Bhairav Chalisa in Malayalam: ശത്രുക്കളില്‍ നിന്നും ദുരാത്മാക്കളില്‍ നിന്നും മുക്തിനേടാന്‍ ഭൈരവ ചാലിസ

ഭൈരവന്റെ 64 രൂപങ്ങള്‍

ഭഗവാന്‍ ഭൈരവന്റെ 64 രൂപങ്ങളുണ്ട്, ഈ രൂപങ്ങളെല്ലാം അഷ്ടഭൈരവന്മാര്‍ എന്ന് വിളിക്കപ്പെടുന്ന 8 വിഭാഗങ്ങളായി തിരിച്ചിരിക്കുന്നു.

അസിദംഗ ഭൈരവന്‍

ഗുരു ഭൈരവന്‍

ഭീഷണ ഭൈരവന്‍

സംഹാര ഭൈരവന്‍

ചണ്ഡ ഭൈരവന്‍

ക്രോധ ഭൈരവന്‍

ഉന്മത്ത ഭൈരവന്‍

കപാല ഭൈരവന്‍

ഭൈരവ ചാലിസ വായിക്കുന്നതിന്റെ പ്രയോജനങ്ങള്‍

ദിവസവും ഭൈരവനെ ആരാധിക്കുന്നത് ഒരു വ്യക്തിക്ക് അവന്റെ വഴിയില്‍ വരുന്ന തടസ്സങ്ങളില്‍ നിന്നും നിഷേധാത്മകതയില്‍ നിന്നും സംരക്ഷിക്കുമെന്ന് വിശ്വസിക്കപ്പെടുന്നു. ഭഗവാന്‍ ഭൈരവന്റെ ചാലിസ ജപിക്കുന്നത് അദ്ദേഹത്തിനെ ആരാധിക്കാനും അര്‍പ്പിക്കാനും അനുഗ്രഹം നേടാനുമുള്ള ഏറ്റവും നല്ല മാര്‍ഗമാണ്. ഭൈരവ ചാലിസ ദിവസവും വായിക്കുന്നതിന്റെ ചില നേട്ടങ്ങള്‍ എന്തൊക്കെയെന്ന് നോക്കാം.

ആസക്തികളെ മറികടക്കുന്നു

ഭൈരവ ചാലിസ വായിക്കുന്നത് ജീവിതത്തിലെ ആസക്തികളെ മറികടക്കാന്‍ സഹായിക്കുമെന്ന് വിശ്വസിക്കപ്പെടുന്നു. ആസക്തികള്‍ ധാരാളം ആളുകളെ ബാധിക്കുകയും അപകടകരമായ പ്രത്യാഘാതങ്ങളിലേക്ക് നയിക്കുകയും ചെയ്യും. ദൈവത്തോടുള്ള ചായ്വ് ഒരാളെ ആസക്തിയെ മറികടക്കാന്‍ സഹായിക്കും, പ്രത്യേകിച്ച് ഭഗവാന്‍ ഭൈരവന്‍.

കഷ്ടതകളില്‍ നിന്ന് മോചനം ലഭിക്കുന്നു

ഭഗവാന്‍ ഭൈരവന്‍ ഒരാളുടെ ജീവിതത്തില്‍ നിന്ന് ഏത് തടസ്സങ്ങളെയും നിഷേധാത്മകതയെയും ഇല്ലാതാക്കുമെന്ന് പറയപ്പെടുന്നു. മാനസികമോ ശാരീരികമോ ആയ എന്തെങ്കിലും ബുദ്ധിമുട്ടുകള്‍ അനുഭവിക്കുന്നവര്‍ ദിവസവും ഭൈരവ ചാലിസ വായിക്കണം.

സുരക്ഷിത യാത്ര ഉറപ്പാക്കുന്നു

ഒരു യാത്ര ആരംഭിക്കുന്നതിന് മുമ്പ് ഭൈരവ് ചാലിസ വായിക്കുന്നത് എല്ലായ്‌പ്പോഴും സുരക്ഷിതമായ യാത്ര ഉറപ്പാക്കുന്നു, കാരണം ശിവനെപ്പോലെ അദ്ദേഹം ഈ ലോകത്തിന്റെ സംരക്ഷകനാണ്. ഭൈരവന്‍ അകാല മരണവും അപകടങ്ങളും തടയുന്നു.

ദാരിദ്ര്യം ഇല്ലാതാക്കുന്നു

ഏതൊരു വ്യക്തിയുടെയും ഏറ്റവും വലിയ വെല്ലുവിളിയാണ് ദാരിദ്ര്യം. ഭൈരവനെ ആരാധിക്കുന്നത് വീട്ടില്‍ നിന്ന് ദാരിദ്ര്യം അകറ്റാനും സമ്പത്തിനെ സ്വാഗതം ചെയ്യാനും സഹായിക്കുന്നു. ഭൈരവന്‍ വളരെ ദയയുള്ളവനാണെന്നാണ് വിശ്വാസം. അദ്ദേഹം തന്റെ ഭക്തര്‍ക്ക് സമ്പത്തും ഐശ്വര്യവും എളുപ്പത്തില്‍ നല്‍കുമെന്ന് പറയപ്പെടുന്നു. ഭൈരവനെ ആരാധിക്കുന്നത് എല്ലാത്തരം ബാധ്യതകളില്‍ നിന്നും കടങ്ങളില്‍ നിന്നും കരകയറാന്‍ നിങ്ങളെ സഹായിക്കും.

അഹന്തയെ നിയന്ത്രിക്കുന്നു

ക്ഷേത്രത്തിലെ ഭൈരവന്റെ വിഗ്രഹം നിങ്ങള്‍ ശ്രദ്ധിച്ചിട്ടുണ്ടെങ്കില്‍, അദ്ദേഹം എപ്പോഴും ബ്രഹ്‌മാവിന്റെ തലയോട്ടി കൈകളില്‍ പിടിച്ചിരിക്കും. ഭഗവാന്‍ ഭൈരവന്‍ തന്റെ നഖം കൊണ്ട് ബ്രഹ്‌മാവിന്റെ ശിരസ്സ് മുറിച്ച്, അഹംഭാവം നശിപ്പിച്ച് അദ്ദേഹത്തെ പ്രകാശിപ്പിച്ചു. ഒരാളുടെ അഹംഭാവം നിയന്ത്രിക്കാന്‍ ഭഗവാന്‍ ഭൈരവന്‍ സഹായിക്കുന്നു എന്ന് പറയപ്പെടുന്നു.

ശത്രുക്കളോട് പോരാടാന്‍ സഹായിക്കുന്നു

നമുക്ക് ചുറ്റുമുള്ള ശത്രുക്കള്‍ മാത്രമല്ല, നമ്മുടെ ഉള്ളിലും ഭൈരവന്‍ അത്ഭുതങ്ങള്‍ തീര്‍ക്കുന്നു. ഭൈരവ ചാലിസ നമ്മുടെ ദിനചര്യയുടെ ഭാഗമാക്കിയാല്‍ അത്യാഗ്രഹം, മോഹം, കോപം തുടങ്ങിയ സ്വന്തം ശത്രുക്കളില്‍ നിന്ന് നമ്മെ മോചിപ്പിക്കുന്നു.

ഭൈരവനെ എപ്പോള്‍ ആരാധിക്കണം?

ഞായറാഴ്ച വൈകുന്നേരം 4.30 മുതല്‍ 6 വരെയുള്ള രാഹുകാലമാണ് ഭൈരവനെ ആരാധിക്കാന്‍ ഏറ്റവും നല്ല സമയം. ഭൈരവ ചാലിസ ദിവസവും വീട്ടില്‍ വെച്ച് ആരാധിക്കാനും വായിക്കാനും നിങ്ങള്‍ക്ക് സാധിക്കും.

ഭൈരവന്റെ അനുഗ്രഹം നേടാനുള്ള മറ്റ് പ്രതിവിധികള്‍

* ഭൈരവന്റെ വാഹനം നായയാണ്. നായ്ക്കള്‍ക്ക് ഭക്ഷണം കൊടുക്കുന്നതും അവയെ സേവിക്കുന്നതും ഭൈരവനെ പ്രീതിപ്പെടുത്താനുള്ള മികച്ച മാര്‍ഗമാണെന്ന് വിശ്വസിക്കപ്പെടുന്നു.

*നായ്ക്കള്‍ ഭക്ഷണം കഴിച്ചാല്‍ ഭൈരവന്റെ അനുഗ്രഹം ഉണ്ടാകുമെന്നാണ് പറയപ്പെടുന്നത്. പ്രത്യേകിച്ച് എല്ലാ ആഴ്ചയും വ്യാഴാഴ്ച നായ്ക്കള്‍ക്ക് ഭക്ഷണം നല്‍കുന്നത് ധാരാളം ഗുണങ്ങള്‍ നല്‍കുമെന്ന് പറയപ്പെടുന്നു.

* ശനിയാഴ്ചകളില്‍ പാവപ്പെട്ടവര്‍ക്ക് വറുത്ത ഭക്ഷണങ്ങള്‍ വിതരണം ചെയ്യുന്നത് ഗുണം ചെയ്യും.

* ഭൈരവന് ജിലേബിയും തേങ്ങയും സമര്‍പ്പിക്കുന്നതും ഐശ്വര്യമായി കണക്കാക്കുന്നു.