ഗണേശ ആരാധനയോടെ ശുഭാരംഭം; 2023ലെ അവസാന സങ്കഷ്ടി ചതുര്‍ത്ഥി വ്രതം

ഹിന്ദു കലണ്ടര്‍ അനുസരിച്ച്, പൗഷ മാസത്തിലെ കൃഷ്ണ പക്ഷത്തിലെ ചതുര്‍ഥിയിലാണ് അഖുരാത് സങ്കഷ്ടി ചതുര്‍ത്ഥി വ്രതം ആചരിക്കുന്നത്. ഈ ദിവസം ജ്ഞാനത്തിന്റെയും അറിവിന്റെയും സമ്പത്തിന്റെയും ദേവനായ ഗണപതിയെ ആചാരങ്ങളോടെ ആരാധിക്കുന്നു. ഈ ദിവസം ഭക്തര്‍ വ്രതവും ആചരിക്കുന്നു. കൂടാതെ രാത്രിയില്‍ ചന്ദ്രദേവനെ ആരാധിക്കുകയും ജലം സമര്‍പ്പിക്കുകയും ചെയ്യുന്നു.

ചതുര്‍ത്ഥി തിഥിയില്‍ വ്രതം അനുഷ്ഠിക്കുന്നതിലൂടെയും ഗണപതിയെ ആരാധിക്കുന്നതിലൂടെയും ഭക്തരുടെ എല്ലാവിധ വിഷമതകളും മാറുമെന്നാണ് വിശ്വാസം. ഗണേശ പുരാണം അനുസരിച്ച് സങ്കഷ്ടി ചതുര്‍ത്ഥി ദിനത്തില്‍ വ്രതം ആചരിക്കുന്നത് ഭാഗ്യലബ്ദിക്കും സന്താനലബ്ദുക്കും കാരണമാകും. 2023 വര്‍ഷത്തിലെ അവസാന സങ്കഷ്ടി ചതുര്‍ത്ഥിയുടെ ശുഭമുഹൂര്‍ത്തവും പൂജാവിധിയും അറിയാനായി ലേഖനം വായിക്കൂ.

സങ്കഷ്ടി ചതുര്‍ത്ഥി ഡിസംബര്‍ 2023

ഹിന്ദു കലണ്ടര്‍ അനുസരിച്ച് പൗഷ മാസത്തിലെ കൃഷ്ണ പക്ഷത്തിലെ ചതുര്‍ത്ഥിയിലാണ് അഖുരാത് സങ്കഷ്ടി ചതുര്‍ത്ഥി ആഘോഷിക്കുന്നത്. ഈ വര്‍ഷം ഡിസംബര്‍ 30ന് ഇത് ആഘോഷിക്കും. ചതുര്‍ത്ഥി തിഥി രാവിലെ 9:43 മുതല്‍ ആരംഭിച്ച് അടുത്ത ദിവസം ഡിസംബര്‍ 31 ന് 11:55ന് അവസാനിക്കും. അതുപ്രകാരം ഡിസംബര്‍ 30 ന് അഖുരാത് സങ്കഷ്ടി ചതുര്‍ത്ഥി ആഘോഷിക്കും.

സങ്കഷ്ടി ചതുര്‍ത്ഥി പൂജാരീതി

സങ്കഷ്ടി ചതുര്‍ത്ഥി നാളില്‍ ബ്രാഹ്‌മ മുഹൂര്‍ത്തത്തില്‍ ഉണര്‍ന്ന് കുളിക്കുക. അതിനുശേഷം, ഗണപതിയെ വണങ്ങി ഗംഗാജലം തളിച്ച് വീട് മുഴുവന്‍ ശുദ്ധീകരിക്കുക. കുളിച്ചതിന് ശേഷം മഞ്ഞയോ ചുവപ്പോ വസ്ത്രം ധരിക്കണം. അതിനുശേഷം, നിങ്ങളുടെ പൂജാമുറിയില്‍ മഞ്ഞയോ ചുവപ്പോ നിറത്തിലുള്ള ഒരു തുണി വിരിച്ച് ഗണപതിയെ പ്രതിഷ്ഠിക്കുക. ഗണപതിയെ പ്രതിഷ്ഠിച്ച ആചാരപ്രകാരം ഗണപതിയെ ആരാധിക്കുക. വിളക്ക് കത്തിച്ച് ഗണേശ ചാലിസ ചൊല്ലുകയും ഗണപതിയുടെ ആരതിയോടെ നിങ്ങളുടെ ആരാധന അവസാനിപ്പിക്കുകയും ചെയ്യുക. പൂജയ്ക്ക് ശേഷം ഗണപതിക്ക് മോദകവും കറുകപ്പുല്ലും സമര്‍പ്പിക്കുക. അതിനുശേഷം നിങ്ങളുടെ ആഗ്രഹങ്ങള്‍ പറയുക. വൈകുന്നേരം ഗണപതിയെ പൂജിച്ച ശേഷം ചന്ദ്രനെ നോക്കണം. ഇതിനുശേഷം, പഴങ്ങള്‍ കഴിച്ച് വ്രതം മുറിക്കുക. ചതുര്‍ത്ഥി അടുത്ത ദിവസം വരെയാണ്, അതിനാല്‍ അടുത്ത ദിവസം വരെ വ്രതം തുടരുക.

സങ്കഷ്ടി ചതുര്‍ത്ഥിയുടെ പ്രാധാന്യം

ഗണേശനെ ആരാധിക്കുന്നതിന് ഉത്തമ ദിനമാണ് സങ്കഷ്ടി ചതുര്‍ത്ഥി ദിനം. ജാതകത്തില്‍ ചന്ദ്രന്റെയും ബുധന്റെയും സ്ഥാനം ബലഹീനമോ അല്ലെങ്കില്‍ അശുഭകരമായ ഫലങ്ങള്‍ നല്‍കുന്നതോ ആയ ആളുകള്‍ ഈ ദിവസം വ്രതം അനുഷ്ഠിക്കണം. ജ്യോതിഷത്തില്‍, ചന്ദ്രനെ മനസ്സിന്റെയും അമ്മയുടെയും ഘടകമായി കണക്കാക്കുന്നു. ബുധന്‍ സംസാരം, ബിസിനസ്സ്, ത്വക്ക്, ഗണിതം, നര്‍മ്മബോധം മുതലായവയുടെ ഘടകമാണെന്ന് പറയപ്പെടുന്നു. ഈ വ്രതാനുഷ്ഠാനത്തിന്റെ മഹത്വം മൂലം ഒരു വ്യക്തിയുടെ എല്ലാ ആഗ്രഹങ്ങളും പൂര്‍ത്തീകരിക്കപ്പെടുന്നു.

സങ്കഷ്ടി ചതുര്‍ത്ഥി പരിഹാരങ്ങള്‍

ഏതെങ്കിലും ജോലിയില്‍ തടസ്സം നേരിടുന്നുണ്ടെങ്കില്‍ സങ്കഷ്ടി ചതുര്‍ത്ഥി നാളില്‍ ഗണപതിയെ ആരാധിക്കുക. ഈ വേളയില്‍ വെറ്റില അലങ്കരിച്ച് അതില്‍ വെള്ളി സത്ത് പുരട്ടി ഗണപതിക്ക് സമര്‍പ്പിക്കുക. ഈ പ്രതിവിധി ചെയ്യുന്നതിലൂടെ ജോലിയിലെ തടസ്സങ്ങള്‍ നീങ്ങുമെന്ന് വിശ്വസിക്കപ്പെടുന്നു.

ജീവിത പ്രതിസന്ധി നീങ്ങാന്‍

ജ്യോതിഷ പ്രകാരം സങ്കഷ്ടി ചതുര്‍ത്ഥി നാളില്‍ കഴിയുമെങ്കില്‍ ആനയ്ക്ക് തീറ്റ കൊടുക്കുക. ഇത് ചെയ്യുന്നതിലൂടെ നിങ്ങളുടെ ജീവിതത്തിലെ എല്ലാ പ്രതിസന്ധികളില്‍ നിന്നും മോചനം ലഭിക്കുമെന്നാണ് വിശ്വാസം.

ബിസിനസ് വിജയത്തിന്

ബിസിനസ്സില്‍ വിജയം കൈവരിക്കാനായി സങ്കഷ്ടി ചതുര്‍ത്ഥി ദിനത്തില്‍ ഗണപതിക്ക് 21 കറുക കെട്ടുകളോടൊപ്പം ശര്‍ക്കര ലഡ്ഡു സമര്‍പ്പിക്കുക. ഈ പ്രതിവിധി പിന്തുടരുന്നതിലൂടെ ഉടന്‍ തന്നെ നിങ്ങളുടെ ബിസിനസ്സില്‍ വിജയം കൈവരിക്കുമെന്ന് വിശ്വസിക്കപ്പെടുന്നു.

സാമ്പത്തിക പ്രശ്‌നം നീങ്ങാന്‍

നിങ്ങള്‍ ജീവിതത്തില്‍ സാമ്പത്തിക പ്രതിസന്ധി നേരിടുന്നുണ്ടെങ്കില്‍ സങ്കഷ്ടി ചതുര്‍ത്ഥി നാളില്‍ ഗണപതിക്ക് ശര്‍ക്കരയും നെയ്യും നിവേദ്യമായി സമര്‍പ്പിക്കുക. ഇതിനുശേഷം ഗണേശ അര്‍ഥവശീര്‍ഷം ചിട്ടയായി ചൊല്ലുക. പൂജ കഴിഞ്ഞാല്‍ ഒരു പശുവിന് ശര്‍ക്കരയും നെയ്യും തീറ്റയായി നല്‍കുക. പാവപ്പെട്ടവര്‍ക്ക് ദാനം ചെയ്യുക. ഈ പ്രതിവിധി പിന്തുടരുന്നതിലൂടെ സാമ്പത്തിക പ്രതിസന്ധികള്‍ നീങ്ങുകയും നിങ്ങള്‍ സാമ്പത്തിക നേട്ടം കൈവരിക്കുകയും ചെയ്യുന്നു.