ഇവയെക്കൊണ്ടുള്ള അപ്രതീക്ഷിത ഉപയോഗം

Published: Friday, December 18, 2015, 15:54 [IST]

ടൂത്ത് പേസ്റ്റ് പല്ല് തേയ്ക്കാനാണ് നാം പ്രധാനമായും ഉപയോഗിക്കുന്നത്. എന്നാല്‍ ഇതിന്റെ തന്നെ മറ്റു പല ഉപയോഗങ്ങളും ഉണ്ടെന്നത് നമുക്കറിയാം. അതുപോലെ തന്നെ ഓരോ വസ്തുക്കള്‍ക്കും നമ്മള്‍ വിചാരിക്കുന്നതലുപരി പല വിധത്തിലുള്ള ഉപയോഗങ്ങളുണ്ട്. കൊക്കക്കോള കൊണ്ട് ഇങ്ങനേയും ചില ഉപയോഗങ്ങള്‍

ഇത്തരത്തില്‍ നിരവധി ഉപയോഗങ്ങളുള്ള ഒരേ വസ്തുക്കള്‍ എന്തൊക്കെയെന്ന് നോക്കാം. പലപ്പോഴും നമ്മള്‍ സ്വപ്‌നത്തില്‍ പോലും വിചാരിക്കാത്ത തരത്തിലുള്ള ഉപയോഗങ്ങളാണ് ഇവ കൊണ്ടുള്ളത്. പല്ല് തേയ്ക്കാന്‍ മാത്രമല്ല ടൂത്ത് പേസ്റ്റ്

നമ്മുടെ ചുറ്റുമുള്ള നമുക്ക് സ്ഥിരപരിചിതരായ വസ്തുക്കളാണ് പലവിധ ഉപയോഗങ്ങള്‍ കൊണ്ട് നമ്മെ ഞെട്ടിക്കുന്നത്. അവ ഏതൊക്കെയെന്ന് നോക്കാം.

ഒലീവ് ഓയില്‍

ബോഡി മോയ്‌സ്ചുറൈസര്‍ ആയി ഒലീവ് ഓയില്‍ ഉപയോഗിക്കാം, എന്നാല്‍ ഇതിന്റെ മറ്റൊരുപയോഗം ഇത് ഷേവിംഗ് ഓയില്‍ ആയും ഉപയോഗിക്കാം എന്നുള്ളതാണ്.

ബേക്കിംഗ് സോഡ

ബേക്കിംഗ് സോഡ പാചകത്തിനുപയോഗിക്കും, എന്നാല്‍ ഇത് കൂടാതെ സിങ്ക് വൃത്തിയാക്കാനും അതുപോലെ തന്നെ നാണയങ്ങളിലെ കറകളയാനും ഇത് ഉപയോഗിക്കാം.

ഐസ്‌ക്യൂബ് ട്രേ

ഐസ്‌ക്യൂബ് ട്രേ നമ്മള്‍ ഫ്രിഡ്ജില്‍ ഐസ്‌ക്യൂബിനായാണ് ഉപയോഗിക്കുന്നത്. എന്നാല്‍ മോതിരം, കമ്മല്‍ തുടങ്ങിയ ചെറിയ ചെറിയ വസ്തുക്കള്‍ ഇട്ടുവെയ്ക്കാന്‍ ഇത് വളരെ നല്ലതാണ്.

ടൂത്ത് പേസ്റ്റ്

പല്ല് തേയ്ക്കുക എന്ന കോമണ്‍ ഉപയോഗം നമുക്കറിയാം. എന്നാല്‍ ഇതുകൂടാതെ പൊള്ളലേറ്റാലോ, കൊതുകു കടിമൂലമുണ്ടാകുന്ന ചൊറിച്ചില്‍ ഇല്ലാതാക്കാനും ടൂത്ത് പേസ്റ്റിന് കഴിയും.

വിനാഗിരി

വിനാഗിരിയുടെ ഉപയോഗം നമുക്കറിയാം. എന്നാല്‍ ഇതുകൂടാതെ മുടിയുടെ തിളക്കം വര്‍ദ്ധിപ്പിക്കാനും വിനാഗിരി ഉപയോഗിക്കാം.

ടെന്നീസ് ബാള്‍

ടെന്നീസ് ബാളിന്റെ ഉപയോഗം പ്രത്യേകം പറയേണ്ടതില്ല എന്നാല്‍ പ്രായമായവര്‍ നടക്കുന്ന വാക്കറിന്റെ അടിയില്‍ ടെന്നീസ് ബാള്‍ ഘടിപ്പിച്ചാല്‍ നടത്തം ഒന്നു കൂടി ഉഷാറാകും.

കൊക്കക്കോള

കൊക്കക്കോളയുടെ ഉപയോഗം നിരവധിയാണ്. ഇതില്‍ ഏറ്റവും പ്രധാനപ്പെട്ടത് ടോയ്‌ലറ്റ് വൃത്തിയാക്കാനും നാണയങ്ങള്‍ ക്ലീന്‍ ചെയ്യാനും കൊക്കക്കോള ഉപയോഗിക്കും എന്നതാണ്.