്ക് മതപരമായ പ്രവര്ത്തനങ്ങളില് സജീവമായി പങ്കെടുക്കാന് കഴിയും. നിങ്ങളുടെ പിതാവിന്റെ പിന്തുണ നിങ്ങള്ക്ക് ലഭിക്കും. ചില ആളുകള് ജോലിയുമായി ബന്ധപ്പെട്ട് യാത്രകള് നടത്തിയേക്കാം, ഈ യാത്രകളില് നിന്ന് നേട്ടങ്ങള് ലഭിക്കാന് സാധ്യതയുണ്ട്.
Continue with Google
