കാപ്പി കുടിയ്ക്കാന്‍ മാത്രമല്ലാ.....

ഒരു കപ്പ് കാപ്പിയില്‍ ഉറക്കം കളയാമെന്ന് എല്ലാവര്‍ക്കുമറിയാം. എന്നാല്‍ കാപ്പി കൊണ്ട് പല ഗുണങ്ങളുമുണ്ട്. വൃത്തിയാക്കല്‍ മുതല്‍ കമ്പോസ്റ്റുണ്ടാക്കല്‍ വരെ.

കാപ്പി കുടിയ്ക്കുകയല്ലാതെ ഇതുകൊണ്ടുള്ള മറ്റു ചില ഗുണങ്ങള്‍ അറിഞ്ഞിരിക്കൂ.

ബാത്ത് റൂമിലെ ദുര്‍ഗന്ധം കളയാന്‍ കാപ്പിക്കുരു പൊടിച്ച് അല്‍പം തുണയില്‍ പൊതിഞ്ഞ് ബാത്ത്‌റൂമില്‍ വച്ചാല്‍ മതി. ഇതേ മാര്‍ഗം ഫ്രിഡ്ജിലെ ദുര്‍ഗന്ധം കളയാനും ഉപയോഗിക്കാം.

ഉറുമ്പുകളെ അകറ്റുന്നതിനുള്ള ഒരു വഴിയാണ് കാപ്പി. കാപ്പിപ്പൊടി ഉറുമ്പുള്ളിടത്ത ഇട്ടാല്‍ മതിയാകും. അല്ലെങ്കില്‍ കാപ്പി പൊടിയാക്കിയാലും മതി. പൂന്തോട്ടത്തിലെ ഉറുമ്പുകളെ അകറ്റാനും ഈ വിദ്യയുണ്ട്.

പാത്രങ്ങള്‍ വൃത്തിയാക്കാനും കാപ്പി നല്ലതു തന്നെ. മത്സ്യത്തിന്റെയും മാംസത്തിന്റെയുമെല്ലാം ഗന്ധം പാത്രങ്ങളില്‍ നിന്നും പോകാനായി അല്‍പം കാപ്പിയി്ട്ടു കഴുകിയാണ് മതിയാകും.

വളര്‍ത്തു മൃഗങ്ങളും മറ്റും റൂമിലുണ്ടാക്കുന്ന ദുര്‍ഗനധം നീക്കാന്‍ കാപ്പി നല്ലതാണ്. അല്‍പം കാപ്പിക്കുരു മുറിയ്ക്കുള്ളില്‍ വച്ചാല്‍ മതിയാകും. അല്ലെങ്കില്‍ ഒരു ഇരുമ്പു പാത്രത്തിലോ ഇരുമ്പിന്റെ സ്പൂണിലോ അല്‍പം കാപ്പിപ്പൊടി ചൂടാക്കി ഇതു മുറിയില്‍ കൊണ്ടുവന്നാല്‍ മതി.

ഗര്‍ഭിണികള്‍ക്കുണ്ടാകുന്ന മോണിംഗ് സിക്‌നസ് ഒഴിവാക്കാന്‍ കാപ്പിയുടെ മണം നല്ലതാണ്. കാപ്പിക്കുരു മണത്താല്‍ മതിയാകും.

ചെടികള്‍ക്കിടാന്‍ പറ്റിയ നല്ലൊരു വളം കൂടിയാണ് കാപ്പി. കാപ്പിയില്‍ ഫോസ്ഫറസ്, കോപ്പര്‍, മഗ്നീഷ്യം, പൊട്ടാസ്യം എന്നിവ ധാരാളം അടങ്ങിയിട്ടുണ്ട്. കാപ്പിപ്പൊടി മണ്ണിനൊപ്പം ചേര്‍ത്താന്‍ നല്ലൊന്നാന്തരം കമ്പോസ്റ്റായി.