നവരാത്രിയില്‍ 9 അപൂര്‍വ്വ ശുഭയോഗങ്ങള്‍, ഈ 3 രാശിക്ക് ദുര്‍ഗ്ഗാദേവീ കടാക്ഷം, ദുരിതമോചനം

ജ്യോതിഷമനുസരിച്ച്, ഒരു വ്യക്തിയുടെ ജീവിതത്തിലെ നല്ലതും ചീത്തയുമായ സമയം ഗ്രഹങ്ങളുടെയും നക്ഷത്രങ്ങളുടെയും ചലനത്തെ ആശ്രയിച്ചിരിക്കുന്നു. ഗ്രഹങ്ങളും രാശികളും കാലാകാലങ്ങളില്‍ അവയുടെ ചലനങ്ങള്‍ മാറ്റിക്കൊണ്ടിരിക്കുന്നു. അതുവഴി പല തരത്തിലുള്ള ശുഭ, അശുഭകരമായ യോഗങ്ങള്‍ രൂപപ്പെടുന്നു. ശാരദിയ നവരാത്രിയുടെ കാലമാണ് ഇപ്പോള്‍. ഈ നവരാത്രിയില്‍ വര്‍ഷങ്ങള്‍ക്ക് ശേഷം 9 അപൂര്‍വ യോഗങ്ങളാണ് രൂപപ്പെടുന്നത്. നവരാത്രി കാലത്ത് രൂപപ്പെടുന്ന അപൂര്‍വ സംയോജനം മൂലം ചില രാശിക്കാര്‍ക്ക് പെട്ടെന്ന് സാമ്പത്തിക നേട്ടങ്ങളും പുരോഗതിക്കുള്ള അവസരങ്ങളും ലഭിക്കും. ഏതൊക്കെയാണ് ആ ഭാഗ്യ രാശിക്കാര്‍ എന്ന് നമുക്ക് നോക്കാം.

നവരാത്രിയിലെ 9 ശുഭയോഗങ്ങള്‍

ഒക്ടോബര്‍ 16: ചിത്തിര, ചോതി നക്ഷത്ര സംയോജനം
ഒക്ടോബര്‍ 17: പ്രീതി, ആയുഷ്മാന്‍, ശ്രീവത്സ യോഗം
ഒക്ടോബര്‍ 18: സര്‍വാര്‍ത്ത സിദ്ധി, അമൃത സിദ്ധി യോഗം
ഒക്ടോബര്‍ 19: തൃക്കേട്ട നക്ഷത്രവും പൂര്‍ണ തിഥിയും
ഒക്ടോബര്‍ 20: രവിയോഗം, ഷഷ്ടി തിഥി, മൂലം നക്ഷത്രം എന്നിവയുടെ സംയോജനം
ഒക്ടോബര്‍ 21: ത്രിപുഷ്‌കരയോഗം
ഒക്ടോബര്‍ 22: അമൃത സിദ്ധി യോഗം
ഒക്ടോബര്‍ 23: സര്‍വാര്‍ത്തസിദ്ധി, രവിയോഗം

മേടം

ശാരദിയ നവരാത്രിയില്‍ വര്‍ഷങ്ങള്‍ക്ക് ശേഷം രൂപപ്പെടുന്ന ഇത്തരത്തിലുള്ള യോഗങ്ങള്‍ മേടരാശിക്കാര്‍ക്ക് കൂടുതല്‍ നേട്ടങ്ങള്‍ നല്‍കും. വരാനിരിക്കുന്ന സമയം നിങ്ങള്‍ക്ക് വളരെ അനുകൂലമാണെന്ന് തെളിയും. എല്ലാവരുടെയും പിന്തുണയും സ്‌നേഹവും നിങ്ങളുടെ കൂടെയുണ്ടാകും. ആളുകള്‍ നിങ്ങളിലേക്ക് ആകര്‍ഷിക്കപ്പെടും. സാമ്പത്തിക നേട്ടത്തിന് നല്ല അവസരങ്ങള്‍ ഉണ്ടാകും. ജീവനക്കാര്‍ക്ക് ശമ്പള വര്‍ദ്ധനവ് അല്ലെങ്കില്‍ പുതിയ ജോലി വാഗ്ദാനങ്ങള്‍ വന്നേക്കാം. ദാമ്പത്യ ജീവിതം സന്തോഷകരവും സമാധാനപൂര്‍ണവുമായിരിക്കും.

മകരം

നവരാത്രിയിലെ ഈ 9 അപൂര്‍വ യോഗങ്ങള്‍ മകരം രാശിക്കാര്‍ക്ക് എല്ലാ ജോലികളിലും നേട്ടങ്ങള്‍ നല്‍കും. ഭാഗ്യത്തിന്റെ നല്ല പിന്തുണയോടെ എല്ലാ ജോലികളും പൂര്‍ത്തിയാകും. പെട്ടെന്നുള്ള സാമ്പത്തിക നേട്ടത്തിനും സാധ്യതയുണ്ട്. ഈ ദിവസങ്ങളില്‍ നിങ്ങള്‍ ബിസിനസ്സിലും കരിയറിലും പുതിയ ഉയരങ്ങള്‍ കൈവരിക്കും. ഈ സമയത്ത്, നിങ്ങള്‍ക്ക് ചില പ്രധാന ഉത്തരവാദിത്തങ്ങളും ലഭിച്ചേക്കാം, അതെല്ലാം നിങ്ങള്‍ നന്നായി പൂര്‍ത്തിയാക്കും. നിങ്ങളുടെ സാമ്പത്തിക സ്ഥിതി മെച്ചപ്പെടും. കുടുംബാംഗങ്ങളില്‍ നിന്നും നിങ്ങള്‍ക്ക് പിന്തുണ ലഭിക്കും.

ധനു

ധനു രാശിക്കാര്‍ക്ക് വരാനിരിക്കുന്ന സമയം വളരെ അനുകൂലമായിരിക്കും. എല്ലാ ജോലികളിലും നിങ്ങള്‍ മികച്ച വിജയം കൈവരിക്കും. ഭാഗ്യത്തിന്റെ നല്ല പിന്തുണയോടെ ഏറ്റവും ബുദ്ധിമുട്ടുള്ള ജോലികള്‍ പോലും എളുപ്പത്തില്‍ പൂര്‍ത്തിയാക്കാന്‍ നിങ്ങള്‍ക്ക് കഴിയും. ബിസിനസ്സില്‍ നല്ല ലാഭത്തിന് അവസരമുണ്ട്, പുതിയ അവസരങ്ങള്‍ ജോലിക്കാരെ കാത്തിരിക്കുന്നു. സമൂഹത്തില്‍ നിങ്ങള്‍ക്ക് ബഹുമാനം ലഭിക്കും.

നവരാത്രി 2023

ഹിന്ദു കലണ്ടര്‍ അനുസരിച്ച് ഒരു വര്‍ഷത്തില്‍ നാല് തവണ നവരാത്രി ഉത്സവങ്ങള്‍ നടക്കുന്നു. അതില്‍ ശാരദിയ നവരാത്രിക്കും ചൈത്ര നവരാത്രിക്കും പ്രത്യേക പ്രാധാന്യമുണ്ട്. നവരാത്രി ദിനത്തില്‍ പ്രതിപാദ തിഥി മുതല്‍ നവമി തിഥി വരെയുള്ള ദിവസങ്ങളില്‍ ആചാരങ്ങളോടെ കലശം സ്ഥാപിച്ച് ദുര്‍ഗ്ഗാദേവിയെ ആരാധിക്കുന്നു. ഈ വര്‍ഷം ആനപ്പുറത്ത് കയറിയാണ് ദുര്‍ഗ്ഗാദേവി ഭൂമിയിലെത്തുന്നത്. ഈ വര്‍ഷത്തെ ശാരദിയ നവരാത്രിയുടെ ശുഭമുഹൂര്‍ത്തവും ആരാധനാരീതിയും അറിയാന്‍ ലേഖനം വായിക്കൂ.

ശാരദിയ നവരാത്രി ദിനങ്ങള്‍

ഹിന്ദു കലണ്ടര്‍ അനുസരിച്ച്, ഈ വര്‍ഷം അശ്വിന്‍ മാസത്തിലെ ശുക്ല പക്ഷത്തിന്റെ പ്രതിപദ തീയതി ഒക്ടോബര്‍ 14 ന് രാത്രി 11:24 മുതല്‍ ആരംഭിക്കുന്നു. അത് ഒക്ടോബര്‍ 16 ന് പുലര്‍ച്ചെ 01:13 വരെ തുടരും. ഈ രീതിയില്‍, ഉദയ തിഥിയുടെ അടിസ്ഥാനത്തില്‍, ശാരദിയ നവരാത്രി 2023 ഒക്ടോബര്‍ 15 മുതല്‍ ആരംഭിച്ച് ഒക്ടോബര്‍ 23-ന് സമാപിക്കും. 24-ന് ദശമി തിഥിയില്‍ വിജയദശമി ആഘോഷിക്കും. 23നാണ് മഹാനവമി വരുന്നത്.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.