വടസാവിത്രി വ്രതത്തില്‍ ഈ അത്ഭുത പ്രതിവിധികള്‍ ചെയ്യൂ; ശനിദോഷ മോചനവും ഭാഗ്യവും ഫലം

കരി കുഴിച്ചിടുക

ശനി ജയന്തി അല്ലെങ്കില്‍ വട സാവിത്രി വ്രത ദിവസം, ആളൊഴിഞ്ഞ സ്ഥലത്ത് ഒരു കുഴി കുഴിച്ച് അതില്‍ കറുത്ത കരി ഇടുക. ഈ പ്രതിവിധി നിങ്ങളുടെ സാമ്പത്തിക പ്രശ്‌നങ്ങള്‍ പരിഹരിക്കും.

ആല്‍മരത്തിന് പാല്‍ സമര്‍പിക്കുക

ഈ ദിവസം, ഒരു ആല്‍മരത്തിന് മധുരമുള്ള പാല്‍ സമര്‍പ്പിച്ച ശേഷം, പടിഞ്ഞാറ് ദിശയില്‍ ഒരു എണ്ണ വിളക്ക് കത്തിക്കുക. ഇതിനുശേഷം, ആല്‍മരത്തിന് ഒരു പ്രദക്ഷിണം ചെയ്ത് ഓം ശനിശ്ചരായ നമഃ എന്ന മന്ത്രം ജപിക്കുകയും ഓരോ ധാന്യം സമര്‍പ്പിക്കുകയും ചെയ്യുക. ഇത് ചെയ്ത ശേഷം ശനി ദേവനോട് പ്രാര്‍ത്ഥിക്കുക.

കറുത്ത പശുവിന് ലഡ്ഡു നല്‍കുക

വടസാവിത്രി വ്രതാനുഷ്ഠാനത്തിന്റെ ദിവസം, ഒരു കറുത്ത പശുവിന് 8 ബൂന്ദി ലഡ്ഡു കൊടുക്കുക, എന്നിട്ട് പശുവിനെ പ്രദക്ഷിണം ചെയ്ത ശേഷം, അതിന്റെ വാല് കൊണ്ട് നിങ്ങളുടെ തല 8 തവണ തടവുക.

ഹനുമാന്‍ ചാലിസ ചൊല്ലുക

ശനി ദേവന്റെ അനുഗ്രഹം തേടാനായി നിങ്ങള്‍ക്ക് ഹനുമാനെ ആരാധിക്കാം. ശനി ജയന്തി ദിനത്തില്‍, ഹനുമാന്‍ ചാലിസ പാരായണം ചെയ്യുക.

ആല്‍മരത്തില്‍ നെയ്യ് വിളക്ക് കൊളുത്തുക

വീട്ടിലെ കലഹങ്ങളും പിണക്കങ്ങളും മൂലം വിഷമിക്കുന്ന ആളുകള്‍ പതിവായി ആല്‍മരത്തിനടിയില്‍ നെയ്യ് വിളക്ക് കത്തിച്ച് വിഷ്ണുവിനെ ധ്യാനിക്കുക. ഈ പ്രതിവിധി തര്‍ക്കങ്ങള്‍ക്ക് അറുതി വരുത്തും.

രോഗശമനത്തിന്

വീട്ടില്‍ ആര്‍ക്കെങ്കിലും വളരെക്കാലമായി അസുഖം ഉണ്ടെങ്കില്‍, വട സാവിത്രി ദിനത്തില്‍ രാത്രിയില്‍, രോഗം മാറാന്‍ തലയിണയ്ക്കടിയില്‍ ഒരു ആല്‍മരത്തിന്റെ വേര് വയ്ക്കുക. ഇതു ചെയ്യുന്നതിലൂടെ വ്യക്തിയുടെ ആരോഗ്യത്തിന് ക്രമേണ ഗുണം ചെയ്യുന്നത് കാണാനാകും.

ശനി ജയന്തി 2022

ജ്യേഷ്ഠമാസത്തിലെ അമാവാസിയിലാണ് ശനി ജയന്തി. ഈ ദിവസമാണ് ശനിദേവന്‍ ജനിച്ചതെന്നാണ് വിശ്വാസം. അതുകൊണ്ടാണ് ഈ ദിവസം ശനി ജയന്തി ആഘോഷിക്കുന്നത്. ഭക്തര്‍ ഈ ദിവസം വ്രതമനുഷ്ഠിക്കുകയും ശനിദേവനെ ആരാധിക്കുകയും ചെയ്യുന്നു. യഥാര്‍ത്ഥത്തില്‍, ശനിദേവന്റെ അനുഗ്രഹം ലഭിക്കുന്നതിന് ശനി ജയന്തി ദിനം വളരെ സവിശേഷമായി കണക്കാക്കപ്പെടുന്നു. ഈ ദിവസം ശനിദേവനെ ചിട്ടയോടെ പൂജിച്ചാല്‍ ശനിദോഷം മാറുമെന്നാണ് പറയപ്പെടുന്നത്. ഈ വര്‍ഷത്തെ ശനി ജയന്തി മെയ് 30 തിങ്കളാഴ്ചയാണ്. ഈ ദിവസം തന്നെയാണ് വടസാവിത്രി വ്രതവും വരുന്നത്.

30 വര്‍ഷത്തിനു ശേഷം ശുഭയോഗം

ഇത്തവണത്തെ ശനി ജയന്തി വളരെ വിശേഷപ്പെട്ടതാണ്. പഞ്ചാംഗമനുസരിച്ച്, ഇത്തവണ ശനി ജയന്തി ദിനത്തില്‍ സോമവതി അമാവാസിയുടെ പ്രത്യേകതയുമുണ്ട്. ഇതുകൂടാതെ വടസാവിത്രി വ്രതവും ഈ ദിവസം ആചരിക്കും. ഏകദേശം 30 വര്‍ഷങ്ങള്‍ക്ക് ശേഷമാണ് ഇത്തരമൊരു യാദൃശ്ചികത സംഭവിക്കുന്നത്. ശനി ദേവന്‍ കുംഭ രാശിയില്‍ ആയിരിക്കുമ്പോള്‍. സര്‍വാര്‍ത്ത സിദ്ധി യോഗയും ഈ ദിനത്തില്‍ രൂപപ്പെടുന്നു.