ഈ ദിവസം കടം വാങ്ങിയാല്‍ മുടിയും

ഞായറാഴ്ച

ആര്‍ട്‌സ് സംബന്ധമായ കാര്യങ്ങള്‍ ചെയ്യാന്‍ ഏറ്റവു നല്ലത് ഞായറാഴ്ചയാണെന്നാണ് വിശ്വാസം. ഇത് ജോലിയാണെങ്കിലും പഠനമാണെങ്കിലും ഫലം തരുമെന്നു പറയുന്നു. പെയിന്റിംഗ്, ഹാന്റിക്രാഫ്റ്റ് എന്നിവയെല്ലാം ഇതില്‍ പെടുന്നവയാണ്.

തിങ്കളാഴ്ച

തിങ്കളാഴ്ച ശിവ ഭഗവാനും ചന്ദ്രദേവനും സമര്‍പ്പിയ്ക്കപ്പെട്ട ദിവസമാണെന്നാണ് വിശ്വാസം. ഈ ദിവസവം മതപരമായ ഏതു കാര്യങ്ങളും ചെയ്യാന്‍ ഏറെ നല്ല ദിവസമാണ്. ദോഷങ്ങള്‍ തീര്‍ക്കാന്‍ ജെം സ്‌റ്റോണ്‍ ആദ്യമായി ധരിയ്ക്കാനും ഇതാണ് ഉത്തമമായ ദിവസം. ഈ ദിവസം ജെം സ്‌റ്റോണ്‍ ധരിയ്ക്കുന്നതു ഗുണം നല്‍കും. ജെം സ്‌റ്റോണ്‍ ദിവസവും സമയവും നോക്കി ധരിച്ചാല്‍ മാത്രമേ ഗുണമുണ്ടാകൂവെന്നു പറയപ്പെടുന്നു.

ചൊവ്വാഴ്ച

ചൊവ്വാഴ്ച ദിവസം ഹനുമാനു പ്രധാനപ്പെട്ട ദിവസമാണെന്നു വിശ്വാസം. റിസ്‌ക്കുള്ള കാര്യങ്ങളും ശാരീരിക അധ്വാനമുള്ള കാര്യങ്ങളും ചെയ്യുവാന്‍ ഈ ദിവസം ഉത്തമമാണെന്നാണ് വിശ്വാസം. ഇതു പോലെ ധനസംബന്ധമായ കാര്യങ്ങള്‍ക്കും ഈ ദിനം ഏറെ ഉത്തമമാണ്. ഷെയര്‍ മാര്‍ക്കറ്റ്, വസ്തു സംബന്ധമായ കാര്യങ്ങള്‍ എന്നിവയെല്ലാം ഈ ദിവസം ചെയ്യുന്നതു ഗുണം നല്‍കും. ചൊവ്വാഴ്ച ദിവസം കടം വാങ്ങരുത്. ഇത് തിരിച്ചു നല്‍കാന്‍ ബുദ്ധിമുട്ടുണ്ടാകും.

ബുധനാഴ്ച

ബുധനാഴ്ച ദിവസം ജോലി തുടങ്ങാന്‍, പുതിയ ജോലി ആരംഭിയ്ക്കാന്‍ ചേര്‍ന്ന ദിവസമാണെന്നാണ് വിശ്വാസം. ഈ ദിവസം പുതുതായി ജോലിയ്ക്കു ചേര്‍ന്നാല്‍ ഉയര്‍ച്ചയുണ്ടാകും. ബിസിനസ് തുടങ്ങാനും ഇത് ഏറെ നല്ല ദിവസമാണ്. പുതിയ ബിസിനസുകള്‍ ഇന്നേ ദിവസം തുടങ്ങുന്നതു ഗുണം നല്‍കും.

വ്യാഴാഴ്ച

വിദ്യാഭ്യാസ സംബന്ധമായ കാര്യങ്ങള്‍ ആരംഭിയ്ക്കാന്‍ മികച്ച ദിവസമാണ് വ്യാഴാഴ്ച. വിദ്യാഭ്യാസ കാര്യങ്ങള്‍ ഇതേ ദിവസം തുടങ്ങിയാല്‍ നല്ല ഫലം ലഭിയ്ക്കും. ഇതു പോലെ ആത്മീയ സംബന്ധമായ കാര്യങ്ങള്‍ക്കുള്ള നല്ലൊരു ദിവസവും കൂടിയാണ് ഇത്. എന്നാല്‍ ഈ ദിവസം പണം കടം വാങ്ങിയാല്‍ സാമ്പത്തിക നഷ്ടങ്ങളുണ്ടാകും.

വെള്ളിയാഴ്ച

വെള്ളിയാഴ്ച നിയമ സംബന്ധമായ കാര്യങ്ങള്‍ക്കു ചേര്‍ന്ന ദിവസമാണ്. നിയമ വ്യവഹാരങ്ങള്‍ക്കു വെള്ളിയാഴ്ച പോകുന്നതാണ് ഗുണകരം. ഇതുപോലെ കൃഷി തുടങ്ങാന്‍, വിളവെടുക്കാന്‍ പറ്റിയ ദിവസം കൂടിയാണ് ഇന്ന്. വിദ്യാഭ്യാസ സംബന്ധമായ കാര്യങ്ങള്‍ക്കും ഇത് ഏറെ ഉത്തമമാണ്.

ശനിയാഴ്

ശനിയാഴ്ച മരുന്നു സംബന്ധമായ കാര്യങ്ങള്‍ക്കുള്ള ദിവസമാണ്. ഇതു പോലെ ആരോഗ്യ സംബന്ധമായ കാര്യങ്ങള്‍ക്കും. ഈ ദിവസം ശനി ദേവന്റെ ദിവസമാണെന്നാണ് വിശ്വാസം. ശനി ദേവനെ പ്രസാദിപ്പിയ്ക്കുന്നത് രോഗപീഡകളില്‍ നിന്നും മോചനം നല്‍കുകയും ചെയ്യും.