വിദേശത്തു നല്ല ജോലിയ്ക്ക് ജ്യോതിഷ വഴികള്‍

ദുര്‍ഗാ സപ്തസതി

ദുര്‍ഗാ സപ്തസതി വായിക്കുന്നത് വിദേശത്തു ജോലി ഭാഗ്യം ലഭിയ്ക്കുവാന്‍ നല്ലതാണെന്നു ജ്യോതിഷം പറയുന്നു. പ്രത്യേകിച്ചും ഇതിന്റെ ആദ്യത്തേയും പതിനൊന്നാമത്തേയും അധ്യായം. ഇത് ഉച്ചരച്ചില്‍ രാഹുദോഷം നീങ്ങുമെന്നാണ് വിശ്വാസം. ദിവസവും രാത്രിയില്‍ 1800 തവണ ഇതു വായിക്കുന്നത് ഗുണം നല്‍കും.

രാഹു സ്‌ത്രോത്രം

വിദേശ ജോലിയ്ക്ക് ജ്യോതിഷം വിവരിയ്ക്കുന്ന മറ്റൊന്നാണ് രാഹു സ്‌ത്രോത്രം ജപിയ്ക്കുക എന്നത്. ഇത് ദിവസവും 108 ഉരു അടുപ്പിച്ച് അല്‍പകാലം ജപിയ്ക്കുന്നത് ഗുണം നല്‍കും. രാഹു ദോഷം നീക്കേണ്ടതും രാഹു പ്രസാദം ലഭിയ്‌ക്കേണ്ടതും വിദേശ ജോലിയ്ക്ക് അത്യാവശ്യമാണ്.

രുദ്രാക്ഷം

രുദ്രാക്ഷം ധരിയ്ക്കുന്നതു പലരും ആത്മീയമായ കാര്യങ്ങളുമായി ബന്ധപ്പെടുത്തിയാണ്. ഇതു ഫാഷനായി ധരിയ്ക്കുന്നവരും വിരളമായെങ്കിലും ഉണ്ട്. എന്നാല്‍ ഉദ്ദേശ കാര്യ സിദ്ധിയ്ക്കായി രുദ്രാക്ഷം ധരിയ്ക്കുന്നതു നല്ലതാണ്. പ്രത്യേകിച്ചും ചില പ്രത്യേക മുഖങ്ങളോടു കൂടിയ രുദ്രാക്ഷം. എട്ടു മുഖങ്ങളോടു കൂടിയ രുദ്രാക്ഷം ധരിയ്ക്കുന്നത് രാഹു ദോഷത്തിന് ഉത്തമമാണ്. ഇത് ധരിയ്ക്കുന്നത് വിദേശത്തെ ജോലി ഭാഗ്യം മാത്രമല്ല, ഐശ്വര്യത്തിനും അഭിവൃദ്ധിയ്ക്കും സന്തോഷത്തിനും ഐക്യത്തിനുമെല്ലാം സഹായിക്കും. വിദേശത്തു വരുന്ന, വരാന്‍ സാധ്യതയുള്ള പ്രശ്‌നങ്ങള്‍ നീക്കാനും എട്ടു മുഖമുള്ള രുദ്രാക്ഷം നല്ലതാണ്. ഇത് രാഹു ദോഷം തീര്‍ക്കുകയാണ് ചെയ്യുന്നത്.

ഗോമേദകം

ദോഷങ്ങള്‍ നീക്കാന്‍ ഭാഗ്യ രക്തം ധരിയ്ക്കുന്നവരുമുണ്ട് ഗോമേദകം ഇത്തരത്തില്‍ ധരിയക്കാവുന്ന ഒന്നാണ്. രാഹു ദോഷം നീക്കി വിദേശ ജോലി ഭാഗ്യം നല്‍കുന്ന ഒന്നാണ് ഇത്. എന്നാല്‍ ഇതു ധരിയ്ക്കുന്നതിനു മുന്‍പ് ജ്യോത്സനെ കണ്ട് ഇത് എത്ര വലിപ്പത്തിലുള്ളതാണ് ധരിക്കേണ്ടതെന്നു കണ്ടു പിടിയ്ക്കുക. ഇത് ജാതക പ്രകാരമാണ് കണക്കാക്കുക.

ശനിയാഴ്ച വ്രതം

ശനിയാഴ്ച വ്രതം നോല്‍ക്കുന്നത് രാഹു പ്രസാദത്തിന്, ദോഷം തീര്‍ക്കാന്‍ നല്ലതാണ്. കൃത്യമായി ഈ വ്രതം അല്‍പകാലം അടുപ്പിച്ച് എടുക്കുന്നത് വിദേശ ജോലിയ്ക്കു സഹായിക്കുമെന്ന് ജ്യോതിഷം പറയുന്നു.

മറ്റുള്ളവരെ സഹായിക്കുക

രാഹു ദോഷം തീര്‍ക്കാന്‍ ഉത്തമമായ വഴിയാണ് മറ്റുള്ളവരെ സഹായിക്കുകയെന്നത്. പ്രത്യേകിച്ചും പാവങ്ങളെ. രാഹു പ്രസാദം നേടാനുള്ള നല്ലൊരു വഴിയാണിത്.

കാലഭൈരവ അഷ്ടക സ്‌തോത്രം

രാഹു ദോഷം നീക്കി വിദേശ ഭാഗ്യം നല്‍കാനുള്ള പ്രധാനപ്പെട്ട ഒരു വഴിയാണ് കാലഭൈരവ അഷ്ടക സ്‌തോത്രം. ഇതു ചൊല്ലുന്നത് രാഹു ദോഷം തീര്‍ക്കാനും പൊസറ്റീവ് ഊര്‍ജം ലഭിയ്ക്കാനും സഹായിക്കുന്നു. ഇതു പരീക്ഷിയ്ക്കാം.