ഈ ആഴ്ച മുഴുവന്‍ കഷ്ടകാലം വട്ടംചുറ്റി പിടിക്കും; ബുധ-ശുക്ര സംയോഗം; ദോഷസമയം ഈ 3 രാശിക്ക്

ജ്യോതിഷമനുസരിച്ച്, ഗ്രഹങ്ങളുടെ സ്ഥാനത്ത് വരുന്ന മാറ്റങ്ങള്‍ എല്ലാ രാശിചിഹ്നങ്ങളിലെയും ആളുകളുടെ ജീവിതത്തെ ബാധിക്കുന്നു. എല്ലാ ഗ്രഹങ്ങളും ഒരു കാലഘട്ടത്തിന് ശേഷം രാശി മാറുന്നു. ഇത് എല്ലാ രാശിചിഹ്നങ്ങളെയും അനുകൂലമായും പ്രതികൂലമായും ബാധിക്കുന്നു. രാശിമാറ്റം മൂലം ഗ്രഹങ്ങളുടെ സംയോജനവും ഉണ്ടാകുന്നു. ഈ സമയം ചിങ്ങം രാശിയില്‍ ബുധന്റെയും ശുക്രന്റെയും സംഗമം ഉണ്ടാകുന്നുണ്ട്. ജൂലൈ 26ന് ചിങ്ങം രാശിയില്‍ ബുധന്‍-ശുക്രന്‍ സംയോഗം നടന്നു.

ഈ രണ്ട് ശക്തമായ ഗ്രഹങ്ങളുടെ സംയോജനം മൂലം ചില ശുഭയോഗങ്ങളും രൂപപ്പെടുന്നുണ്ട്. എങ്കിലും ചില രാശിക്കാര്‍ക്ക് ഈ സമയം ദോഷഫലമായിരിക്കും നേരിടേണ്ടിവരിക. ശുക്രന്റെയും ബുധന്റെയും സംയോജനം ശാരീരിക സന്തോഷത്തെയും ബഹുമാനത്തെയും സാമ്പത്തിക സ്ഥിതിയെയും ബാധിക്കും. ബുധനും ശുക്രനും ചേര്‍ന്ന് നില്‍ക്കുന്നതിനാല്‍ ഓഗസ്റ്റ് 7 വരെ ചില രാശിക്കാര്‍ വളരെയേറെ ശ്രദ്ധിക്കേണ്ടതുണ്ട്. ആ രാശിക്കാര്‍ ആരൊക്കെയാണെന്ന് നമുക്ക് നോക്കാം.

കന്നി
ബുധനും ശുക്രനും ചേര്‍ന്നതിനാല്‍ കന്നി രാശിക്കാര്‍ അല്‍പം ശ്രദ്ധിക്കണം. ഏതെങ്കിലും തരത്തിലുള്ള പുതിയ ജോലികള്‍ ചെയ്യുന്നതില്‍ നിന്ന് വിട്ടുനില്‍ക്കുക. കാരണം അത് നിങ്ങള്‍ക്ക് ദോഷം ചെയ്യും. നിങ്ങള്‍ ആസൂത്രണം ചെയ്തതുപോലെ എല്ലാം കൃത്യമായി വരണമെന്നില്ല. അത്തരമൊരു സാഹചര്യത്തില്‍, നിങ്ങള്‍ക്ക് പണനഷ്ടവും നേരിടേണ്ടിവന്നേക്കാം.

കച്ചവടക്കാരും ഈ സമയം അല്‍പം ജാഗ്രത പാലിക്കണം. ഏതെങ്കിലും തരത്തിലുള്ള നിക്ഷേപം ഒഴിവാക്കുക. അത് നിങ്ങള്‍ക്ക് നഷ്ടമുണ്ടാക്കും. ജോലി ചെയ്യുന്നവരും അല്‍പം ജാഗ്രത പുലര്‍ത്തുന്നതാണ് നല്ലത്. സ്വകാര്യ മേഖലയില്‍ ജോലി ചെയ്യുന്നവര്‍ ഇപ്പോള്‍ ശ്രദ്ധിച്ച് തീരുമാനമെടുക്കണം.

ധനു
ശുക്രനും ബുധനും ചേര്‍ന്ന് നില്‍ക്കുന്നതിനാല്‍ ധനു രാശിക്കാര്‍ക്ക് ഈ സമയം ആത്മവിശ്വാസക്കുറവ് ഉണ്ടായേക്കാം. അത്തരമൊരു സാഹചര്യത്തില്‍, ജോലിസ്ഥലത്ത് നിങ്ങള്‍ക്ക് പ്രശ്‌നങ്ങള്‍ ഉണ്ടായേക്കാം. ഭാഗ്യം എപ്പോഴും നിങ്ങളോടൊപ്പമുണ്ടാവണമെന്നില്ല. അതുകൊണ്ട് തന്നെ ഏത് ജോലിയും അല്‍പം ആലോചിച്ച് മാത്രം ചെയ്യുക. ദാമ്പത്യ ജീവിതത്തിലും ചില പ്രശ്‌നങ്ങള്‍ ഉണ്ടായേക്കാം.

മകരം
ശുക്രനും ബുധനും കൂടിച്ചേരുന്നത് മൂലം മകരം രാശിക്കാരുടെ ജോലികള്‍ കൃത്യസമയത്ത് നടക്കണമെന്നല്ല. അത്തരമൊരു സാഹചര്യത്തില്‍, നിങ്ങള്‍ക്ക് സാമ്പത്തികവും മാനസികവുമായ പ്രശ്‌നങ്ങള്‍ അഭിമുഖീകരിക്കേണ്ടി വന്നേക്കാം. ജോലി ചെയ്യുന്നവര്‍ ആ സമയം കൂടുതല്‍ ശ്രദ്ധിക്കേണ്ടതുണ്ട്. സാമ്പത്തിക സ്ഥിതിയിലും ഈ സമയം ഉയര്‍ച്ച താഴ്ചകള്‍ ഉണ്ടാകും. കരിയറില്‍ ചില വിഷമകരമായ തീരുമാനങ്ങള്‍ എടുക്കേണ്ടി വരും. കുടുംബവുമായി ചില അസ്വാരസ്യങ്ങള്‍ ഉണ്ടായേക്കാം.

ജ്യോതിഷത്തിലെ ബുധന്‍
സൗരയൂഥത്തിലെ ഏറ്റവും ചെറിയ ഗ്രഹമാണ് ബുധന്‍. ജ്യോതിഷത്തില്‍ ബുധനെ ഗ്രഹങ്ങളുടെ രാജകുമാരനായി കണക്കാക്കപ്പെടുന്നു. ബുധന്‍ സൂര്യനോട് ഏറ്റവും അടുത്തായാണ് സ്ഥിതി ചെയ്യുന്നത്. മിഥുനം, കന്നി രാശിക്കാരെ ഭരിക്കുന്നത് ബുധന്‍ ഗ്രഹമാണ്. നാഡികളുടെ ഘടകമാണ് ബുധന്‍. ഒരു വ്യക്തിക്ക് വിജയകരമായ ബിസിനസ്സ് ചെയ്യാനുള്ള കഴിവ് ബുധന്‍ നല്‍കുന്നു.

ബുധന്‍ ഒരു വ്യക്തിക്ക് ഏത് സാഹചര്യത്തോടും പൊരുത്തപ്പെടാനുള്ള കഴിവ് നല്‍കുന്നു. ബിസിനസ്സ്, സഹോദരി, ഗണിതം, ജ്യോതിഷം എന്നിവ ബുധനില്‍ അന്തര്‍ലീനമാണ്. ബുധന്‍ ഗ്രഹം അതിന്റെ ഗുണങ്ങളും അതോടൊപ്പം ഇരിക്കുന്ന ഗ്രഹത്തിന്റെ ഫലങ്ങളും നല്‍കുന്നു. ചെറിയ ഗ്രഹമാണെങ്കിലും ശക്തമായ ഗ്രഹമാണ് ബുധന്‍.

ജ്യോതിഷത്തിലെ ശുക്രന്‍
ജ്യോതിഷത്തില്‍ എല്ലാ ഗ്രഹങ്ങള്‍ക്കും പ്രത്യേക പ്രാധാന്യമുണ്ട്. ഗ്രഹങ്ങള്‍ മനുഷ്യജീവിതത്തില്‍ വലിയ സ്വാധീനം ചെലുത്തുന്നു. സൂര്യന്‍ ഒരു വ്യക്തിക്ക് ബഹുമാനവും പ്രശസ്തിയും നല്‍കുന്നിടത്ത്, ശുക്രന്‍ ഒരു വ്യക്തിക്ക് അവരുടെ ജീവിതത്തിലെ സുഖസൗകര്യങ്ങള്‍ ഉള്‍പ്പെടെ നിരവധി നേട്ടങ്ങള്‍ നല്‍കുന്നു. ജ്യോതിഷത്തില്‍ ശുക്രനെ വളരെ ശുഭഗ്രഹമായി കണക്കാക്കുന്നു. ജാതകത്തില്‍ ശുക്രന്‍ ബലവാനായാല്‍ അവര്‍ക്ക് ജീവിതത്തില്‍ ശാരീരിക സന്തോഷവും സൗന്ദര്യവും പ്രതാപവും ആഡംബരവും ലഭിക്കും.

ജ്യോതിഷത്തില്‍ ശുക്രനെ ശുഭഗ്രഹമായി കണക്കാക്കുന്നു. ഇടവം, തുലാം രാശിക്കാരുടെ ഭരണ ഗ്രഹമാണ് ശുക്രന്‍. ജാതകത്തില്‍ ശുക്രന്റെ സ്ഥാനം ദുര്‍ബലമായ ആളുകള്‍ സാമ്പത്തിക പ്രശ്‌നങ്ങളും ആരോഗ്യ പ്രശ്‌നങ്ങളും അഭിമുഖീകരിക്കേണ്ടി വരും. ജാതകത്തില്‍ ശുക്രന്‍ ശക്തമായ സ്ഥാനത്ത് നിന്നാല്‍, വ്യക്തിക്ക് എല്ലാത്തരം ഭൗതിക സുഖങ്ങളും ലഭിക്കുന്നു.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.