ഐശ്വര്യനേട്ടങ്ങള്‍ നല്‍കും ശിവാരാധന, ബുധപ്രദോഷം നല്‍കും സര്‍വ്വാഭിവൃദ്ധിയും ഭാഗ്യവും

ഹിന്ദുമതത്തില്‍ ദാദ്രപദ മാസത്തെ വളരെ സവിശേഷമായി കണക്കാക്കുന്നു. സവിശേഷമായ പ്രാധാന്യമുള്ള നിരവധി ഉത്സവങ്ങള്‍ ഈ മാസത്തില്‍ വരുന്നുണ്ട്. അത്തരമൊരു പ്രാധാന്യമുള്ള ആഘോഷമാണ് പ്രദോഷവ്രതം. പരമേശ്വരനെ പ്രീതിപ്പെടുത്താന്‍ നിരവധി ഉപവാസങ്ങളും ഉത്സവങ്ങളും ഹിന്ദുമതത്തില്‍ പറഞ്ഞിട്ടുണ്ട്. അതില്‍ പ്രദോഷ വ്രതം വളരെ പ്രധാനപ്പെട്ടതായി കരുതപ്പെടുന്നു. എല്ലാ മാസവും കൃഷ്ണ ത്രയോദശി, ശുക്ല പക്ഷ തിഥിയില്‍ പ്രദോഷവ്രതം ആചരിക്കുന്നു. ഈ വ്രതാനുഷ്ഠാനത്തില്‍ സന്ധ്യാസമയത്ത് ശിവനെ ആരാധിക്കുന്നവരുടെ എല്ലാ കര്‍മ്മങ്ങളും ആഗ്രഹങ്ങളും സഫലമാകുമെന്നാണ് വിശ്വാസം.

ഈ വ്രതം എല്ലാ മാസവും രണ്ട് തവണ ആചരിക്കപ്പെടുന്നു, അതായത്, 12 മാസത്തിനുള്ളില്‍ 24 തവണ ഈ വ്രതം അനുഷ്ഠിക്കുന്നു. ശിവഭക്തര്‍ക്ക് ഈ വ്രതത്തിന് വലിയ പ്രാധാന്യമുണ്ട്. പ്രദോഷ വ്രതത്തില്‍ ശിവനെയും പാര്‍വതി ദേവിയെയും ആരാധിക്കുന്നു. ഇത് നിങ്ങളുടെ ജീവിതത്തിലെ എല്ലാ പ്രതിസന്ധികള്‍ക്കും മോചനം നല്‍കുന്നു. ഈ വര്‍ഷം, ഭാദ്രപദ മാസത്തിലെ അവസാനത്തെ പ്രദോഷ വ്രതം സെപ്റ്റംബര്‍ 27 ബുധനാഴ്ചയാണ്. ബുധപ്രദോഷ വ്രതത്തിന്റെ ശുഭമുഹൂര്‍ത്തം പൂജാരീതി എന്നിവ അറിയാന്‍ ലേഖനം വായിക്കൂ.

ബുധപ്രദോഷ വ്രതം ശുഭമുഹൂര്‍ത്തം

ഈ വര്‍ഷം, ഭാദ്രപദ മാസത്തിലെ അവസാനത്തെ പ്രദോഷ വ്രതം സെപ്റ്റംബര്‍ 27 ബുധനാഴ്ച ആചരിക്കും. സെപ്റ്റംബര്‍ 27 ബുധനാഴ്ച പുലര്‍ച്ചെ 1:47 ന് ആരംഭിച്ച് രാത്രി 10:20 ന് ഉപവാസം അവസാനിക്കും. ബുധപ്രദോഷ വ്രതാനുഷ്ഠാനം ഒരു ശുഭമുഹൂര്‍ത്തത്തില്‍ ചെയ്താല്‍ പല ഗുണങ്ങളും കാണാന്‍ കഴിയും. ഭാദ്രപദ മാസത്തിലെ അവസാനത്തെ പ്രദോഷ വ്രതം സെപ്റ്റംബര്‍ 27 ബുധനാഴ്ച ആചരിക്കും.

ഈ ദിവസം രവിയോഗത്തിന്റെ രൂപീകരണം കാരണം, അതിന്റെ പ്രാധാന്യം കൂടുതല്‍ വര്‍ദ്ധിക്കുന്നു. ഈ ശുഭ യോഗത്തില്‍ ശിവനെ ആരാധിക്കുന്നത് വിശേഷാല്‍ ഫലദായകമായി കണക്കാക്കപ്പെടുന്നു. സെപ്തംബര്‍ 27 ബുധനാഴ്ച വൈകുന്നേരം 5:58 മുതല്‍ 7:52 വരെയാണ് പ്രദോഷ വ്രത പൂജയ്ക്ക് അനുകൂല സമയം. ഈ സമയം ശിവനെയും പാര്‍വതിയെയും ആരാധിക്കുന്നത് ഐശ്വര്യമായി കണക്കാക്കപ്പെടുന്നു.

പ്രദോഷ വ്രതത്തിന്റെ ആരാധനാരീതി

രാവിലെ എഴുന്നേറ്റു കുളിച്ച് വൃത്തിയുള്ള വസ്ത്രം ധരിക്കുക. പൂജാമുറിയില്‍ വിളക്ക് കൊളുത്തി വ്രതാനുഷ്ഠാനത്തിന് പ്രതിജ്ഞയെടുക്കുക. ഭഗവാന് മുന്‍പില്‍ ഇഷ്ട വസ്തുക്കളും പഴങ്ങളും സമര്‍പ്പിക്കുക. പുഷ്പങ്ങള്‍ സമര്‍പ്പിക്കുക. ഇതിനുശേഷം ശിവനെയും പാര്‍വതിയെയും ഗണപതിയെയും ആരാധിക്കുക. ശിവന്റെ ആരതി നടത്തുമ്പോള്‍ ഓം നമഃ ശിവായ ജപിക്കുക. വൈകുന്നേരവും വിളക്ക് കത്തിച്ച് പ്രാര്‍ത്ഥിക്കുക.

ഗംഗാജലം തളിക്കുക

ബുധ പ്രദോഷവ്രത നാളില്‍ വീടുമുഴുവന്‍ ഗംഗാജലം തളിക്കണം. പ്രദോഷ വ്രതം നാളില്‍ വീട്ടില്‍ ഗംഗാജലം തളിക്കുന്നത് സന്തോഷവും സമാധാനവും ഐശ്വര്യവും നല്‍കുമെന്നാണ് വിശ്വാസം. ഇത് വീട്ടില്‍ നിന്ന് നെഗറ്റീവ് എനര്‍ജിയും ഇല്ലാതാക്കുന്നു.

ത്രിശൂലം വാങ്ങുക

ഈ ദിവസം വീട്ടില്‍ ഒരു ചെറിയ ത്രിശൂലം വാങ്ങുന്നത് വളരെ ശുഭകരമായി കണക്കാക്കപ്പെടുന്നു. ഇത് കുടുംബാംഗങ്ങള്‍ക്ക് ഭോലേനാഥിന്റെ അനുഗ്രഹം നിലനിര്‍ത്തുമെന്ന് വിശ്വസിക്കപ്പെടുന്നു.

ജോലി തടസ്സം നീക്കാന്‍

ബുധപ്രദോഷ ദിവസം ശിവലിംഗത്തില്‍ 108 ഇലകള്‍ സമര്‍പ്പിക്കണം. ഇത് ചെയ്യുന്നതിലൂടെ ശങ്കരന്റെ അനുഗ്രഹം ലഭിക്കുമെന്നും ജോലിയിലെ എല്ലാ തടസ്സങ്ങളും നീങ്ങുമെന്നും വിശ്വസിക്കപ്പെടുന്നു.

നെയ് വിളക്ക്

ഈ ദിവസം ശിവക്ഷേത്രത്തില്‍ പോയി നെയ്യ് വിളക്ക് കൊളുത്തുന്നത് വളരെ പുണ്യകരമായി കണക്കാക്കപ്പെടുന്നു. ഈ പ്രതിവിധി പിന്തുടരുന്നതിലൂടെ ബിസിനസ്സില്‍ ലാഭം നേടാനുള്ള സാധ്യത വര്‍ദ്ധിക്കുന്നു.

സാമ്പത്തിക പ്രതിസന്ധി നീക്കാന്‍

ഈ ദിവസം വ്രതം അനുഷ്ഠിക്കുന്നത് ശിവനോടൊപ്പം ഗണപതിയുടെ അനുഗ്രഹവും നല്‍കും. അത്തരമൊരു സാഹചര്യത്തില്‍, ബുധപ്രദോഷ വ്രതം ദിവസം രാവിലെ വ്രതാനുഷ്ഠാനം ചെയ്ത ശേഷം ആദ്യം ഗണപതിയെ ആരാധിക്കുക. ചുവന്ന ചെമ്പരത്തിപ്പൂവ് അദ്ദേഹത്തിനു സമര്‍പ്പിച്ച് 'ഓം ഗണ്‍ ഗണപതയേ നമഃ' എന്ന മന്ത്രം 108 തവണ ജപിക്കുക. ഇത് സാമ്പത്തിക പ്രതിസന്ധിയില്‍ നിന്ന് മോചനം നല്‍കുകയും നിങ്ങളുടെ സാമ്പത്തിക സ്ഥിരത മെച്ചപ്പെടുത്തുകയും ചെയ്യുമെന്ന് വിശ്വസിക്കപ്പെടുന്നു.

നല്ല ദാമ്പത്യത്തിന്

സന്തോഷകരമായ ദാമ്പത്യ ജീവിതത്തിനും കുട്ടികളുടെ സന്തോഷത്തിനോ വേണ്ടി 27 തവണ 'ഓം നമഃ ശിവായ' മന്ത്രം ജപിച്ച് 27 ചുവന്ന റോസാപ്പൂക്കള്‍ ശിവന് സമര്‍പ്പിക്കുക. ഈ ദിവസം ചന്ദനത്തിന്റെ സുഗന്ധദ്രവ്യങ്ങളും സമര്‍പ്പിക്കുക. ഭാര്യയും ഭര്‍ത്താവും ഒരുമിച്ച് ഈ പ്രതിവിധി ചെയ്യണം. ഇതിലൂടെ നിങ്ങള്‍ക്ക് ശിവന്റെയും പാര്‍വതിയുടെയും അനുഗ്രഹത്താല്‍ ദാമ്പത്യ ജീവിതത്തില്‍ സന്തോഷമുണ്ടാകും.

സമ്പത്ത് നേടാന്‍

ബുധപ്രദോഷ നാളില്‍ പ്രദോഷകാലത്ത് ശിവക്ഷേത്രത്തില്‍ പോയി ഒരു ചെമ്പ് പാത്രത്തില്‍ വെള്ളമെടുത്ത് അതില്‍ രക്തചന്ദനം പുരട്ടി ഭഗവാന് സമര്‍പ്പിക്കുക. കൂടാതെ 'ഓം നമഃ ശിവായ' എന്ന മന്ത്രവും ജപിക്കുക. ഇങ്ങനെ ചെയ്താല്‍ നിങ്ങള്‍ക്കായി പണം വരാനുള്ള വഴികള്‍ തുറന്നുകിട്ടും.