ചവിട്ടിയിലെ പൂപ്പൽ കളയാന്‍

1) ബ്ലിച്ച്

ബ്ലീച്ചില്‍ മുക്കിവെച്ച് ചവിട്ടിയിലെ പൂപ്പൽ നീക്കം ചെയ്യാം. ചവിട്ടി ബ്ലീച്ചില്‍ അഞ്ച് മണിക്കൂറെങ്കിലും നനച്ച് വെയ്ക്കുക. ചവട്ടി നനച്ച് വെച്ചിരിക്കുന്ന മുറിയില്‍ വായുസഞ്ചാരമുള്ളതാണെന്ന് ഉറപ്പ് വരുത്തുക. ചവിട്ടിയില്‍ കറയുണ്ടെങ്കില്‍ കൂടുതല്‍ നേരം ചവിട്ടി ബ്ലീച്ചില്‍ മുക്കിവെയ്ക്കണം. എന്നിട്ട് വേണം കഴുകാന്‍. വാഷിംഗ് മെഷ്യനിലിട്ടോ കൈകൊണ്ടോ നിങ്ങള്‍ക്കിത് ചെയ്യാവുന്നതാണ്.

2)ബേക്കിംഗ് സോഡ

ചവിട്ടി കഴുകാന്‍ ബേക്കിംഗ് സോഡയും ഉപയോഗിക്കാം. ചവിട്ടി കൂടുതല്‍ വൃത്തിയാക്കുവാന്‍ ബ്ലീച്ചോ ബേക്കിംഗ് സോഡയോ ഉപയോഗിക്കാം. ആഴ്ച്ചയില്‍ ഒരിക്കലെങ്കിലും ഇത് ആവര്‍ത്തിക്കു.

3)വസ്ത്രം കഴുകുന്ന സോപ്പുപൊടി

വീട്ടില്‍ എപ്പോഴുമുണ്ടാകുന്ന വസ്തുവാണ് സോപ്പുപൊടി. വസ്ത്രം കഴുകാന്‍ ഇത് തീര്‍ച്ചയായും ആവശ്യമാണ്. വീട്ടില്‍ ഉപയോഗിക്കുന്ന ചവിട്ടി കഴുകുവാനും ഇത് ഉപയോഗിക്കും. അഴുക്കുള്ള ചവിട്ടി സോപ്പുവെള്ളത്തില്‍ നനച്ചുവെയ്ക്കുക. അല്‍പ്പനേരം കഴിഞ്ഞശേഷം സോപ്പുപൊടി കളഞ്ഞ് കഴുകുക. ഉണക്കുക. വെയിലത്ത് ഉണക്കുക.

4)വെള്ളം നനവില്ലാതെ വെയ്ക്കുക

പൂപ്പൽ അടിയുന്നത് തടയാനുള്ള ഏറ്റവും നല്ല മാര്‍ഗ്ഗം ചവിട്ടി വെള്ളം നനവില്ലാതെ സൂക്ഷിക്കുകയാണ്.നനവില്ലാതെ സൂക്ഷിച്ചാല്‍ പൂപ്പല്‍ വരാതെയും നോക്കാം. രോഗം വന്ന് ചികിത്സിക്കുന്നതിലും ഭേദം രോഗം ഒഴിവാക്കുകയാണല്ലോ.

5)കൈ കൊണ്ട് കഴുകുക

ചവിട്ടി ദീര്‍ഘകാലം ഈടുനില്‍ക്കണമെന്നാഗ്രഹിക്കുന്നുവെങ്കില്‍ അവ കൈകൊണ്ട് കഴുകുക. വാഷിംഗ് മെഷ്യന്‍ ഉപയോഗിച്ച് കഴുകുന്നതിലും സുഖമായി കഴുകാനാകും. വാഷിംഗ് മെഷ്യനിലിട്ടാല്‍ ചവിട്ടിയിലെ നാരുകള്‍ എളുപ്പത്തില്‍ പോകുന്നതിന് സാധ്യതയുണ്ട്. കൈകൊണ്ട് കഴുകിയാല്‍ അത് ഒഴിവാക്കാം.

ആദ്യം ചവിട്ടി വെള്ളത്തില്‍ മുക്കിവെയ്ക്കകു. അല്‍പ്പനേരം കഴിഞ്ഞ് ഒരു ഗ്ലൗസ് ധരിച്ച് അലക്ക് സോപ്പ് ഉപയോഗിച്ച് കഴുകുക. ചവിട്ടി ബ്രഷ് കൊണ്ട് തേയ്ക്കുന്നതും നല്ലതാണ്. വൃത്തിയായി കഴുകിക്കഴിഞ്ഞാല്‍ ചവിട്ടി തണല്‍ പറ്റി ഉണക്കുക. ഉണങ്ങിക്കഴിഞ്ഞാല് എടുത്തുവെയ്ക്കുക. ആഴ്ച്ചയില്‍ ഒരിക്കലെങ്കിലും ഇത് ചെയ്യുക