സോഫ്‌റ്റ്‌ ടോയ്‌സ്‌ കഴുകുമ്പോള്‍....

സോഫ്‌റ്റ്‌ ടോയ്‌സ്‌ കാണാന്‍ ഭംഗിയാണെങ്കിലും ഇവയില്‍ പൊടിയും ചെളിയും പിടിയ്‌ക്കാന്‍ സാധ്യതയേറെയാണ്‌. ഇവ കഴുകുമ്പോള്‍ വേണ്ട പോലെ ശ്രദ്ധിച്ചില്ലെങ്കില്‍ പെട്ടെന്നു കേടാകുകയും ഭംഗി പോവുകയും ചെയ്യും.

സോഫ്‌റ്റ്‌ ടോയ്‌സ്‌ കഴുകുന്നതിനു മുന്‍പ്‌ ഇവയിലെ പൊടി ബ്രഷ്‌ കൊണ്ടു തട്ടിക്കളയുന്നതു നന്നായിരിയ്‌ക്കും. ഇവ കഴുകുന്നതിനു മുന്‍പ്‌ ഏതെങ്കിലും ഭാഗത്തെ തുന്നല്‍ വിട്ടിട്ടുണ്ടെങ്കില്‍ ഇവ ഉറപ്പിയ്‌ക്കുകയും വേണം.

ഇവ ലിക്വിഡ്‌ വാഷില്‍ ഇട്ടു വച്ച്‌ കഴുകാം. അധികം വീര്യമില്ലാത്ത ലിക്വിഡ്‌ വാഷില്‍ വേണം ഇവയിട്ടുകഴുകാന്‍.

അല്‍പം വിനെഗര്‍ വെള്ളത്തിലൊഴിച്ച്‌ സോഫ്‌റ്റ്‌ ടോയ്‌സില്‍ ഉരച്ചാല്‍ കറകളുണ്ടെങ്കില്‍ പോകും.

വെള്ളവും ആല്‍ക്കഹോളും കലര്‍ത്തിയ മിശ്രിതം കറ പുരണ്ട ഭാഗത്തു പുരട്ടാം.

ഇവ കഴുകിക്കഴിഞ്ഞാല്‍ പിഴിയരുത്‌. വെയിലത്തിട്ടുണക്കിയെടുക്കണം.