ഉറങ്ങിക്കിടന്ന ഭാഗ്യം ഉണരും, സൗഭാഗ്യനേട്ടങ്ങള്‍ തേടിവരും; ബുധ ഉദയ സ്വാധീനം 12 രാശിയിലും

നവഗ്രഹങ്ങളില്‍ വച്ച് ഏറ്റവും ചെറുതും വേഗത്തില്‍ ചലിക്കുന്നതുമായ ഗ്രഹമാണ് ബുധന്‍. ഇത് സൂര്യനോട് വളരെ അടുത്താണ് സ്ഥിതി ചെയ്യുന്നത്. ജ്യോതിഷത്തില്‍ ബുധനെ ബുദ്ധി, സംസാരം, ബിസിനസ്സ് എന്നിവയുടെ ഘടകമായി കണക്കാക്കുന്നു. ജാതകത്തില്‍ ബുധന്റെ സ്ഥാനം നല്ലതായിരിക്കുമ്പോള്‍ അത് നല്ല ആരോഗ്യവും അറിവും ബുദ്ധിയും നല്‍കുന്നു. ബുധന്‍ ബലവാനായിരിക്കുമ്പോള്‍, ഒരു വ്യക്തിക്ക് ശുഭ ഫലങ്ങളും ജോലികളില്‍ വിജയവും ലഭിക്കും.

ജ്യോതിഷത്തില്‍ ബുധനെ ഗ്രഹങ്ങളുടെ രാജകുമാരന്‍ എന്ന് വിളിക്കുന്നു. ബുധന്‍ ഈ സമയം മേടം രാശിയില്‍ ഉദയം ചെയ്യാന്‍ പോകുന്നു. മെയ് 14ന് ബുധന്‍ ഇതിനകം രാഹു ഇരിക്കുന്ന മേടം രാശിയില്‍ ഉദിക്കും. ബുധന്റെ ഉദയം 12 രാശികളിലും സ്വാധീനം ചെലുത്തും. നിങ്ങളുടെ രാശിയില്‍ ബുധന്റെ ഉദയത്തിന്റെ സ്വാധീനം എന്തായിരിക്കുമെന്ന് അറിയാന്‍ ലേഖനം വായിക്കൂ.

മേടം
നിങ്ങളുടെ ലഗ്‌നത്തില്‍ ബുധന്റെ ഉദയം നിങ്ങള്‍ക്ക് പ്രശ്‌നങ്ങള്‍ ഉണ്ടാക്കും. ഈ സമയത്ത്, നിങ്ങള്‍ക്ക് ശത്രുപക്ഷത്ത് നിന്ന് ചില പ്രശ്‌നങ്ങള്‍ നേരിടേണ്ടിവരാം. പണവുമായി ബന്ധപ്പെട്ട പ്രശ്‌നങ്ങളും ഉണ്ടാകാം. ഈ സമയത്ത് നിങ്ങളുടെ സഹോദരങ്ങളില്‍ നിന്നും സുഹൃത്തുക്കളില്‍ നിന്നും നിങ്ങള്‍ക്ക് ശരിയായ പിന്തുണ ലഭിച്ചേക്കില്ല. നിങ്ങളുടെ മനസ്സ് അസ്വസ്ഥമായേക്കാം. ലഗ്‌നത്തില്‍ ബുധനോടൊപ്പം രാഹുവും ഉള്ളതിനാല്‍, ഈ സമയം നിങ്ങളുടെ സംസാരശൈലിയും ശ്രദ്ധിക്കണം.

ഇടവം
ഇടവം രാശിക്കാര്‍ക്ക് പന്ത്രണ്ടാം ഭാവത്തില്‍ നിന്ന് ബുധന്‍ ഉദിക്കും. ഈ സമയത്ത്, നിങ്ങളുടെ ചെലവുകളില്‍ വര്‍ദ്ധനവുണ്ടാകും. സുഹൃത്തുക്കളുടെ ഭാഗത്തുനിന്നും ചില പ്രശ്‌നങ്ങള്‍ ഉണ്ടാകും. ഈ സമയത്ത് ചില ജോലികള്‍ കാരണം നിങ്ങളഞ്ക്ക് വീട്ടില്‍ നിന്ന് മാറി നില്‍ക്കേണ്ടി വന്നേക്കാം. ജോലിയില്‍ സ്ഥലംമാറ്റത്തിനുള്ള സാധ്യതയും കാണുന്നു. നിങ്ങളുടെ ആരോഗ്യം നിങ്ങള്‍ പൂര്‍ണ്ണമായും ശ്രദ്ധിക്കേണ്ടതുണ്ട്. ചര്‍മ്മപ്രശ്‌നങ്ങളെ കരുതിയിരിക്കുക.

മിഥുനം
മിഥുനം രാശിക്കാര്‍ക്ക് ബുധന്റെ ഉദയം ലാഭഗൃഹത്തില്‍ അതായത് പതിനൊന്നാം ഭാവത്തില്‍ ആയിരിക്കും. ഈ വീട്ടില്‍ ബുധന്റെ സ്വാധീനം ഉയരുന്നതിനാല്‍ നിങ്ങള്‍ക്ക് ബിസിനസ്സില്‍ നല്ല ലാഭം ലഭിക്കും. ഈ സമയത്ത്, നിങ്ങളുടെ സുഹൃത്തുക്കളില്‍ നിന്ന് നിങ്ങള്‍ക്ക് വലിയ സഹായം ലഭിക്കും. മുടങ്ങിക്കിടക്കുന്ന ജോലികള്‍ പൂര്‍ത്തിയാകും. ഈ സമയത്ത്, ദാമ്പത്യ ജീവിതത്തിലും സന്തോഷം നിലനില്‍ക്കും.

കര്‍ക്കടകം
കര്‍ക്കിടകം രാശിക്കാര്‍ക്ക് ബുധന്‍ പത്താം ഭാവത്തില്‍ നിന്ന് ഉദിക്കും. ഈ വീട്ടില്‍ ബുധന്‍ ഉദിക്കുന്നതോടെ നിങ്ങള്‍ക്ക് ജോലിസ്ഥലത്ത് മികച്ച പ്രകടനം കാഴ്ചവയ്ക്കാന്‍ കഴിയും. ഈ സമയത്ത്, നിങ്ങളുടെ ജോലിസ്ഥലത്ത് നിങ്ങള്‍ക്ക് അധിക ഉത്തരവാദിത്തങ്ങള്‍ ലഭിച്ചേക്കാം. ബാങ്കിംഗ്, എഴുത്ത് എന്നിവയുമായി ബന്ധപ്പെട്ട ആളുകള്‍ക്ക് ഈ സമയം ശുഭകരമാണ്. അമ്മയുടെ ആരോഗ്യത്തില്‍ പുരോഗതി ഉണ്ടാകും. നിങ്ങളുടെ വീട്ടില്‍ ചില മംഗളകരമായ പരിപാടികളും സംഘടിപ്പിക്കാനാകും.

ചിങ്ങം
ചിങ്ങം രാശിക്കാര്‍ക്ക് ബുധന്‍ ഭാഗ്യസ്ഥാനത്ത് അതായത് ഒമ്പതാം ഭാവത്തില്‍ ഉദിക്കാന്‍ പോകുന്നു. ഈ ഗൃഹത്തില്‍ ബുധന്‍ ഉദിക്കുന്നത് ചിങ്ങം രാശിക്കാരുടെ ഭാഗ്യം പ്രകാശിപ്പിക്കും. ഈ സമയത്ത് നിങ്ങളുടെ ചെലവുകള്‍ വര്‍ദ്ധിക്കുമെങ്കിലും പണത്തിന്റെ വരവ് നല്ലതായിരിക്കും. നിങ്ങളുടെ പിതാവിന്റെ മാര്‍ഗനിര്‍ദേശപ്രകാരം നേട്ടം ലഭിക്കും. ഈ സമയത്ത് എഴുത്ത്, മാധ്യമം എന്നിവയുമായി ബന്ധപ്പെട്ടവര്‍ക്ക് നല്ല പ്രശസ്തി ലഭിക്കാന്‍ സാധ്യതയുണ്ട്.

കന്നി
കന്നി രാശിക്കാര്‍ക്ക് ബുധന്‍ എട്ടാം ഭാവത്തില്‍ ഉദിക്കും. ഈ വീട്ടില്‍ ബുധന്റെ ഉദയത്തോടെ, നിങ്ങള്‍ക്ക് ആരോഗ്യ സംബന്ധമായ ചില പ്രശ്‌നങ്ങള്‍ നേരിടേണ്ടി വന്നേക്കാം. ഈ സമയത്ത് നിങ്ങളുടെ സുഹൃത്തുക്കളില്‍ നിന്ന് ചില ബുദ്ധിമുട്ടുകള്‍ ഉണ്ടായേക്കാം. സര്‍ക്കാര്‍ ജോലി ചെയ്യുന്നവര്‍ ഈ സമയത്ത് അല്‍പ്പം ആശങ്കാകുലരായിരിക്കും. നിക്ഷേപങ്ങള്‍ക്ക് സമയം നല്ലതല്ല. രാഹു, ബുധന്‍ എന്നിവരുടെ സ്വാധീനത്താല്‍ നിങ്ങളുടെ സാമ്പത്തികവും വഷളായേക്കാം.

തുലാം
തുലാം രാശിക്കാര്‍ക്ക് ഏഴാം ഭാവത്തില്‍ ബുധന്‍ ഉദിക്കും. ഈ സംക്രമണം നിങ്ങള്‍ക്ക് സമ്മിശ്ര ഫലങ്ങള്‍ നല്‍കും. ഈ സമയത്ത് നിങ്ങള്‍ ഒരു പുതിയ ജോലി ആരംഭിക്കുന്നുവെങ്കില്‍ അത് മാറ്റിവയ്ക്കുക. ഈ സമയത്ത് നിങ്ങളുടെ ഉള്ളില്‍ അലസത കൂടുതലായിരിക്കും. നിങ്ങളുടെ ലക്ഷ്യത്തിനായി അര്‍പ്പണബോധമുള്ളവരായിരിക്കുക. ബുധന്റെ ഉദയം മൂലം ദാമ്പത്യ ജീവിതത്തില്‍ അല്‍പം പിരിമുറുക്കം അനുഭവപ്പെടുന്ന സാഹചര്യം ഉണ്ടാകും. ഈ സമയത്ത് നിങ്ങള്‍ക്ക് പണം വരും, എന്നാല്‍ അമിതമായ ചെലവ് നിങ്ങളെ ബുദ്ധിമുട്ടിച്ചേക്കാം.

വൃശ്ചികം
വൃശ്ചികം രാശിക്കാര്‍ക്ക് ബുധന്‍ ആറാം ഭാവത്തില്‍ ഉദിക്കും. ഈ സമയത്ത് നിങ്ങളുടെ ജോലിയില്‍ ചില പ്രശ്‌നങ്ങള്‍ ഉണ്ടായേക്കാം. ഉന്നത ഉദ്യോഗസ്ഥരുമായി ചില കാര്യങ്ങളില്‍ പിരിമുറുക്കം ഉണ്ടാകാം. ബുധന്റെ ഉദയത്തോടെ നിങ്ങളുടെ ജോലിയില്‍ ചില ബുദ്ധിമുട്ടുകള്‍ അനുഭവപ്പെടും. ഈ സമയത്ത് നിങ്ങള്‍ക്ക് പണം കടം വാങ്ങേണ്ടി വരും. സന്താനങ്ങളുടെ ഭാഗത്തുനിന്ന് ചില ആശങ്കകളും വര്‍ധിച്ചേക്കാം.

ധനു
ധനു രാശിക്കാര്‍ക്ക് ബുധന്‍ ഇപ്പോള്‍ അഞ്ചാം ഭാവത്തില്‍ നിന്ന് ഉദിക്കും. ഈ വീട്ടില്‍ ബുധന്‍ ഉദിക്കുന്നത് നിങ്ങളുടെ സ്‌നേഹം വളര്‍ത്തും. ഈ സമയത്ത് നിങ്ങളുടെ സ്‌നേഹം തുറന്നു പ്രകടിപ്പിക്കാനാകും. വിദ്യാര്‍ത്ഥികള്‍ക്ക്, പ്രത്യേകിച്ച് ഗവേഷണ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നവര്‍ക്ക് ഈ സമയം നല്ലതാണ്. ബുധന്‍ അനുകൂല സ്ഥാനത്തുള്ളത് ബിസിനസ്സുകാര്‍ക്ക് ഭാഗ്യമാണ്. ബുധന്റെ ഉദയത്തോടെ നിങ്ങളുടെ തടസ്സപ്പെട്ട പല ജോലികളും പുനരാരംഭിക്കാനാകും.

മകരം
മകരം രാശിക്കാര്‍ക്ക് ബുധന്‍ ഇപ്പോള്‍ നാലാം ഭാവത്തില്‍ ഉദിക്കും. ബുധന്റെ ഉദയം നിങ്ങള്‍ക്ക് ജോലിസ്ഥലത്ത് കുറച്ച് ടെന്‍ഷന്‍ ഉണ്ടാക്കും. ഈ സമയത്ത്, നിങ്ങളുടെ അമ്മയുടെ ആരോഗ്യത്തെക്കുറിച്ച് അല്‍പ്പം ആശങ്കാകുലരായിരിക്കാം. മത്സര പരീക്ഷകള്‍ക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് അനുകൂല സമയമാണ്. എന്നാല്‍ ജോലിക്കാര്‍ ഈ സമയം ശ്രദ്ധിക്കേണ്ടതുണ്ട്.

കുംഭം
കുംഭം രാശിക്കാര്‍ക്ക് ഇപ്പോള്‍ ബുധന്‍ മൂന്നാം ഭാവത്തില്‍ നിന്ന് ഉദിക്കും. ഈ വീട്ടില്‍ ബുധന്റെ ഉദയം നിങ്ങളുടെ യുക്തിയും വാക്ചാതുര്യവും വര്‍ദ്ധിപ്പിക്കും. എഴുത്തുമായി ബന്ധപ്പെട്ടവര്‍ക്ക് നല്ല അവസരങ്ങള്‍ ലഭിക്കും. ഈ സമയത്ത് നിങ്ങളുടെ പ്രവര്‍ത്തനങ്ങള്‍ നിങ്ങളുടെ സംസാരത്തിന്റെ ശക്തിയില്‍ വിജയിക്കും. കുടുംബാംഗങ്ങളോടൊപ്പം സമയം ചെലവഴിക്കാന്‍ അവസരം ലഭിക്കും. ഈ സമയത്ത് നിങ്ങളുടെ ഭാഗ്യത്തിന്റെ പൂര്‍ണ്ണ പിന്തുണ നിങ്ങള്‍ക്ക് ലഭിക്കും.

മീനം
മീനം രാശിക്കാര്‍ക്ക് ബുധന്‍ രണ്ടാം ഭാവത്തില്‍ നിന്ന് ഉദിക്കും. ഈ വീട്ടില്‍ ബുധന്റെ ഉദയം നിങ്ങള്‍ക്ക് വലിയ ഗുണം ചെയ്യില്ല. ഈ സമയത്ത് നിങ്ങളുടെ സംസാരത്തില്‍ നിങ്ങള്‍ വളരെ ശ്രദ്ധാലുവായിരിക്കണം. ഈ സമയത്ത് ആരോടും മോശമായി ഒന്നും പറയരുത്. നിങ്ങളുടെ ചെലവുകളുടെ കാര്യത്തില്‍ നിങ്ങള്‍ വളരെ ശ്രദ്ധാലുവായിരിക്കണം. നിങ്ങളുടെ സ്വകാര്യ കാര്യങ്ങള്‍ മറ്റുള്ളവരുമായി പങ്കുവയ്ക്കരുത്.