അലമാരയില്‍ വസ്ത്രങ്ങള്‍ സൂക്ഷിയ്ക്കുമ്പോള്‍

Published: Wednesday, July 16, 2014, 14:41 [IST]

പുറത്തേയ്‌ക്കോ ഓഫീസിലോ തിരക്കില്‍ അലമാര തുറക്കുമ്പോഴായിരിയ്ക്കും, കുത്തിനിറച്ചിരിയ്ക്കുന്ന വസ്ത്രങ്ങള്‍ അപ്പാടെ താഴേയ്ക്കു വീഴുക. ഇതില്‍ നിന്നും മനസില്‍ കരുതിയത് തെരഞ്ഞാലൊട്ടു കിട്ടുകയുമില്ല. ടോപ്പ് കിട്ടിയാല്‍ ബോട്ടം കിട്ടില്ല, ബോട്ടം കിട്ടിയാലാകട്ടെ ടോപ്പും തുടങ്ങിയ അവസ്ഥകളുമുണ്ടാകും. കിട്ടിയാല്‍ തന്നെ കുത്തി നിറച്ചതു കൊണ്ട് എല്ലാം ചുളുങ്ങി നാശമായിട്ടുമുണ്ടാകും.

ഇത്തരം അവസ്ഥകള്‍ ഒഴിവാക്കാന്‍ അലമാര വൃത്തിയായി ക്രമീകരിയ്ക്കുന്നതാണ് നല്ലത്. അലമാരയിലെ തുണികള്‍ എളുപ്പത്തില്‍ കൃത്യമായി ഏതു വിധത്തില്‍ ക്രമീകരിയ്ക്കാമെന്നു നോക്കൂ,

അലമാരയില്‍ വസ്ത്രം സൂക്ഷിയ്ക്കുമ്പോള്‍

തുണികളെല്ലാം പുറത്തെടുക്കുക. ഇവ കളര്‍ പ്രകാരം അടുക്കി വയ്ക്കാം. ഒരേ നിറത്തിലെ വസ്ത്രങ്ങള്‍ ഒരുമിച്ച് അടുക്കി വയ്ക്കാം. ഇപ്രകാരം മൂന്നോ നാലോ അടുക്കുകളാക്കാം. ഇവയുടെ പെയര്‍ വസ്ത്രങ്ങളുണ്ടെങ്കില്‍ ഇവയും കൂടെ വയ്ക്കുക.

അലമാരയില്‍ വസ്ത്രം സൂക്ഷിയ്ക്കുമ്പോള്‍

വ്യത്യസ്ത തുണിത്തരങ്ങള്‍, അതായത് ലിനന്‍, കോട്ടന്‍, വൂളന്‍ തുടങ്ങിയവ പ്രത്യേകം തരം തിരിച്ചു വയ്ക്കാം. ഇത് അതാതു കാലാവസ്ഥയ്ക്കു ചേരുന്ന വസ്ത്രങ്ങള്‍ പെട്ടെന്നെടുക്കാനും സഹായിക്കും.

അലമാരയില്‍ വസ്ത്രം സൂക്ഷിയ്ക്കുമ്പോള്‍

വെള്ള, ക്രീം വസ്ത്രങ്ങള്‍ പ്രത്യേകം സൂക്ഷിയ്ക്കുന്നതാണ് നല്ലത്. പ്രത്യേകിച്ച് മഴക്കാലത്ത്. അലമാരയിലാണെങ്കിലും അപൂര്‍വമായി ഇവയില്‍ ചിലപ്പോള്‍ മറ്റു വസ്ത്രങ്ങളുടെ നിറം പറ്റിയേക്കാം.