മരസാമഗ്രികളിലെ പൂപ്പല്‍ മാറ്റാം

മഞ്ഞുകാലത്തും മഴക്കാലത്തുമെല്ലാം മരസാമഗ്രികളില്‍ പൂപ്പല്‍ വരാനുള്ള സാധ്യത വളരെ കൂടുതലാണ്. ഇത് നീക്കം ചെയ്തില്ലെങ്കില്‍ സാധനങ്ങളുടെ ഭംഗിയേയും ഉറപ്പിനേയുമെല്ലാം ഇത് ബാധിയ്ക്കും.

മരസാമഗ്രികളിലെ പൂപ്പല്‍ ഒഴിവാക്കാന്‍ ചില വഴികളുണ്ട്. ഇവയെന്തെന്ന് അറിഞ്ഞിരിയ്ക്കൂ.

സൂര്യപ്രകാശമേല്‍ക്കുന്നത് പൂപ്പല്‍ ബാധ ഒഴിവാക്കും. ഇവ സൂര്യപ്രകാശമേല്‍ക്കുന്ന വിധത്തില്‍ ക്രമീകരിയ്ക്കാം.

ഈര്‍ക്കിലച്ചൂല്‍ ഉപയോഗിച്ച് പൂപ്പലുള്ള ഭാഗം വൃത്തിയാക്കുക. ഇതുകൊണ്ട് നല്ലപോലെ പൂപ്പല്‍ തട്ടിക്കളയുക.

പൂപ്പല്‍ പോയാലും ഇത് വന്ന സ്ഥലത്ത് ചെറിയ പാടുണ്ടാകുന്നത് സ്വാഭാവികം. വെറ്റ് വിനെഗറില്‍ ഒരു തുണി് മുക്കിപ്പിഴിഞ്ഞ് ഇവിടെ തുടയ്ക്കുന്നത് ഈ പാടു നീക്കാന്‍ സഹായിക്കും. ഇത് പിന്നീട് ഉണങ്ങിയ തുണി കൊണ്ടു തുടയ്ക്കുക.

ചെറുനാരങ്ങാനീരും വെള്ളവും കലര്‍ത്തിയ മിശ്രിതത്തില്‍ തുണി മുക്കി മരസാമഗ്രികള്‍ അവസാനം തുടയ്ക്കാം. വീണ്ടും പൂപ്പല്‍ വരാതിരിയ്ക്കാന്‍ ഇത് സഹായിക്കും.

സാധനങ്ങള്‍ നല്ലപോലെ ഉണങ്ങിയ ശേഷം യഥാസ്ഥാനത്തിടുക. ഇത് വെയില്‍ കൊള്ളിയ്ക്കുന്നതു നന്നായിരിയ്ക്കും.