Click it and Unblock the Notifications
Just In
-
-
-
-
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ? -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ജ്യോതിഷത്തിലെ ഏറ്റവും അപകടദോഷം പിതൃദോഷം; ഈ പരിഹാരം പ്രതിവിധി
ജ്യോതിഷത്തിലെ ഏറ്റവും വലുതും അപകടകരവുമായ ദോഷങ്ങളിലൊന്നാണ് പിതൃദോഷം. പിതൃദോഷം മൂലം ഒരു വ്യക്തിയുടെ ജീവിതത്തില്‍ വലിയ പ്രശ്‌നങ്ങള്‍ വരാന്‍ തുടങ്ങുന്നു. ജീവിതത്തില്‍ വലിയ ഉയര്‍ച്ച താഴ്ചകളുണ്ടാകുന്നു. ജാതകത്തില്‍ ഈ ദോഷം ഉള്ള ഒരാള്‍ക്ക് പല തരത്തിലുള്ള മാനസിക പിരിമുറുക്കങ്ങള്‍ നേരിടേണ്ടി വരും. അവര്‍ക്ക് ഒരു ജോലിയിലും വിജയം നേടാനാകില്ല. പിതൃദോഷം കാരണം, ഒരു വ്യക്തിയുടെ ജീവിത പുരോഗതിക്ക് തടസ്സങ്ങളുണ്ടാകുന്നു.
ദാമ്പത്യ ജീവിതത്തില്‍ പിരിമുറുക്കം വരാന്‍ തുടങ്ങുന്നു. പിതൃദോഷം മൂലം പലപ്പോഴും ഭാര്യാഭര്‍ത്താക്കന്മാര്‍ക്കിടയില്‍ അകല്‍ച്ച നേരിടേണ്ടിവരുന്നു. എന്നാല്‍ പരിഹരിക്കാന്‍ കഴിയാത്ത ഒരു പ്രശ്‌നവുമില്ല. ജ്യോതിഷത്തില്‍ പിതൃദോഷത്തെ സംബന്ധിച്ച് ചില പരിഹാരങ്ങള്‍ പറഞ്ഞിട്ടുണ്ട്. എന്തൊക്കെയാണ് പിതൃദോഷം നീക്കാനുള്ള ജ്യോതിഷ പരിഹാരങ്ങള്‍ എന്ന് നമുക്ക് നോക്കാം.
കുട്ടികളുമായി ബന്ധപ്പെട്ട പ്രശ്‌നങ്ങള്‍
പിതൃദോഷത്താല്‍ കഷ്ടപ്പെടുന്നവര്‍ക്ക് അവരുടെ കുട്ടികളുമായി ബന്ധപ്പെട്ട നിരവധി പ്രശ്‌നങ്ങള്‍ നേരിടേണ്ടിവരുന്നു. ഇതുകൂടാതെ അവരുടെ കുട്ടികള്‍ ശാരീരികമോ മാനസികമോ ആയ വൈകല്യങ്ങളും അനുഭവിച്ചേക്കാം. ഒരു കുട്ടി ജനിച്ച് ആദ്യ ദിവസം മുതല്‍ തന്നെ പലതരം രോഗങ്ങളാല്‍ വലയുന്നതായി ചിലപ്പോള്‍ നിങ്ങള്‍ കണ്ടിരിക്കാം. ഇതിനു കാരണം പിതൃദോഷമാണ്.
വൈവാഹിക ബന്ധത്തില്‍ പൊരുത്തക്കേടുകള്‍
വീട്ടില്‍ പ്രതികൂലമായ അന്തരീക്ഷം. വളരെ ചെറിയ കാര്യങ്ങളില്‍ ഭാര്യാഭര്‍ത്താക്കന്മാര്‍ തമ്മില്‍ പ്രശ്‌നങ്ങളുണ്ടാകാം. പിതൃദോഷം ബാധിച്ച ആളുകള്‍ക്ക് അവരുടെ വിവാഹവുമായി ബന്ധപ്പെട്ട് പ്രശ്‌നങ്ങള്‍ നേരിടേണ്ടിവരും. ചിലര്‍ക്ക് എത്ര ശ്രമിച്ചിട്ടും പിതൃദോഷം കാരണം കൃത്യസമയത്ത് വിവാഹം കഴിക്കാന്‍ സാധിക്കാതെ വരാം.
സാമ്പത്തിക ബുദ്ധിമുട്ട്
പിതൃദോഷം ബാധിച്ചവരുടെ കുടുംബം എല്ലായ്‌പ്പോഴും രോഗങ്ങളാല്‍ വലയം ചെയ്യപ്പെടുന്നു. അതിനാല്‍ ആ കുടുംബത്തിന് ശാരീരികവും സാമ്പത്തികവുമായ പ്രശ്‌നങ്ങള്‍ നേരിടേണ്ടിവരുന്നു. കുടുംബത്തിന്റെ സാമ്പത്തിക അവസ്ഥയില്‍ പുരോഗതിയില്ലാതിരിക്കുകയും എല്ലായ്‌പ്പോഴും ക്ഷാമത്താല്‍ ചുറ്റപ്പെട്ടിരിക്കുകയും ചെയ്യുന്നു. ഇത് പിതൃദോഷത്തിന്റെ ഫലവുമാണ്. അത്തരം സാഹചര്യങ്ങളില്‍, ഒരു വ്യക്തിക്ക് താന്‍ ചെയ്യുന്ന ഏതെങ്കിലും തരത്തിലുള്ള പ്രവൃത്തിയിലും ജോലിയിലും വിജയം നേടാനാവില്ല.
പാമ്പിനെ സ്വപ്‌നം കാണല്‍
പിതൃദോഷം ബാധിച്ചവര്‍ അവരുടെ, കുടുംബത്തിലെ ഏതെങ്കിലും അംഗം സ്വപ്നത്തില്‍ ഒരു പാമ്പിനെ കണ്ടേക്കാം. അല്ലെങ്കില്‍ ഭക്ഷണമോ വസ്ത്രമോ ആവശ്യപ്പെടുന്ന തന്റെ പൂര്‍വ്വികനെ കണ്ടേക്കാം.
ശത്രുക്കളുടെ ബുദ്ധിമുട്ട്
* ജീവിതത്തില്‍ അനാവശ്യ വിഷമങ്ങള്‍.
* നിങ്ങളുടെ ശത്രുക്കള്‍ പ്രശ്‌നം സൃഷ്ടിക്കും.
* നിയമപരമായ കേസുകള്‍, തര്‍ക്കങ്ങള്‍ എന്നിവ നിങ്ങളെ വലയം ചെയ്യും.
* പലരും നിങ്ങളെ തെറ്റിദ്ധരിപ്പിക്കുകയും നിങ്ങളുടെ ജോലിയില്‍ പ്രശ്‌നങ്ങള്‍ നേരിടുകയും ചെയ്യാം.
* കടക്കെണി, കടങ്ങളില്‍ നിന്ന് മോചനമില്ലാതെ വരിക.
പിതൃദോഷത്തിനു പരിഹാരങ്ങള്‍
* ബലിതര്‍പ്പണം നടത്തുക
* നിങ്ങളുടെ പൂര്‍വ്വികന്‍ മരിച്ച അതേ ദിവസം തന്നെ നിങ്ങള്‍ എല്ലാ വര്‍ഷവും ശ്രാദ്ധം നടത്തണം.
* ഒരു ആല്‍മരത്തിന് വെള്ളം അര്‍പ്പിക്കുന്നത് പൂര്‍വ്വികര്‍ക്ക് വഴിപാടുകള്‍ അര്‍പ്പിക്കുന്നതിനുള്ള ഒരു മാര്‍ഗമാണ്.
* ബ്രാഹ്മണര്‍ക്ക് ഭക്ഷണം വാഗ്ദാനം ചെയ്യുന്നത് പിതൃദോഷം അകറ്റാനുള്ള പരിഹാരമാണ്. ഓരോ അമാവാസി ദിവസത്തിലും പിതൃദോഷമുള്ളവര്‍ ബ്രാഹ്മണര്‍ക്ക് ഭക്ഷണം നല്‍കുക.
പിതൃദോഷത്തിനു പരിഹാരങ്ങള്‍
* ദരിദ്രര്‍ക്ക് ഭക്ഷണവും വസ്ത്രവും ദാനം ചെയ്യുന്നതിലൂടെ പിതൃദോഷത്തിന് പരിഹാരം കാണാവുന്നതാണ്. പൗര്‍ണ്ണമി ദിനത്തിലും അമാവാസി ദിനത്തിലും ക്ഷേത്രത്തിലും മറ്റ് ആത്മീയ സ്ഥലങ്ങളിലും ഭക്ഷ്യവസ്തുക്കള്‍ ദാനം ചെയ്യുക.
* പിതൃദോഷ നിവാരണ മന്ത്രം ചൊല്ലുന്നതിലൂടെ പിതൃദോഷത്തിന്റെ ഫലങ്ങള്‍ ലഘൂകരിക്കാന്‍ കഴിയും.
പിതൃദോഷത്തിനു പരിഹാരങ്ങള്‍
* പിതൃദോഷ നിവാരണ പൂജ നടത്തുന്നത് നിങ്ങള്‍ക്ക് ഗുണം ചെയ്യും. ഒരു ജ്യോത്സ്യന്റെ മാര്‍ഗനിര്‍ദേശപ്രകാരം പിതൃദോഷ നിവാരണ പൂജ നടത്തുക. ക്ഷുദ്ര ഗ്രഹങ്ങളുടെ സ്ഥാനം അനുസരിച്ചാണ് ഈ പൂജ നടത്തേണ്ടത്.
* മൃഗങ്ങള്‍ക്ക് ഭക്ഷണം നല്‍കുന്നത് ഒരു പരിഹാര മാര്‍ഗ്ഗമാണ്. ഒരാള്‍ പശുക്കള്‍, കാക്കകള്‍, നായ്ക്കള്‍ അല്ലെങ്കില്‍ മറ്റ് തെരുവ് മൃഗങ്ങള്‍ എന്നിവയ്ക്ക് അമാവാസി ദിനത്തിലോ അല്ലെങ്കില്‍ ശ്രാദ്ധസമയത്തോ ഭക്ഷണം നല്‍കണം.
