ദാമ്പത്യ ജീവിതത്തില്‍ വിള്ളലുണ്ടോ: ദാമ്പത്യപ്രശ്‌നത്തിന് പരിഹാരം ജ്യോതിഷത്തില്‍

പൊരുത്തക്കേടുകള്‍ തിരിച്ചറിയാം

തെറ്റിദ്ധാരണകള്‍ ഏതൊരു ബന്ധത്തിന്റെയും ഭാഗമാണ് എന്ന് നമുക്കെല്ലാം അറിയാം. ഇതിന്റെ ഫലമായാണ് പലപ്പോഴും ബന്ധങ്ങളില്‍ പൊരുത്തക്കേടുകള്‍ ഉണ്ടാക്കുന്നത്. ഏതൊരു ദാമ്പത്യത്തിലും പൊരുത്തക്കേടുകള്‍ ഉണ്ടാവാം. എന്താണ് പ്രശ്‌നത്തിന്റെ കാരണം, എന്തൊക്കെയാണ് ശ്രദ്ധിക്കേണ്ട കാര്യം എന്ന് നോക്കാവുന്നതാണ്. മിക്കപ്പോഴും, ആശയവിനിമയത്തിന്റെ അഭാവം മൂലമോ അല്ലെങ്കില്‍ രണ്ട് പങ്കാളികള്‍ക്കും ജീവിതത്തില്‍ അഭിപ്രായ വ്യത്യാസമോ ആയിരിക്കും ഇത്തരം പൊരുത്തക്കേടുകള്‍ക്ക് പുറകില്‍. എന്നാല്‍ ജ്യോതിഷം എങ്ങനെ ഇതിന് പരിഹാരം കാണുന്നതിന് സഹായിക്കുന്നു എന്ന് നോക്കാം. ഗ്രഹങ്ങളുടെ സ്വാധീനം ശ്രദ്ധാപൂര്‍വ്വം വിശകലനം ചെയ്യാനും കണക്കാക്കാനും ശ്രദ്ധിക്കണം. ശുക്രന്റെ സ്വാധീനമാണ് പരിശോധിക്കേണ്ടത്. ഇത്തരം കാര്യങ്ങള്‍ അറിഞ്ഞിരിക്കേണ്ടതാണ്.

അടുപ്പത്തിലുണ്ടാവുന്ന പ്രശ്‌നങ്ങള്‍

ഒരു ബന്ധത്തിന്റെ പ്രാരംഭ ഘട്ടത്തില്‍ അടുപ്പം നിലനിര്‍ത്തുന്നത് എളുപ്പമാണ്. എന്നാല്‍ പിന്നീട് ഇത് മാറി വരുന്നത് പല ബന്ധങ്ങളിലും കാണുന്നുണ്ട്. എന്നാല്‍ കാലക്രമേണ അടുപ്പമില്ലായ്മ പലപ്പോഴും നിങ്ങളില്‍ പ്രശ്‌നങ്ങള്‍ വര്‍ദ്ധിപ്പിക്കുന്നു. ഇവര്‍ ശിവന് രുദ്രാഭിഷേകം ചെയ്യുന്നത് നല്ലതാണ്. ഇത് കൂടാതെ ഇതിലൂടെ വിവാഹിതരായ ദമ്പതികള്‍ക്കിടയിലെ എല്ലാ നിഷേധാത്മകതക്ക് പരിഹാരം കാണുന്നതിനും ബന്ധങ്ങളില്‍ ഐക്യം ഉറപ്പാക്കാനും സാധിക്കുന്നുണ്ട്. ഇത് കൂടാതെ തുളസി ചെടിയെ ആരാധിക്കുന്നത് ദമ്പതികള്‍ക്ക് അവരുടെ ദാമ്പത്യ ജീവിതത്തില്‍ ദേവിയുടെ അനുഗ്രഹം നല്‍കുന്നു.

സാമ്പത്തിക ആശങ്കകള്‍

സാമ്പത്തിക സുരക്ഷിതത്വം ഒരാള്‍ക്ക് ജീവിതത്തില്‍ നല്‍കുന്ന ഗുണങ്ങള്‍ നിസ്സാരമല്ല. ഇത് ഇല്ലാതാവുമ്പോള്‍ അത് പലപ്പോഴും ദമ്പതികള്‍ക്ക് ഇടയില്‍ പ്രശ്‌നങ്ങള്‍ വര്‍ദ്ധിക്കുന്നുണ്ട്. പണവും സാമ്പത്തികവുമാണ് വീട്ടിലെ സമാധാനം തകര്‍ക്കുന്നതും വിവാഹിതര്‍ക്കിടയില്‍ പ്രശ്നങ്ങള്‍ ഉണ്ടാക്കുന്നതും. പണത്തിന്റെ അഭാവം പലപ്പോഴും പ്രശ്‌നങ്ങള്‍ കൂടുതല്‍ വഷളാക്കുന്നതാണ്. എന്നാല്‍ ഇതിന് പരിഹാരം കാണുന്നതിന് വേണ്ടി ശനിദേവനെ ആരാധിക്കേണ്ടതാണ്. അതിനാല്‍ സാമ്പത്തിക സ്ഥിരത കൈവരിക്കുന്നതിന് വേണ്ടി ദമ്പതികള്‍ ശനി ഭഗവാനെ പ്രീതിപ്പെടുത്തേണ്ടതാണ്. ഐശ്വര്യത്തിന്റെ ദേവനായ കുബേരന്റെ ദിക്കായ വടക്ക് ദിക്കില്‍ വീടിന്റെ ലോക്കര്‍ നിര്‍മ്മിക്കേണ്ടതാണ്.

വിവാഹേതര പ്രശ്‌നങ്ങള്‍

ചിലരിലെങ്കിലും വിവാഹേതര പ്രശ്‌നങ്ങള്‍ ഗുരുതരമായി ബാധിക്കുന്നുണ്ട്. അതുകൊണ്ട് തന്നെ ഇത്തരം പ്രശ്‌നങ്ങളെ പ്രതിരോധിക്കുന്നതിന് വേണ്ടിയും ബന്ധങ്ങളില്‍ ശക്തി ഉറപ്പിക്കുന്നതിന് വേണ്ടിയും ഗ്രഹങ്ങളുടെ സ്ഥാനവും ശ്രദ്ധിക്കേണ്ടതാണ്. വിവാഹത്തില്‍ ദമ്പതികള്‍ തമ്മിലുള്ള വിശ്വാസമില്ലായ്മ ബന്ധങ്ങളെ നശിപ്പിക്കുന്നു. ഇതിന് കാരണം പലപ്പോഴും വ്യാഴത്തിന്റെ ബലമില്ലായ്മയാണ്. എന്നാല്‍ ബന്ധം ദൃഢമായി നിലനിര്‍ത്തുന്നതിന് വേണ്ടി ചൊവ്വയുടെയോ രാഹുവിന്റെയോ ദോഷകരമായ സ്വാധീനത്തില്‍ നിന്ന് വ്യാഴത്തെ മോചിപ്പിക്കുന്നതിനുള്ള പരിഹാരങ്ങള്‍ ചെയ്യുന്നതിന് ശ്രദ്ധിക്കണം. ഇത് ദമ്പതികള്‍ക്കിടയില്‍ ശക്തമായ സ്‌നേഹബന്ധം വളര്‍ത്തുന്നതിന് സഹായിക്കുന്നുണ്ട്.

അമ്മായിയമ്മമാരുമായുള്ള പ്രശ്‌നങ്ങള്‍

വിവാഹം എന്നത് രണ്ടുപേരെ മാത്രം സംബന്ധിക്കുന്നതല്ല എന്ന് മുന്‍പ് പറഞ്ഞു. ഭര്‍ത്താവിന്റെ വീട്ടിലെത്തുന്ന പെണ്‍കുട്ടിയും ഭര്‍ത്താവിന്റെ അമ്മയും തമ്മില്‍ ചേരാതെ വന്നാല്‍ അത് അല്‍പം ശ്രദ്ധിക്കണം. കാരണം ജാതകത്തിലെ 4, 9, 10 എന്നീ ഭാവങ്ങള്‍ ബലഹീനമാണെങ്കിലാണ് ഇത്തരത്തില്‍ സംഭവിക്കുന്നത്. അതിന് പരിഹാരം കാണുന്നതിന് വേണ്ടി ഈ ഭാവങ്ങളില്‍ നില്‍ക്കുന്ന ഗ്രഹങ്ങളെ ശക്തിപ്പെടുത്തുന്നതിന് വേണ്ടിയുള്ള കാര്യങ്ങള്‍ ശ്രദ്ധിക്കേണ്ടതാണ്.

ഭക്തിയും വിശ്വാസവും ഈ രാശിക്കാരെ വെല്ലാന്‍ ആരുമില്ല: ഫലവും അതിശയം

രാശിപ്രകാരം നെറ്റിയില്‍ തിലകം ചാര്‍ത്തൂ: ഫലവും നേട്ടവും പുറകേ പുറകേ