ഈ ട്രിക്ക് മതി വസ്ത്രങ്ങളിൽ നിന്നും വിയർപ്പുനാറ്റം അകറ്റാം

അമിതമായി വിയർക്കുന്നത് ശരീര ദുർ​ഗന്ധം വർദ്ധിക്കുന്നതിന് പിന്നിലെ ഒരു പ്രധാന കാരണമാണ്. ചിലർ വളരെ പെട്ടെന്ന് വിയർക്കും. ചിലർക്ക് ഒട്ടും ചൂട് സഹിക്കാൻ പറ്റാത്തതിനാൽ നല്ലപോലെ വിയർക്കുന്നത് പതിവാണ്. ഇത്തരത്തിൽ വളരെ വേ​ഗത്തിൽ വിയർക്കുന്നത് വിയർപ്പുനാറ്റം വർദ്ധിക്കുന്നതിന് കാരണമാകുന്നു. കൂടാതെ, ഇവ വസ്ത്രങ്ങളിൽ പറ്റിപ്പിടിക്കുകയും, വസ്ത്രങ്ങളിലും വിയർപ്പുനാറ്റം ഉണ്ടാകുന്നു.

ഈ വിയർപ്പുനാറ്റം വരുന്നതിന് പിന്നിലെ കാരണങ്ങൾ എന്തെല്ലാം എന്നും, വസ്ത്രങ്ങളിൽ വിയർപ്പുനാറ്റം വന്നാൽ മാറ്റിയെടുക്കാൻ എന്തെല്ലാം കാര്യങ്ങൾ ചെയ്യാം എന്നും നോക്കാം.

വിയർപ്പുനാറ്റം ഉണ്ടാകുന്നതിനു പിന്നിൽ

ശരീരത്തിൽ വിയർപ്പ് അമിതമാകുമ്പോൾ ബാക്ടീരിയകൾ പെരുകുകയും ഇത് ശരീരദുർ​​ഗന്ധത്തിന് കാരണമാവുകയും ചെയ്യുന്നു. അതുപോലെ, നമ്മൾ കഴിക്കുന്ന ചില ആഹാരങ്ങളും ശരീരദുർ​ഗന്ധത്തിന് കാരണമാണ്. പ്രത്യേകിച്ച്, ഉള്ളി, വെളുത്തുള്ളി, മധുരപാനീയങ്ങൾ എന്നിവ കഴിച്ചാൽ ശരീരദുർ​ഗന്ധം വർദ്ധിക്കും. അതുപോലെ, ശരീരത്തിലുണ്ടാകുന്ന ഹോർമോൺ വ്യതിയാനങ്ങൾ, അമിതമായിട്ടുള്ള സ്ട്രെസ്സ്, ദഹന പ്രശ്നങ്ങൾ എന്നിവയും വിയർപ്പുനാറ്റത്തിന് കാരണമാണ്.
ദേഹത്ത് അമിതമായി രോമവളർച്ച ഉള്ളവരിൽ വിയർപ്പുനാറ്റം ഉണ്ടാകാനുള്ള സാധ്യത വളരെ കൂടുതലാണ്. അതുപോലെ ചില രോ​ഗാവസ്ഥകൾ ഉള്ളവരിലും അമിതമായി വിയർപ്പുനാറ്റം ഉണ്ടാകാം. ഈ വയർപ്പുനാറ്റം വസ്ത്രങ്ങളിൽ പറ്റിപ്പിടിക്കാനുള്ള സാധ്യതയും വളരെ കൂടുതലാണ്. വസ്ത്രങ്ങളിൽ നിന്നും വിയർപ്പുനാറ്റം അകറ്റാൻ എന്തെല്ലാം കാര്യങ്ങൾ ശ്രദ്ധിക്കാം എന്ന് നോക്കാം.

ബേക്കിം​ഗ് സോഡ

വസ്ത്രങ്ങളിലെ വിയർപ്പുനാറ്റം അകറ്റാൻ ബേക്കിം​ഗ് സോഡ ഉപയോ​ഗിക്കാവുന്നതാണ്. ഒരു ബക്കറ്റ് വെള്ളത്തിൽ ഒരു കപ്പ് ബേക്കിം​ഗ് സോഡ ചേർത്ത് നല്ലപോലെ മിക്സ് ചെയ്യുക. ഇതിലേയ്ക്ക് വിയർപ്പുനാറ്റമുള്ള വസ്ത്രങ്ങൾ മുക്കി വെയ്ക്കുക. ഏകദേശം 2 മണിക്കൂർ മുക്കി വെയ്ക്കണം. അതിനുശേഷം നല്ല വെള്ളത്തിൽ കഴുകി എടുക്കാവുന്നതാണ്. വസ്ത്രങ്ങളിൽ പറ്റിപ്പിടിച്ച വിയർപ്പുനാറ്റം അകറ്റുകയും, വസ്ത്രങ്ങളിൽ നിന്നും ബാക്ടീരിയ ഇല്ലാതാക്കാനും ഇത് സഹായിക്കും.

വിനാ​ഗിരി

ബേക്കിം​ഗ് സോഡ പോലെ വസ്ത്രത്തിലെ വിയർപ്പുനാറ്റം ഇല്ലാതാക്കാൻ വിനാ​ഗിരി ഉപയോ​ഗിക്കുന്നത് നല്ലതാണ്. ഇതിനായി ഒരു ബക്കറ്റ് വെള്ളത്തിൽ ഒരു കപ്പ് വിനാ​ഗിരി ചേർക്കുക. 1 മണിക്കൂർ മുക്കി വെച്ചതിന് ശേഷം വസ്ത്രങ്ങൾ കഴുകി എടുക്കാവുന്നതാണ്. ഇതുമല്ലെങ്കിൽ ഡിറ്റർജന്റിൽ വിനാ​ഗിരി ചേർത്ത് വസ്ത്രങ്ങൾ അലക്കി എടുക്കാവുന്നതാണ്. ഇതും വസ്ത്രങ്ങളിൽ നിന്നും വിയർപ്പുനാറ്റം അകറ്റാൻ സഹായിക്കും.

എൻസൈം

എൻസൈം ബേയ്സ്ഡ് ഡിറ്റർജന്റ് ഉപയോ​ഗിക്കാൻ ശ്രദ്ധിക്കുക. ഇത് വസ്ത്രങ്ങളിൽ നിന്നും വിയർപ്പു​ഗന്ധം ഇല്ലാതാക്കാൻ സഹായിക്കും. അതുപോലെ, വസ്ത്രങ്ങൾക്ക് പുതുമയും വെൺമയും നൽകും.

ശ്രദ്ധിക്കേണ്ട മറ്റുകാര്യങ്ങൾ

നല്ല ഇറുകിയ വസ്ത്രങ്ങൾ ധരിക്കാതിരിക്കുക. ഇത് വസ്ത്രങ്ങളിൽ വിയർപ്പ് പറ്റിപ്പിടിക്കുന്നതിന് കാരണമാകുന്നു. അതുപോലെ വേ​ഗത്തിൽ വിയർക്കാനും ഇത് വഴിയൊരുക്കും. നല്ല റിഫ്രഷിം​ഗ് ഫീൽ നൽകുന്ന ആഹാരം കഴിക്കുക. എന്നും പതിവായി കുളിക്കുക. കക്ഷത്തിലെ രോമം കളയുക. ഇല്ലെങ്കിൽ ഇതിൽ വിയർപ്പിരുന്ന് ദുർ​ഗന്ധം വരാൻ സാധ്യത കൂടുതലാണ്. അതുപോലെ, എന്നും പതിവായി കുളിക്കാൻ ശ്രദ്ധിക്കുക. ഇതും വിയർപ്പുനാറ്റം ഇല്ലാതാക്കാൻ സഹായിക്കും.

The image used in the story is AI-generated