എണ്ണക്കറകള്‍ കളയാന്‍

എണ്ണക്കറകള്‍ തറയില്‍ വീണാല്‍ മായുവാന്‍ പാടാണ്. എന്നാല്‍ ഇതിനായി ചില ഉപായങ്ങളുമുണ്ട്.

തറയില്‍ നിന്നും എണ്ണക്കറ കളയാനുള്ള ചില ഉപായങ്ങളെക്കുറിച്ചറിഞ്ഞിരിയ്ക്കൂ,

1. കിറ്റി ലിറ്റര്‍ - പൂച്ചകള്‍ക്ക് മലവിസര്‍ജ്ജനം നടത്തുന്നതിനായി പെട്ടിയില്‍ നിറയ്ക്കുന്ന കിറ്റി ലിറ്റര്‍ എന്നറിയപ്പെടുന്ന വസ്തു എണ്ണക്കറ നീക്കാനായി ഉപയോഗിക്കാം. തറയില്‍ എണ്ണ വീണാലുടനെ ഈ പൊടി അതിന് മേലെ വിതറുക. രാത്രി മുഴുവനും അതേ പോലെ ഇട്ട് രാവിലെ തുടച്ച് നീക്കം ചെയ്യുക. ഇത് വളരെ ഫലപ്രദമായ ഒരു മാര്‍ഗ്ഗമാണ്.

2. ഈര്‍ച്ചപ്പൊടിയും തിന്നറും - പെയിന്‍റ് തിന്നറും, അറക്കപ്പൊടിയും ചേര്‍ത്തിളക്കി എണ്ണക്കറക്ക് മേലെ ഇടുക. ഇരുപത് മിനുട്ട് നേരം ഇങ്ങനെയിട്ട ശേഷം തുടച്ച് കളയുക. ശരിക്കും നീങ്ങിയിട്ടില്ലെങ്കില്‍ അത് വീണ്ടും ഉപയോഗിക്കുക.

3. ബേക്കിംഗ് സോഡ - പാചകത്തിന് മാത്രമല്ല എണ്ണക്കറകള്‍ നീക്കാനും ബേക്കിംഗ് സോഡ ഉത്തമമാണ്. ദീപാവലി പലഹാരങ്ങളുണ്ടാക്കാന്‍ സാധനങ്ങള്‍ വാങ്ങുന്നതിനൊപ്പം അല്പം ബേക്കിംഗ് സോഡയും വാങ്ങുക. എണ്ണ തറയിലായാല്‍ അതിന് മേലെ അല്പം ബേക്കിംഗ് സോഡ വിതറി ചൂടുവെള്ളം ഒഴിച്ച് കഴുകുക.

4. ഡിഷ്‍വാഷര്‍ ഡിറ്റര്‍ജന്‍റ് - ഏറ്റവും എളുപ്പത്തില്‍ എണ്ണക്കറ നീക്കാനുള്ള ഒരു മാര്‍ഗ്ഗമാണ് ഡിറ്റര്‍ജന്‍റ് ഉപയോഗിക്കുന്നത്. ഇത് എണ്ണക്കറക്ക് മേലെ വിതറി അത് ആഗിരണം ചെയ്യാനായി അല്പസമയം കാത്തിരിക്കുക. വെള്ളം നല്ലത് പോലെ ചൂടാക്കി ഒഴിച്ച് അവിടം കഴുകുക.

5. ട്രൈ സോഡിയം ഫോസ്ഫേറ്റ് - ടി.എസ്.പി അഥവാ ട്രൈ സോഡിയം ഫോസ്ഫേറ്റ് ഉപയോഗിച്ച് കടുത്ത കറകള്‍ നീക്കം ചെയ്യാനാകും. എണ്ണക്കറകള്‍ നീക്കാന്‍ നാല് ലിറ്റര്‍ വെള്ളത്തില്‍ ടി.എസ്.പി ചേര്‍ത്ത് സ്പ്രേ ചെയ്യുക. 20-30 മിനുട്ട് കഴിഞ്ഞ് ഇത് കഴുകി വൃത്തിയാക്കുക.

6. WD40 - വീടുകളില്‍ സാധാരണ കാണാറുള്ള ഒരു ലൂബ്രിക്കന്‍റാണ് ഡബ്ലിയു. ഡി 40 (WD40). ഇത് എണ്ണക്കറപുരണ്ട ഭാഗത്ത് സ്പ്രേ ചെയ്ത് 30 മിനുട്ട് കഴിഞ്ഞ് കഴുകി വൃത്തിയാക്കുക.

7. കടുപ്പമേറിയ കറകള്‍ - കറ വളരെ കടുത്തതും അത് നീക്കം ചെയ്യാന്‍ സാധിക്കാതെയും വന്നാല്‍ കോണ്‍ക്രീറ്റ് ക്ലീനര്‍ ഉപയോഗിക്കുക. ആല്‍ക്കലൈന്‍ സോപ്പ് കറയുടെ മേലെ ഉരച്ചും കടുത്ത കറകള്‍ നീക്കം ചെയ്യാനാവും.