കഷ്ടകാലം കൂടെത്തന്നെ കാണും; ഫെബ്രുവരി 22 വരെ ഈ 5 രാശിക്കാര്‍ക്ക് പ്രശ്‌നങ്ങള്‍, അതിനുശേഷം ഭാഗ്യം

ഇടവം

ഇടവം രാശിക്കാര്‍ക്ക് ബുധന്റെ സംക്രമണം അത്ര ശുഭകരമാകില്ല. ഈ സമയത്ത് നിങ്ങള്‍ ചെയ്യുന്ന ജോലികള്‍ ചില കാരണങ്ങളാല്‍ തടസ്സപ്പെടാന്‍ സാധ്യതയുണ്ട്. നിക്ഷേപത്തില്‍ ശ്രദ്ധിച്ചില്ലെങ്കില്‍ സാമ്പത്തിക നഷ്ടം ഉണ്ടായേക്കാം. നിങ്ങളുടെ സംസാരം നിയന്ത്രിക്കുക. അല്ലാത്തപക്ഷം നിങ്ങള്‍ ദേഷ്യത്തില്‍ എന്തെങ്കിലും പറഞ്ഞാല്‍ അത് നിങ്ങളെ കുഴപ്പത്തിലാകും. നിങ്ങളുടെ പിതാവുമായുള്ള ബന്ധം ഈ സമയം വഷളായേക്കാം. ഈ കാലയളവില്‍ പങ്കാളിയുമായി എന്തെങ്കിലും കാര്യങ്ങളില്‍ അഭിപ്രായവ്യത്യാസങ്ങള്‍ ഉണ്ടായേക്കാം.

കര്‍ക്കിടകം

കര്‍ക്കിടകം രാശിക്കാര്‍ക്ക് ബുധന്റെ സംക്രമണം സമ്മിശ്ര ഫലങ്ങള്‍ നല്‍കും. ഈ സമയത്ത്, ഒരു സ്ത്രീ കാരണം, നിങ്ങള്‍ക്ക് പല പ്രശ്‌നങ്ങളും അഭിമുഖീകരിക്കേണ്ടി വന്നേക്കാം. അമിത ജോലി കാരണം ആരോഗ്യം തകരാറിലായേക്കാം. ഈ സമയത്ത് ആരുമായും പണമിടപാടുകള്‍ നടത്തരുത്. നിങ്ങളുടെ രഹസ്യ കാര്യങ്ങള്‍ ആരോടും പങ്കുവയ്ക്കരുത്. സര്‍ക്കാര്‍ മേഖലയില്‍ ജോലി ചെയ്യുന്നവര്‍ക്ക് പ്രശ്‌നങ്ങള്‍ നേരിടേണ്ടിവരും. ബുധന്റെ സംക്രമണം ഈ സമയം നിങ്ങള്‍ക്ക് തൊഴിലിനും ബിസിനസുകാര്‍ക്കും നിരവധി പ്രശ്‌നങ്ങള്‍ സൃഷ്ടിക്കും, ജോലിയില്‍ എന്തെങ്കിലും തടസ്സങ്ങള്‍ ഉണ്ടാകും.

വൃശ്ചികം

ബുധന്റെ സംക്രമണം വൃശ്ചികം രാശിക്കാര്‍ക്ക് നിരവധി വെല്ലുവിളികള്‍ നല്‍കും. ജോലിയില്‍ മേലുദ്യോഗസ്ഥര്‍ കാരണം നിങ്ങള്‍ക്ക് ബുദ്ധിമുട്ടും ജോലിയില്‍ തടസ്സവും ഉണ്ടാകും. ഈ സമയത്ത് നിങ്ങളുടെ ചെലവുകള്‍ ശ്രദ്ധിക്കേണ്ടതുണ്ട്. ഈ കാലയളവില്‍ ആരുമായും വഴക്കിടാതിരിക്കുക. പ്രണയിതാക്കളും ഈ സമയത്ത് ശ്രദ്ധാലുവായിരിക്കുക. നിങ്ങളുടെ വാക്കുകള്‍ ശ്രദ്ധിക്കുക. ഈ കാലയളവില്‍ ആത്മവിശ്വാസത്തോടെ പ്രവര്‍ത്തിക്കുക. എന്നാല്‍ അമിത ആത്മവിശ്വാസം ഒഴിവാക്കുക.

ധനു

ധനു രാശിക്കാര്‍ക്ക് ബുധന്റെ സംക്രമണം അത്ര ശുഭകരമല്ല. ഈ സമയത്ത് ശത്രുക്കള്‍ നിങ്ങളെ ശല്യപ്പെടുത്താന്‍ ശ്രമിക്കും. എന്നാല്‍ നിങ്ങള്‍ വിവേകത്തോടെ പ്രവര്‍ത്തിച്ചാല്‍ നിങ്ങള്‍ക്ക് ശുഭകരമായ ഫലങ്ങള്‍ ലഭിക്കും. ജോലിസ്ഥലത്തെ സഹപ്രവര്‍ത്തകരും ഉദ്യോഗസ്ഥരും കാരണം, നിങ്ങള്‍ക്ക് ചില പ്രശ്‌നങ്ങള്‍ നേരിടേണ്ടിവന്നേക്കാം. സുഹൃത്തുക്കളോടൊപ്പം നിങ്ങളുടെ സാമൂഹ്യബന്ധം വര്‍ദ്ധിക്കുമെങ്കിലും അവയൊന്നും പ്രയോജനപ്പെടില്ല. ഈ കാലയളവില്‍ സഹോദരങ്ങളുമായുള്ള നിങ്ങളുടെ ബന്ധം വഷളായേക്കാം. അതിനാല്‍ വിവേകത്തോടെ ഈ സമയം മുന്നോട്ട് നീങ്ങുക.

മകരം

ബുധന്‍ നിങ്ങളുടെ രാശിയിലാണ് ഇപ്പോള്‍ സഞ്ചരിക്കുന്നത്. ഈ സമയത്ത്, അനാവശ്യ യാത്രകളും പണച്ചെലവും നിങ്ങള്‍ക്ക് ബുദ്ധിമുട്ടുണ്ടാക്കും. ഈ കാലയളവില്‍, ഏതെങ്കിലും പഴയ ആരോഗ്യ പ്രശ്നങ്ങള്‍ നിങ്ങളെ വീണ്ടും അലട്ടും. അതിനാല്‍ നിങ്ങളുടെ ആരോഗ്യത്തെക്കുറിച്ച് ശ്രദ്ധിക്കുക. ഈ സമയത്ത് എവിടെയെങ്കിലും പണം നിക്ഷേപിക്കുന്നതിനു മുമ്പ് നന്നായി ചിന്തിക്കുക. വിദ്യാര്‍ത്ഥികള്‍ക്ക് പഠനത്തില്‍ ചില പ്രശ്നങ്ങള്‍ ഉണ്ടായേക്കാം.

ബുധ ദോഷത്തിന് പരിഹാരങ്ങള്‍

*ഭഗവാന്‍ വിഷ്ണുവിനെയോ ശ്രീകൃഷ്ണനെയോ പതിവായി ആരാധിക്കുക. വിഷ്ണു സഹസ്ഥം ചൊല്ലുന്നതും നല്ലതാണ്.

* ബുധനാഴ്ച പയറും പച്ച വസ്ത്രങ്ങളും ദാനം ചെയ്യുന്നത് ബുധന്റെ മഹാദോഷ ഫലങ്ങള്‍ക്ക് പരിഹാരമാണ്.

* ബുധന്റെ ദോഷകരമായ ഫലങ്ങള്‍ നീക്കം ചെയ്യുന്നതിനായി ബുധ ദോഷ നിവാരണ പൂജ നടത്താവുന്നതാണ്.

* 11 ഏകാദശികളിലും 11 ബുധനാഴ്ചകളിലും വ്രതമനുഷ്ഠിക്കുന്നത് ബുധദോഷ പരിഹാരമാണ്.

* വെളുത്ത ചരടില്‍ കോര്‍ത്ത് ചെമ്പ് നാണയം ധരിക്കുന്നത് ദോഷഫലം കുറയ്ക്കും.