ഉരുളക്കിഴങ്ങ് നല്ല പതം പോലെ വേവിച്ചെടുക്കണോ, സെക്കന്റുകള്‍ മതി

പ്രഷര്‍ കുക്കര്‍ രീതി

നമ്മളെല്ലാവരും ചെയ്യുന്ന ഒരു മാര്‍ഗ്ഗമാണ് പ്രഷര്‍കുക്കറില്‍ ഉരുളക്കിഴങ്ങ് വേവിച്ചചെടുക്കുക എന്നത്. ഇതാണ് ഏറ്റവും സൗകര്യപ്രദമായ മാര്‍ഗ്ഗം എന്നതില്‍ തര്‍ക്കം വേണ്ട. അതിന് വേണ്ടി കുക്കറില്‍ വെള്ളം നിറക്കണം. പക്ഷേ വെള്ളം നിറക്കുമ്പോള്‍ നാം ചില കാര്യങ്ങള്‍ ശ്രദ്ധിക്കണം. എത്ര ഉരുളക്കിഴങ്ങ് എടുക്കുന്നു എന്നതിന് അനുസരിച്ചല്ല വെള്ളം നിറക്കേണ്ടത് ഉരുളക്കിഴങ്ങ് മൂടാന്‍ പാകത്തിന് ആണ് വെള്ളം നിറക്കേണ്ടത്. ശേഷം കുക്കര്‍ അടച്ച് ഇത് മീഡിയം തീയ്യില്‍ വേവിച്ചെടുക്കണം. വളരെ ചുരുങ്ങിയ രണ്ടോ മൂന്നോ വിസിലുകള്‍ മാത്രം മതി ഉരുളക്കിഴങ്ങ് വെന്ത് വരാന്‍ എന്നതാണ് സത്യം. ശേഷം തീ ഓഫ് ചെയ്ത് മര്‍ദ്ദം മുഴുവന്‍ പുറത്തേക്ക് കളഞ്ഞതിന് ശേഷം ഉരുളക്കിഴങ്ങ് എടുത്ത് മാറ്റാവുന്നതാണ്. ഇത് ആവശ്യാനുസരണം തൊലി കളഞ്ഞ് ഉപയോഗിക്കാം.

പാന്‍ രീതി

എന്നാല്‍ ഇത് കൂടാതെ മറ്റൊരു രീതിയില്‍ വളരെ എളുപ്പത്തില് ഉരുളക്കിഴങ്ങ് വേവിക്കാവുന്നതാണ്. അതിന് വേണ്ടി നല്ലതുപോലെ തീ കത്തിച്ച് ഒരു പാന്‍ വെക്കുക. അതില്‍ പകുതിയോളം വെള്ളം നിറക്കുക. അതിന് ശേഷം വെള്ളത്തിന്റെ ചൂട് അല്‍പം കുറയുമ്പോള്‍ ഇതിലേക്ക് ഉരുളക്കിഴങ്ങ് ചേര്‍ക്കാവുന്നതാണ്. 15-20 മിനിറ്റ് വരെ പാത്രം മൂടാതെ ഉരുളക്കിഴങ്ങ് വേവിച്ചെടുക്കുക. ഇതിന്റെ വേവ് നോക്കുന്നതി്‌ന വേണ്ടി ഒരു ചെറിയ പപ്പടം കുത്തി കൊണ്ട് ഒന്ന് കുത്തി നോക്കുക എന്നിട്ട് പതുക്കെ വെന്തെങ്കില്‍ തീ മാറ്റി ഉപയോഗിക്കാവുന്നതാണ്.

ക്യൂബ്ഡ് ഉരുളക്കിഴങ്ങ് രീതി

ഇത് പെട്ടെന്ന് ഉരുളക്കിഴങ്ങ് വേവിക്കാന്‍ ചെയ്യാവുന്ന ഒന്നാണ്. അതിന് വേണ്ടി ഉരുളക്കിഴങ്ങിന്റെ തൊലി കളയുന്നതിന് ശ്രദ്ധിക്കണം. അതിന് ശേഷം ഒരു പാത്രം എടുത്ത് അതില്‍ പകുതി വെള്ളം നിറയ്ക്കുക. പിന്നീട് ഈ പാത്രത്തിലെ വെള്ളം തിളച്ച് കഴിഞ്ഞാല്‍ ഉരുളക്കിഴങ്ങ് ചതുരത്തില്‍ മുറിച്ച് വെള്ളത്തിലിടുക. 12 മുതല്‍ 15 മിനിറ്റ് വരെ തിളപ്പിച്ചതിന് ശേഷം ചൂട് ക്രമീകരിക്കുക. അതിന് ശേഷം വെള്ളം അരിച്ചെടുത്ത് കളഞ്ഞ് ഉരുളക്കിഴങ്ങ് നോക്കാവുന്നതാണ്. ഇത് വെന്തിട്ടുണ്ടാവും. പിന്നീട് ഒരു ഗ്ലാസ് തണുത്ത വെള്ളം ഒഴിച്ച ശേഷം ഉപയോഗിക്കാവുന്നതാണ്.

മൈക്രോവേവ് രീതി (വെള്ളമില്ലാതെ)

വെള്ളമില്ലാതെ നമുക്ക് ഉരുളക്കിഴങ്ങ് വേവിക്കാവുന്നതാണ്. കേട്ടടിട്ട് അത്ഭുതം തോന്നുന്നുണ്ടോ? എന്നാല്‍ സത്യമാണ്. വെള്ളമില്ലാതെ നമുക്ക് ഉരുളക്കിഴങ്ങ് മൈക്രോവേവ് ഓവനില്‍ വേവിച്ചെടുക്കാവുന്നതാണ്. അതിന് വേണ്ടി ഉരുളക്കിഴങ്ങ് നല്ലതുപോലെ കഴുകി വൃത്തിയാക്കുക. പിന്നീട് ഒരു കുഞ്ഞ് പപ്പടം കുത്തി എടുത്ത് ഉരുളക്കിഴങ്ങെല്ലാം നല്ലതുപോലെ കുത്തുക. ആറ് ഏഴ് സ്ഥലത്തെങ്കിലും ഇത്തരത്തില്‍ കുത്തേണ്ടതാണ്. അതിന് ശേഷം ഇവ ഒരു പ്ലേറ്റില്‍ വെക്കുക. പിന്നീട് അവ ഏകദേശം 3 മിനിറ്റ് മൈക്രോവേവ് ചെയ്യുക. മൈക്രോവേവില്‍ നിന്ന് നീക്കം ചെയ്ത ശേഷം നല്ലതുപോലെ തണുപ്പിച്ച് ഉപയോഗിക്കാവുന്നതാണ്. ഇത് നിങ്ങളുടെ ഉരുളക്കിഴങ്ങ് വെള്ളമില്ലാതെ വേവിക്കുന്നതിന് സഹായിക്കുന്നു.

മൈക്രോവേവ് രീതി (വെള്ളത്തോടൊപ്പം)

വെള്ളത്തൊടൊപ്പം തന്നെ നമുക്ക് മൈക്രോവേവ് രീതിയില്‍ ഉരുളക്കിഴങ്ങ് വേവിച്ചെടുക്കാവുന്നതാണ്. അതിന് വേണ്ടി ഉരുളക്കിഴങ്ങ് നല്ലതുപോലെ വൃത്തിയാക്കിയ ശേഷം, അവയെ മുകളില്‍ പറഞ്ഞത്‌പോലെ കുത്തി ഓട്ടയാക്കുക. ശേഷം മൈക്രോവേവില്‍ പോകാന്‍ കഴിയുന്ന ഒരു പാത്രം എടുത്ത് പകുതി വെള്ളം നിറയ്ക്കുക. ഈ പാത്രത്തിലേക്ക് ഉരുളക്കിഴങ്ങ് ഇട്ട് അത് മൈക്രോവേവില്‍ വയ്ക്കുക. 8 മിനിറ്റ് സമയം സെറ്റ് ചെയ്തതിന് ശേഷം അത് കഴിഞ്ഞ് പാത്രം മൈക്രോവേവില്‍ നിന്ന് മാറ്റുക. ഉരുളക്കിഴങ്ങ് വെന്തിട്ടുണ്ടാവും. ഇത് തൊലി കളഞ്ഞ് ഉപയോഗിക്കാവുന്നതാണ്.