Click it and Unblock the Notifications
Latest Updates
-
ജിമ്മിൽ പോകേണ്ട, കഠിനമായ വർക്കൗട്ടുകളുമില്ല! 54-ാം വയസ്സിൽ മാധവന്റെ ഈ കിടിലൻ ലുക്കിന് പിന്നിലെ അത്ഭുത രഹസ്യം ഇതാണ് -
സൂര്യൻ രോഹിണി നക്ഷത്രത്തിലേക്ക്: കടുത്ത ചൂടിൽ നിന്ന് രക്ഷനേടാൻ ഈ വഴികൾ അറിയാമോ? -
2026 ജൂൺ 2-ന് വ്യാഴം കർക്കടകത്തിലേക്ക്: ജീവിതം മാറ്റിമറിക്കുന്ന അപൂർവ്വ രാജയോഗം, ഈ രാശിക്കാർക്ക് വൻ നേട്ടം! -
ജൂൺ 1 രാജയോഗം: 3 രാശിക്ക് ധനമഴ, ഇന്നത്തെ ശുഭമുഹൂർത്തം അറിഞ്ഞാൽ ജീവിതം മാറും! -
ജൂൺ 1 മുതൽ ഭാഗ്യം തെളിയുന്ന രാശിക്കാർ ഇവർ: കരിയറിലും സാമ്പത്തിക കാര്യങ്ങളിലും വൻ മാറ്റങ്ങൾ ഉറപ്പ്! -
ഭാഗ്യദിനം വന്നെത്തി: ചന്ദ്രന്റെ തൃക്കേട്ട പ്രവേശം ഈ നക്ഷത്രക്കാർക്ക് നൽകുന്നത് വൻ സാമ്പത്തിക നേട്ടങ്ങൾ, അറിയേണ്ടതെല്ലാം! -
ഇന്നത്തെ രാശിഫലം: 12 രാശിക്കാർക്കും ഗ്രഹനിലയിൽ വമ്പൻ മാറ്റങ്ങൾ, ഈ കാര്യങ്ങൾ ശ്രദ്ധിച്ചാൽ വിജയം ഉറപ്പ് -
വേനൽച്ചൂടിൽ തളരേണ്ട; വീട്ടിലിരുന്ന് 15 മിനിറ്റിൽ വയറിലെ കൊഴുപ്പ് കളയാൻ ഈ സൂത്രവിദ്യ പരീക്ഷിക്കൂ! -
അധിക ജ്യേഷ്ഠ പൂർണിമ: ഗജകേസരി യോഗം നൽകുന്ന അപ്രതീക്ഷിത ഭാഗ്യങ്ങൾ നിങ്ങളെ തേടിയെത്തുമോ? -
സെലിബ്രിറ്റികളുടെ പെട്ടെന്നുള്ള മാറ്റത്തിന് പിന്നിൽ മരുന്നോ? ഓസെംപിക് കുത്തിവയ്പ്പുകൾ വരുത്തുന്ന അപകടങ്ങൾ ഇതാണ്
മുട്ടയുടെ ഗന്ധമകറ്റാം
ഏത് സമയത്തും കഴിക്കാവുന്ന ഒരു ആഹാരമാണ് മുട്ട. ഇത് ഉപയോഗിച്ച് വളരെ വോഗത്തില് രുചികരമായ വിഭവങ്ങള് തയ്യാറാക്കാനാവും. പുഴുങ്ങിയോ മുട്ടയോടൊപ്പം പാലോ വെണ്ണയോ ചേര്ത്ത് നിമിഷങ്ങള്ക്കുള്ളില് രുചികരമായ മുട്ട വിഭവം തയ്യാറാക്കം. ഇതിനോടൊപ്പം കുറച്ച് ബ്രെഡ് കൂടി ഉണ്ടെങ്കില് കുശാല്.
പക്ഷെ മുട്ട പാകം ചെയ്യുന്ന പാത്രങ്ങളില് അവശേഷിക്കുന്ന ഗന്ധത്തെ കുറിച്ച് ഓര്ത്തുനോക്കൂ. മുട്ടയോടും മുട്ട വിഭവങ്ങളോടും ചെറിയ വെറുപ്പ് തോന്നുന്നുണ്ടല്ലേ?
പാചകം ചെയ്യാന് എടുത്ത സമയത്തെക്കാള് കൂടുതല് സമയം പാത്രം കഴുകി വൃത്തിയാക്കുന്നതിന് ചെലവഴിക്കാന് ആര്ക്കും ആഗ്രഹം കാണില്ല. വിഷമിക്കണ്ട, പാത്രങ്ങളിലെ മുട്ടയുടെ ഗന്ധം ഇല്ലാതാക്കാന് ചില എളുപ്പ വഴികളുണ്ട്.
കടലമാവ്
മുട്ട പാകം ചെയ്ത് പാത്രം കടലമാവ് ഉപയോഗിച്ച് തേയ്ക്കുക. മാവ് പാത്രത്തില് പിടിക്കുന്നതിനായി അല്പ്പനേരം കാക്കുക. അതിനുശേഷം പാത്രം നന്നായി കഴുകുക. മുട്ടയുടെ ഗന്ധം പൂര്ണ്ണമായും പോകും.
നാരങ്ങാനീര്
നാരങ്ങാനീര് ഉപയോഗിച്ചും പാത്രങ്ങളില് അവശേഷിക്കുന്ന മുട്ടയുടെ ഗന്ധം അകറ്റാന് കഴിയും. പാത്രം കഴുകുന്നതിനായി ശുദ്ധമായ നാരങ്ങാനീര് ഉപയോഗിക്കുക. നേരിട്ട് നാരങ്ങാനീര് ഉപയോഗിക്കാന് താത്പര്യമില്ലെങ്കില്, നാരങ്ങാനീരില് ഒരു തുണി മുക്കുക. അതുപയോഗിച്ച് പാത്രം തേയ്ക്കുക. കുറച്ച് സമയത്തിന് ശേഷം പാത്രം നന്നായി കഴുകുക. മുട്ടയുടെ ഗന്ധം പാത്രങ്ങളെ വിട്ടകന്നിരിക്കും. നാരങ്ങാനീര് അടങ്ങിയിട്ടുള്ള ദ്രാവകരൂപത്തിലുള്ള സോപ്പ് വിപണയില് ലഭ്യമാണ്. ഇതും ഉപയോഗിക്കാവുന്നതാണ്.
വിനാഗിരി
പ്ലാസ്റ്റിക് പാത്രങ്ങളില് ഗന്ധം കുറച്ച് സമയം കൂടി നിലനില്ക്കും. അടുക്കളയും കടന്ന് വീട് മുഴുവന് മുട്ടയുടെ ഗന്ധം നിറയാന് ആരും ആഗ്രഹിക്കില്ല. അതിനാല് ഇത്തരം പാത്രങ്ങളില് വിനാഗിരി സ്പ്രേ ചെയ്ത് കഴുകാന് വയ്ക്കുക. വിനാഗിരി തളിച്ച് അല്പ്പനേരത്തിന് ശേഷം സോപ്പ് ഉപയോഗിച്ച് കഴുകുക. പ്ലേറ്റുകളിലെ മുട്ടയുടെ ഗന്ധം നിങ്ങളെ അലട്ടില്ല.
പാത്രങ്ങള് കഴുകിയതിന് ശേഷവും
പാത്രങ്ങള് കഴുകിയതിന് ശേഷവും വിനാഗിരി ഉപയോഗിക്കാവുന്നതാണ്. കഴുകിയ പാത്രങ്ങളില് ഒരു ടീസ്പൂണ് വിനാഗിരി ഒഴിച്ച് കുറച്ച് നേരം വയ്ക്കുക. അതിനുശേഷം നന്നായി കഴുകുക. പാത്രങ്ങള്ക്ക് പുതിയൊരു സുഗന്ധം കൈവരും.
അപ്പക്കാരം
അസ്വസ്ഥതയുളവാക്കുന്ന ഗന്ധങ്ങള് അകറ്റാന് അപ്പക്കാരം ഫലപ്രദമാണ്. അപ്പക്കാരം ലായനിയില് മുട്ട വിഭവങ്ങള് തയ്യാറാക്കാന് ഉപയോഗിച്ച പാത്രങ്ങള് മുക്കിവയ്ക്കുക. കുറച്ച് നേരത്തിന് ശേഷം സോപ്പ് ഉപയോഗിച്ച് പാത്രങ്ങള് കഴുകി ഉണക്കുക. മുട്ടയുടെ ഗന്ധം പാത്രങ്ങളെ വിട്ട് അകന്നിരിക്കും.
Continue with Google