താലി കെട്ടിയാല്‍ ആണിനു ഭാഗ്യമാകും സ്ത്രീ നക്ഷത്രം

അശ്വതി

അശ്വതി നക്ഷത്രം പൊതുവേ നല്ല സ്ത്രീ നക്ഷത്രം എന്നു പറയാം. നല്ല മനസുള്ള, സത് സ്വഭാവികളായവര്‍. ഭര്‍ത്താവിന് വിവാഹ ശേഷം ധനവും ഐശ്വര്യവുമെല്ലാം ഫലമായി പറയുന്നു. ഭര്‍ത്താവിന്റെ വീട്ടില്‍ ഇവര്‍ കാലെടുത്തു വച്ചാല്‍ അവിടേയും ഐശ്വര്യമാണ് ഫലമായി പറയുന്നത്.

കാര്‍ത്തിക

വിശ്വസ്തരായ ഭാര്യമാരാണ് കാര്‍ത്തിക നക്ഷത്രം. ഭര്‍ത്താവിന് ഭാഗ്യമായി മാറുന്നവരും. ഇവരോട് എന്തു കാര്യവും വിശ്വസിച്ചു പറയാന്‍ സാധിയ്ക്കും. അതായത് ഭര്‍ത്താവ് പറയുന്ന രഹസ്യങ്ങള്‍ മനസില്‍ സൂക്ഷിയ്ക്കാന്‍ സാധിയ്ക്കുന്നവര്‍ എന്നു പറയാം.

തിരുവാതിര

ഭര്‍ത്താവിനും ഭര്‍തൃ വീടിനും ഭാഗ്യമായി മാറുന്ന സ്ത്രീ നക്ഷത്രമാണ് തിരുവാതിര. വ്യക്തിത്വവും കുലമഹിമയും ഉള്ളവരാണ് ഈ നക്ഷത്രക്കാരായ സ്ത്രീകള്‍

ദാനധര്‍മ്മങ്ങളില്‍ താല്‍പര്യമുള്ള സ്ത്രീ നക്ഷത്രം കൂടിയാണ് ഇത്.ഉള്ളവരാണ് ഈ നക്ഷത്രക്കാരായ സ്ത്രീകള്‍

അത്തം

ര്‍ത്താവിനും കുടുംബത്തിനും ഭാഗ്യമാകുന്ന സ്ത്രീ നക്ഷത്രമാണ് അത്തം എന്നു പറയാം. സൗന്ദര്യവും കാര്യശേഷിയും ഒത്തിണങ്ങിയ ഇവര്‍ ചെന്നു കയറുന്ന വീട്ടില്‍ ഭാഗ്യം നല്‍കുന്നവരുമാണ്. സ്വന്തം കാലില്‍ നില്‍ക്കാന്‍ പ്രാപ്തി കൂടുതലുള്ള ഇവര്‍ ഭര്‍ത്താവിനോടും കുടുംബത്തോടും ഏറെ സ്‌നേഹമുള്ളവരുമായിരിയ്ക്കും.

ചോതി

പതിവ്രതയായ സ്ത്രീ നക്ഷത്രമാണ് ചോതി എന്നു പറയാം. ഭര്‍ത്താവിനും വീടിനും ഒരുപോലെ ഭാഗ്യവും ഐശ്വര്യവും ആകുന്ന വിഭാഗത്തില്‍ പെടുന്നവര്‍. ഇതു കൊണ്ടു തന്നെ വിവാഹത്തിന് ഉത്തമവുമാണ്. ഭര്‍തൃ കുടുംബത്തെ സ്വന്തം കുടുംബം പോലെ കാക്കുന്നവര്‍.

മകയിരം

മകയിരം നക്ഷത്രവും വിവാഹത്തിന് ഉത്തമമായ സ്ത്രീ നക്ഷത്രം എന്നു വേണം, പറയാന്‍. വിശ്വസ്തരായ ഇവര്‍ ഭര്‍ത്താവിന് നല്ല സുഹൃത്തു കൂടിയാകും. ഭര്‍ത്താവിനെ നല്ലപോലെ മനസിലാക്കാന്‍ മനസു കാണിയ്ക്കുന്ന, സ്‌നേഹമുള്ള പ്രകൃതവും.

മകം

ഭര്‍ത്താവിന്റെ ജീവിതത്തിലും വീട്ടിലും ഭാഗ്യവും ഐശ്വര്യവും ആകുന്നവരാണ് മകം പിറന്ന മങ്കമാര്‍. സൗന്ദര്യവും കാര്യ ശേഷിയും ഒത്തിണങ്ങിയ ഇത് സ്ത്രീകള്‍ക്ക് ഏറെ ഉത്തമമായ നാളു കൂടിയാണ്. മകം പിറന്ന മങ്ക എന്ന ഒരു ചൊല്ലു തന്നെയുണ്ട്. സമ്പദ്ഭാഗ്യമുള്ള ഇവര്‍ മറ്റുള്ളവരെ സഹായിക്കുന്ന പ്രകൃതക്കാരുമാണ്. ദൈവവിശ്വാസികളും ആചരങ്ങളില്‍ വിശ്വസിയ്ക്കുന്നവരുമാണ്. പൊതുവേ ജീവിത സുഖം ലഭിയ്ക്കുന്ന നക്ഷത്രക്കാര്‍

തൃക്കേട്ട

തൃക്കേട്ട നക്ഷത്രങ്ങളും ഭര്‍ത്താവിനോട് വിശ്വസ്തത കാണിയ്ക്കുന്ന, ഭര്‍തൃ വീടിനോടു വിധേയത്വമുളളവരാകും. കണ്ണടച്ചു വിശ്വസിയ്ക്കാവുന്ന സ്ത്രീ നക്ഷത്രം എന്നു പറയാം. ഇവരോടു വിശ്വസിച്ചു പറയുന്ന കാര്യങ്ങള്‍ പുറത്തു പോകില്ല.

പൂരോരുട്ടാതി

പൂരോരുട്ടാതി നക്ഷത്രക്കാരായ സ്ത്രീകളും ഭര്‍ത്താവിനോട വിശ്വസ്തരാണ്. അല്‍പം ദേഷ്യ പ്രകൃതമാണെങ്കിലും ഈ നാളുകാര്‍ ഏറെ സ്‌നേഹവും മനസില്‍ നന്മയും പുലര്‍ത്തുന്നവരുമാണ്. ഇവരെ വിവാഹം ചെയ്താല്‍ വിവാഹശേഷം പുരുഷന് ഉയര്‍ച്ച ഫലമായി പറയുന്നു.

ഉത്രം

കുടുംബ സ്‌നേഹമുള്ള, ഭര്‍ത്താവിനോട് വിശ്വസ്തത പുലര്‍ത്തുന്ന സ്ത്രീ നക്ഷത്രമാണ് ഉത്രം. പങ്കാളിയെ ചതിയ്ക്കാതെ സ്‌നേഹത്തോടെ കൂടെ നില്‍ക്കുന്ന ഇവര്‍ നല്ല ഭാര്യമാരുമാകും. വിവാഹശേഷം ഭര്‍ത്താവിന് ഭാഗ്യം കൊണ്ടു വരുന്ന സ്ത്രീ നക്ഷത്രം.

രേവതി

27 നക്ഷത്രങ്ങളില്‍ അവസാന നക്ഷത്രമായ രേവതി സ്വന്തം വീട്ടിലും ഭര്‍തൃ വീട്ടിലും ഒരുപോലെ ഭാഗ്യമാകുന്ന വിഭാഗത്തില്‍ പെടുന്നു. ചെന്നു കയറുന്ന വീട്ടില്‍ ഐശ്വര്യം നിറയ്ക്കുന്ന, ദുര്‍ഭാഗ്യം അകറ്റുന്ന നക്ഷത്രമാണ്. സൗന്ദര്യവും ദൈവ വിശ്വാസവും ഉള്ളവരാകും, പൊതുവേ ഈ നക്ഷത്രക്കാരായ സ്ത്രീകള്‍.