വസന്തപഞ്ചമിയില്‍ സരസ്വതിദേവിയെ ഇങ്ങനെ ആരാധിക്കൂ: സകലഐശ്വര്യവും പുനര്‍ജന്മസൂചനയും

വസ്ത്രധാരണം ശ്രദ്ധിക്കണം

വസന്ത പഞ്ചമി ദിനത്തില്‍ നാം ധരിക്കുന്ന വസ്ത്രങ്ങള്‍ പോലും വളരെ പ്രധാനപ്പട്ടതാണ്. മഞ്ഞയോ പച്ചയോ നിറമുള്ള വസ്ത്രങ്ങള്‍ ധരിക്കുന്നത് വളരെയധികം ശുഭകരമായി കാണപ്പെടുന്നു. കാരണം ഈ ദിനത്തില്‍ ഈ നിറത്തിലുള്ള വസ്ത്രങ്ങള്‍ ധരിക്കുന്നവരില്‍ വളരെയധികം നേട്ടങ്ങളും മാറ്റങ്ങളും ഐശ്വര്യങ്ങളും നിലനില്‍ക്കുന്നു എന്നാണ് വിശ്വാസം. എന്നാല്‍ ഒരിക്കലും കറുപ്പ് നിറത്തിലുള്ള വസ്ത്രം ധരിക്കരുത്. ഇത് ദോഷഫലങ്ങള്‍ നല്‍കുന്നതാണ് എന്നാണ് പറയുന്നത്. എന്നാല്‍ കറുപ്പിന് പകരം വെള്ള നിറത്തിലുള്ള വസ്ത്രങ്ങള്‍ ധരിക്കുന്നതും സരസ്വതി ദേവിയുടെ അനുഗ്രഹം നിങ്ങളില്‍ ഉണ്ട് എന്ന് സൂചിപ്പിക്കുന്നു.

മനസ്സിന്റെ ശുദ്ധി

ശരീര ശുദ്ധി പോലെ തന്നെ പ്രധാനപ്പെട്ടതാണ് മനശുദ്ധിയും. അതുകൊണ്ട് തന്നെ ഈ ദിനത്തില്‍ സരസ്വതി ദേവിയുടെ പ്രാര്ത്ഥനക്കായി തയ്യാറെടുക്കുന്നത് കൊണ്ട് തന്നെ ഒരിക്കലും മനസ്സില്‍ ആരോടും ദേഷ്യമോ വെറുപ്പോ വിദ്വേഷമോ പാടില്ല. മാത്രമല്ല ആരോടും തര്‍ക്കത്തില്‍ ഏര്‍പ്പെടാതിരിക്കുന്നതിനും ശ്രദ്ധിക്കണം. ഈ ദിനത്തില്‍ നിങ്ങള്‍ക്ക് നിങ്ങളുടെ പിതൃക്കള്‍ക്ക് വേണ്ടിയുള്ള കര്‍മ്മങ്ങളും അനുഷ്ഠിക്കാവുന്നതാണ്. അതുകൊണ്ട് തന്നെയാണ് കലഹങ്ങള്‍ ഈ ദിനത്തില്‍ പാടില്ല എന്ന് പറയുന്നത്. ഇത് പിതൃക്കളെ കോപാകുലരാക്കുന്നു എന്നാണ് വിശ്വാസം. അതുകൊണ്ട് എല്ലാവരോടും നല്ല സ്‌നേഹത്തോടും ഒത്തൊരുമയോടെയും പെരുമാറുന്നതിന് ശ്രദ്ധിക്കണം.

ദേവികോപം ഇപ്രകാരം

ശാന്തസ്വരൂപ ഭാവത്തിലാണ് നാം സരസ്വതി ദേവിയുടെ ചിത്രങ്ങള്‍ കണ്ടിട്ടുള്ളത്. എന്നാല്‍ വസന്ത പഞ്ചമി ദിനത്തില്‍ നാം മരങ്ങളും ചെടികളും നശിപ്പിക്കുകയോ മുറിക്കുകയോ അവക്ക് വേണ്ടത്ര പരിഗണന നല്‍കാതിരിക്കുകയോ ചെയ്യുമ്പോള്‍ അത് സരസ്വതി ദേവിയുടെ കോപത്തിന് ഇടയാക്കും എന്നാണ് പറയുന്നത്. അതുകൊണ്ട് തന്നെ ഈ ദിനത്തില്‍ ചെടികള്‍ക്കും മരങ്ങള്‍ക്കും ജലം അര്പ്പിക്കുകയും അവയെ പൂജിക്കുകയും ചെയ്യുക. ഇത്തരത്തില്‍ ചെയ്യുന്നതിലൂടെ നിങ്ങളുടെ ജീവിതത്തില്‍ ഐശ്വര്യവും സന്തോഷവും നിലനില്‍ക്കുന്നു.

ദേഹശുദ്ധിക്ക് ശേഷം

വസന്ത പഞ്ചമി ദിനത്തില്‍ അതിരാവിലെ എഴുന്നേറ്റ് ദേഹശുദ്ധി വരുത്തി മുകളില്‍ പറഞ്ഞ തരത്തിലുള്ള വസ്ത്രങ്ങള്‍ ധരിച്ച് സരസ്വതി ദേവിയെ ആരാധിക്കണം. അതിന് ശേഷം മാത്രമേ മറ്റ് കര്‍മ്മങ്ങളിലേക്ക് കടക്കാവൂ. അല്ലാത്ത പക്ഷം അത് ദേവീ കോപം ഉണ്ടാക്കും എന്നാണ് പറയുന്നത്. മാത്രമല്ല ദേഹശുദ്ധി വരുത്തേണ്ടതിന് ഒരു കുറവും വരുത്തരുത്. ഇത് ജീവിതത്തില്‍ ഐശ്വര്യക്കേട് ഉണ്ടാക്കുന്നു. മാത്രമല്ല ഈ ദിനത്തില്‍ കുളിക്കാതെ ആഹാരം കഴിക്കരുത്. ഇത് ജീവിതത്തിലേക്ക് ഐശ്വര്യക്കേട് കൊണ്ട് വരുന്നു എന്നാണ് വിശ്വാസം. അതുകൊണ്ട് തന്നെ ദേഹശുദ്ധി വരുത്തി ദേവിയെ പ്രാര്‍ത്ഥിച്ച ശേഷം മാത്രം ഇത്തരം കാര്യങ്ങള്‍ ചെയ്യുക.

മത്സ്യമാംസാഹാരം

സരസ്വതി പൂജ ദിനത്തില്‍ മത്സ്യമാംസാഹാരങ്ങള്‍ പൂര്‍ണമായും ഒഴിവാക്കണം. അത് മാത്രമല്ല മദ്യം, പുകവലി തുടങ്ങി യാതൊരു വിധത്തിലുള്ള ദു:ശ്ശീലങ്ങളും അരുത്. ഇതെല്ലാം ദേവി കോപം നിങ്ങളിലേക്ക് എത്തിക്കുന്നതിന് കാരണമാകുന്നു. സസ്യാഹാരം കഴിച്ച് ദേവിയെ ആരാധിച്ച് വേണം ഈ ദിനം കഴിച്ച് കൂട്ടാന്‍. കൂടാതെ ഈ ദിനത്തില്‍ ദേവിക്ക് മഞ്ഞ മനിറത്തിലുള്ള പൂക്കളും വസ്ത്രങ്ങളും മധുരപലഹാരങ്ങളും എല്ലാം സമര്‍പ്പിക്കുന്നു, കൂടാതെ സരസ്വതി സ്‌തോത്രങ്ങള്‍ ഉരുവിടുന്നതും നിങ്ങളുടെ ജീവിതത്തിലെ തടസ്സങ്ങളെ ഇല്ലാതാക്കുന്നു. സരസ്വതി ദേവിയെ വസന്ത പഞ്ചമിയില്‍ ലാഭേച്ഛയില്ലാതെ ആരാധിക്കുന്നവര്‍ക്ക് പുനര്‍ജന്മമുണ്ടാകുമെന്നും ഇവര്‍ മഹാപണ്ഡിതന്‍മാരായി ജനിക്കും എന്നുമാണ് വിശ്വാസം. അതുകൊണ്ട് തന്നെ ഐശ്വര്യത്തിന് വേണ്ടി ഈ ദിനത്തില്‍ ദേവിയെ ഇപ്രകാരം ആരാധിക്കൂ.