ഹൈഡ്രജന്‍ പെറോക്‌സൈഡ് ക്ലീനിംഗ്

ചര്‍മത്തിലുണ്ടാകുന്ന മുറിവുകളില്‍ സാധാരണ ഹൈഡ്രജന്‍ പെറോക്‌സൈഡ് പുരട്ടാറുണ്ട്. മുറിവ് വൃത്തിയാക്കുകകയും മുറിവുണങ്ങാന്‍ സഹായിക്കുകയും ചെയ്യുന്ന ഒന്നാണിത്.

ഹൈഡ്രജന്‍ പെറോക്‌സൈഡ് ഇതിന് മാത്രമല്ല, വീട് വൃത്തിയാക്കാനും ഉപയോഗിക്കും വീട് വൃത്തിയാക്കാന്‍ ഇത് ഏതെല്ലാം വിധത്തില്‍ ഉപയോഗിക്കാമെന്നു നോക്കൂ.

വസ്ത്രങ്ങളിലെ കറകള്‍, പ്രത്യേകിച്ചും ചെളിക്കറ, ചോരക്കറ, എണ്ണയുടെ കറ തുടങ്ങിവയ കളയാന്‍ ഹൈഡ്രജന്‍ പെറോക്‌സൈഡ് ചേര്‍ത്ത വെള്ളത്തില്‍ ഇട്ടു വച്ചാല്‍ മതിയാകും.

ഹൈഡ്രജന്‍ പെറോക്‌സൈഡ്, വിനാഗിരി എന്നിവ കലര്‍ത്തിയ വെള്ളം കൊണ്ട് നിലം കഴുകുകയോ തുടയ്ക്കുകയോ ചെയ്താല്‍ നിലത്തെ കറകള്‍ പോകുമെന്നു മാത്രമല്ല, നിലം വെട്ടിത്തിളങ്ങുകയും ചെയ്യും.

അടുക്കളയില്‍ പച്ചക്കറി നുറുക്കുന്ന വുഡ് ബോര്‍ഡ്, പാത്രം കഴുകുന്ന സ്‌പോഞ്ച് തുടങ്ങിയവ അണുവിമുക്തമാക്കാന്‍ ഹൈഡ്രജന്‍ പെറോക്‌സൈഡ് ചേര്‍ത്ത വെള്ളത്തില്‍ കഴുകിയാല്‍ മതിയാകും.

വാഷ് ബേസിന്‍, കിച്ചണ്‍ സിങ്ക് തുടങ്ങിയവ കഴുകാനും ഇതിലെ ദുര്‍ഗന്ധമകറ്റാനും ഹൈഡ്രജന്‍ പെറോക്‌സൈഡ് ഒഴിച്ച് കഴുകിയാല്‍ മതിയാകും.

പൂപ്പല്‍ പിടിച്ച ഉപകരണങ്ങളും സ്ഥലങ്ങളും വൃത്തിയാക്കാന്‍ ഇത് വളരെ നല്ലതാണ്.

ടോയ്‌ലറ്റിലെ കറകള്‍ അകറ്റാനും ഹൈഡ്രജന്‍ പെറോക്‌സൈഡ് നല്ലതാണ്. കറകള്‍ കളയാന്‍ മാത്രമല്ല, ബാക്ടീരിയകളെ അകറ്റാനും ദുര്‍ഗന്ധം മാറാനും ഇത് സഹായിക്കും.