ചന്ദ്രഗ്രഹണ സമയത്ത് ഈ പരിഹാരം ചെയ്താല്‍ ജീവിതത്തില്‍ ഐശ്വര്യം

ചന്ദ്രന്റെ സ്ഥാനം ശക്തിപ്പെടുത്താന്‍

ജ്യോതിഷ പ്രകാരം ജാതകത്തില്‍ ചന്ദ്രന്റെ സ്ഥാനം ശക്തിപ്പെടുത്തുന്നതിനായി നിങ്ങള്‍ ചന്ദ്രഗ്രഹണ സമയത്ത് ചന്ദ്രന്റെ ബീജ മന്ത്രമോ മഹാമൃത്യുഞ്ജയ മന്ത്രമോ ജപിക്കുക. ഗ്രഹണ സമയത്ത് മന്ത്രം ജപിക്കുന്നത് വളരെ ഗുണകരമാണെന്ന് കണക്കാക്കപ്പെടുന്നു. ഇതിലൂടെ ഗ്രഹങ്ങളുടെ സ്ഥാനവും അനുകൂലമാകുന്നു.

സാമ്പത്തിക പുരോഗതിക്ക്

ചന്ദ്രഗ്രഹണ ദിവസം രാവിലെ ഒരു പൂട്ട് വാങ്ങി രാത്രി ചന്ദ്രന്റെ വെളിച്ചത്തില്‍ വയ്ക്കുക. രാത്രി മുഴുവന്‍ ഇത് നിലാവില്‍ വയ്ക്കുക. ഇതിനുശേഷം രാവിലെ പൂട്ട് എടുത്ത് പൂജാമുറിയില്‍ കൊണ്ടുപോയി സൂക്ഷിക്കുക. ഇങ്ങനെ ചെയ്താല്‍ കടബാധ്യതകളില്‍ നിന്ന് മോചനം ലഭിക്കുമെന്നും സാമ്പത്തിക പുരോഗതി ഉണ്ടാകുമെന്നുമാണ് വിശ്വാസം.

പ്രശ്‌നങ്ങള്‍ അകലാന്‍

നിങ്ങള്‍ ജോലി അന്വേഷിക്കുന്നവരോ ജോലി ചെയ്യുന്നവരോ ആണെങ്കില്‍ നിങ്ങളുടെ പ്രശ്‌നങ്ങള്‍ മറികടക്കാനായി ചന്ദ്രഗ്രഹണം കഴിഞ്ഞാല്‍ മധുര ചോറ് ഉണ്ടാക്കി കാക്കകള്‍ക്ക് കൊടുക്കുക. ഇങ്ങനെ ചെയ്യുന്നതിലൂടെ നിങ്ങളുടെ ജീവിതത്തില്‍ പുരോഗതിയുടെ ശുഭയോഗങ്ങള്‍ ഉണ്ടാകുകയും പ്രശ്‌നങ്ങള്‍ പരിഹരിക്കപ്പെടുകയും ചെയ്യുമെന്നാണ് വിശ്വാസം. ഈ പ്രതിവിധി ചെയ്യുന്നതിലൂടെ, അശുഭ ഗ്രഹങ്ങളായ രാഹു, കേതു, ശനി എന്നിവയുടെ ദോഷങ്ങളും കുറയുന്നു.

ലക്ഷ്മീദേവിയെ പ്രീതിപ്പെടുത്താന്‍

ലക്ഷ്മി ദേവിയെ പ്രീതിപ്പെടുത്താനായി നിങ്ങള്‍ ചന്ദ്രഗ്രഹണ സമയത്ത് ഒരു വെള്ളിയുടെ കഷ്ണം എടുത്ത് പാലും ഗംഗാജലവും കലര്‍ത്തി ഗ്രഹണ നിഴലില്‍ വയ്ക്കുക. ഇതിനുശേഷം പിറ്റേന്ന് ബ്രാഹ്‌മ മുഹൂര്‍ത്തത്തില്‍ അതെടുത്ത് ചുവന്ന തുണിയില്‍ കെട്ടി നിങ്ങളുടെ വീടിന്റെ നിലവറയില്‍ സൂക്ഷിക്കുക. ഇത് ചെയ്യുന്നതിലൂടെ നിങ്ങളുടെ സാമ്പത്തിക പ്രശ്നങ്ങള്‍ നീങ്ങുകയും ലക്ഷ്മിദേവിയുടെ അനുഗ്രഹം എന്നെന്നും നിലനില്‍ക്കുകയും ചെയ്യുന്നു.

ഗ്രഹണ ദോഷം നീക്കാന്‍

ജ്യോതിഷ പ്രകാരം നിങ്ങളുടെ ജാതകത്തില്‍ ഗ്രഹണദോഷമുണ്ടെങ്കില്‍ ചന്ദ്രഗ്രഹണ സമയത്ത് വെളുത്ത വസ്തുക്കള്‍ ദാനം ചെയ്യുക. ഈ ദിവസം ചോറ്, പാല്‍, തൈര്, വെള്ള വസ്ത്രങ്ങള്‍, മധുരപലഹാരങ്ങള്‍ മുതലായവ ദാനം ചെയ്യുന്തന്നതിലൂടെ നിങ്ങളുടെ ജാതകത്തിലെ ചന്ദ്രദോഷം കുറയുന്നു. ചന്ദ്രന്‍ നിങ്ങളുടെ മനസ്സിനെ ഭരിക്കുന്നു. ഈ പ്രതിവിധികളിലൂടെ നിങ്ങളുടെ മാനസികാരോഗ്യത്തിലും നല്ല മാറ്റങ്ങള്‍ വരുന്നു.

നവംബര്‍ 8 ചന്ദ്രഗ്രഹണം തീയതിയും സമയവും

നവംബര്‍ എട്ടിന് നടക്കുന്ന ചന്ദ്രഗ്രഹണം വൈകിട്ട് 5.32ന് ആരംഭിച്ച് 6.18ന് അവസാനിക്കും. സൂതക കാലം രാവിലെ 9.21 ന് ആരംഭിച്ച് 06.18 ന് അവസാനിക്കും.

ഗ്രഹണം എവിടെ ദൃശ്യമാകും

ഈ ചന്ദ്രഗ്രഹണം പ്രധാനമായും വടക്ക്-കിഴക്കന്‍ യൂറോപ്പ്, ഏഷ്യ, ഓസ്ട്രേലിയ, പസഫിക് സമുദ്രം, ഇന്ത്യന്‍ മഹാസമുദ്രം, വടക്കേ അമേരിക്ക, തെക്കേ അമേരിക്ക എന്നിവിടങ്ങളിലെ മിക്ക ഭാഗങ്ങളിലും ദൃശ്യമാകും. ഇന്ത്യയില്‍ പൂര്‍ണഗ്രഹണം കിഴക്കന്‍ ഭാഗങ്ങളില്‍ നിന്ന് മാത്രമേ ദൃശ്യമാകൂ. കൊല്‍ക്കത്ത, സിലിഗുരി, റാഞ്ചി, ഗുവാഹത്തി, പട്ന എന്നിവയാണ് പൂര്‍ണ്ണ ചന്ദ്രഗ്രഹണം ദൃശ്യമാകുന്ന പ്രധാന നഗരങ്ങളില്‍ ചിലത്.