ഭര്‍തൃഗൃഹത്തിന് ഭാഗ്യമാകും സ്ത്രീ നക്ഷത്രം

തിരുവോണം

ചെന്നു കയറുന്ന വീട്ടില്‍ ഐശ്വര്യം നിറയ്ക്കുന്ന നക്ഷത്രങ്ങളില്‍ ഒന്നാണ് തിരുവോണം നക്ഷത്രക്കാരിയായ സ്ത്രീ. ഐശ്വര്യവും ധവുമെല്ലാമാണ് ഫലം. വ്യക്തിത്വവും കുലമഹിമയും സ്‌നേഹ, സല്‍സ്വഭാവികളും നല്ല ഭര്‍ത്താവും കുടുംബസുഖവും ലഭിയ്ക്കുന്നവരാണ് തിരുവോണം നക്ഷത്രക്കാരായ സ്ത്രീകള്‍. കുട്ടികളുടെ ഉയര്‍ച്ചയില്‍ പ്രത്യേക താല്‍പര്യം വയ്ക്കുന്നവരും. ദാനധര്‍മ്മങ്ങളില്‍ താല്‍പര്യമുള്ള സ്ത്രീ നക്ഷത്രം കൂടിയാണ് ഇത്.

അത്തവും

അത്തവും ചെന്നു കയറുന്ന വീട്ടില്‍ ഐശ്വര്യവും ഭാഗ്യവുമാകുന്ന സ്ത്രീ നക്ഷത്രമാണ്. പെണ്ണത്തം പൊന്നത്തം എന്നൊരു ചൊല്ലു തന്നെയുണ്ട്. സൗന്ദര്യവതികളായ ഇവര്‍ കാര്യശേഷി ഏറെയുള്ളവരും സ്‌നേഹമുള്ളവരുമെല്ലാമാകും. സ്വന്തം കാലില്‍ നില്‍ക്കുന്നവര്‍. വിവാഹ ശേഷമാണ് ഇവര്‍ക്കു കൂടുതല്‍ ഉയര്‍ച്ചയുണ്ടാകുക.

ചോതി

ചെന്നു കയറുന്ന വീട്ടില്‍ ഭാഗ്യമാകുന്ന സ്ത്രീ നക്ഷത്രമാണ് ചോതി. ചെന്നു കയറുന്ന വീട്ടില്‍ ഭാഗ്യമാകുന്ന സ്ത്രീ നക്ഷത്രമാണ് ചോതി. പതിവ്രതകളായ ഇവര്‍ ഭര്‍ത്താവിനെ സ്‌നേഹിയ്ക്കുന്നതും ഭര്‍തൃവീടിനെ സ്വന്തം വീടായി കാണുന്നവരുമാണ്. ഇവര്‍ ചെന്നു കയറുന്ന വീട്ടില്‍ ഐശ്വര്യമാണ് ഫലം. സന്താനഭാഗ്യമുള്ള ഇവര്‍ സ്വന്തം കാലില്‍ നില്‍ക്കാന്‍ പ്രാപ്തിയുള്ളവരുമാണ്. വാക്‌സാമര്‍ത്ഥ്യമുള്ള കൂട്ടര്‍ കൂടിയാകും, ഇവര്‍

ആയില്യം

പാമ്പിന്റെ നാളായി കണക്കാക്കപ്പെടുന്ന ആയില്യം ചെന്നു കയറുന്ന വീട്ടില്‍ ഏറെ ഐശ്വര്യവും ഭാഗ്യവും നല്‍കുന്ന നാളാണ്. പെട്ടെന്നു ദേഷ്യം വരുന്ന കൂട്ടരാണെങ്കില്‍ പോലും ചെല്ലുന്ന വീട്ടില്‍ ഭര്‍ത്താവിന്റെ സഹോദരങ്ങള്‍ക്കു വരെ ഐശ്വര്യമാണ് ഫലമായി പറയുന്നത്.

മകം

മകം സ്ത്രീകള്‍ക്കു പൊതുവേ വിശേഷപ്പെട്ട നാളാണെന്നു പറയാം. മകം പിറന്ന മങ്ക എന്നൊരു ചൊല്ലു തന്നെയുള്ളത് അതു കൊണ്ടാണ്. ഇവര്‍ സ്വന്തം വീട്ടില്‍ മാത്രമല്ല, വന്നു കയറുന്ന വീട്ടിലും എല്ലാ സൗഭാഗ്യങ്ങളും നിറയ്ക്കാന്‍ കഴിയുന്നവരാണ്. ഇവര്‍ ചെന്നാല്‍ ചെന്നു കയറുന്നിടം നന്മകളാല്‍ നിറയുമെന്നു പറയാം. ഭര്‍ത്താവിനും ഭര്‍തൃ കുടുംബത്തിനുമെല്ലാം ഒരു പോലെ ഭാഗ്യദായകം. സമ്പദ്ഭാഗ്യമുള്ള ഇവര്‍ മറ്റുള്ളവരെ സഹായിക്കുന്ന പ്രകൃതക്കാരുമാണ്. ദൈവവിശ്വാസികളും ആചരങ്ങളില്‍ വിശ്വസിയ്ക്കുന്നവരുമാണ്. പൊതുവേ ജീവിത സുഖം ലഭിയ്ക്കുന്ന നക്ഷത്രക്കാര്‍

ചതയം

ചതയം നക്ഷത്രവും ചെന്നു കയറുന്ന വീട്ടില്‍ ഭാഗ്യം കൊണ്ടു വരുന്ന സ്ത്രീ നക്ഷത്രമാണ്. ലാളിത്യമുള്ളവരും മറ്റുള്ളവരോടു കരുണയുള്ളവരുമാകും. ദൈവവിശ്വാസമുള്ളവരുമാണിവര്‍. ജീവിതത്തിലെ സുഖ സൗകര്യങ്ങള്‍ അനുഭവിയ്ക്കാന്‍ യോഗമുള്ളവര്‍ കൂടിയാണ് ഇവര്‍. ചെല്ലുന്ന വീട്ടില്‍ ഐശ്വര്യം കുടിയിരുത്തും സ്ത്രീ നക്ഷത്രമാണിത്.

രേവതി

27 നക്ഷത്രങ്ങളില്‍ അവസാന നക്ഷത്രമായ രേവതിയും എല്ലാ അര്‍ത്ഥത്തിലും ചെന്നു കയറുന്ന വീട്ടില്‍ ഐശ്വര്യം നിറയ്ക്കുന്ന, ദുര്‍ഭാഗ്യം അകറ്റുന്ന നക്ഷത്രമാണ്. സൗന്ദര്യവും ദൈവവിശ്വാസവും സദ്ചിന്തകളുമുള്ള

ഇവര്‍ സത്യസന്ധരുമാണ്. സ്വന്തം വീട്ടിലും ഭര്‍തൃ വീട്ടിലും ഒരുപോലെ ഭാഗ്യം നല്‍കുന്നവരുമാണ് രേവതി നക്ഷത്രക്കാര്‍