ഉപ്പുപയോഗിച്ച് ജീന്‍സ് കഴുകാം

സ്ത്രീപുരുഷ ഭേദമില്ലാത്ത ഇഷ്ടവസ്ത്രമെന്നു വേണമെങ്കില്‍ ജീന്‍സിനെ വിശേഷിപ്പിക്കാം. ധരിക്കാന്‍ സൗകര്യപ്രദം, മുഷിഞ്ഞാലും അറിയില്ല എന്നിവ തന്നെയാണ് ഇതിന്റെ ഏറ്റവും വലിയ ഗുണങ്ങള്‍.

ജീന്‍സ് ഒരോ തവണയും കഴുകുമ്പോള്‍ ഇതിന്റെ നിറം മങ്ങാനും നരയ്ക്കാനുമുള്ള സാധ്യത കൂടുതലാണ്. ഇതെങ്ങനെ ഒഴിവാക്കാമെന്ന് ചിന്തിക്കുന്നവര്‍ക്കുള്ള നല്ലൊരു മാര്‍ഗമാണ് ഉപ്പിട്ടു ജീന്‍സ് കഴുകുകയെന്നത്.

ഉപ്പിന്റെ സഹായത്തോടെ ജീന്‍സ് കഴുകുമ്പോള്‍ ഇത് ജീന്‍സിലെ ഡൈ പോകാതെ സൂക്ഷിക്കും. ജീന്‍സിലെ കറകളും ചെളിയും കളയാനും ഇത് സഹായിക്കും.

ജീന്‍സും മറ്റു തുണികളും കഴുകുന്ന വെള്ളത്തില്‍ അല്‍പം ഉപ്പിട്ടാല്‍ തുണികളിലെ നിറം ജീന്‍സിലാകാതിരിക്കുവാനും ഇത് സഹായിക്കും.

ഉപ്പിനൊപ്പം അല്‍പം വിനെഗര്‍ കൂടിയൊഴിച്ച് ജീന്‍സ് കഴുകുന്നതും നല്ലതാണ്. ഇത് ജീന്‍സിന്റെ പുതുമ നഷ്ടപ്പെടാതിരിക്കാന്‍ സഹായിക്കും.

ജീന്‍സ് ഒരോ തവണയും കഴുകുമ്പോള്‍ ഇതിന്റെ നിറം മങ്ങാനും നരയ്ക്കാനുമുള്ള സാധ്യത കൂടുതലാണ്. ഇതെങ്ങനെ ഒഴിവാക്കാമെന്ന് ചിന്തിക്കുന്നവര്‍ക്കുള്ള നല്ലൊരു മാര്‍ഗമാണ് ഉപ്പിട്ടു ജീന്‍സ് കഴുകുകയെന്നത്.

ഉപ്പുപയോഗിച്ച് ജീന്‍സ് കഴുകുവാനും എളുപ്പമാണ്. ഒരു ബക്കറ്റ് വെള്ളത്തില്‍ ഒരു സ്പൂണ്‍ ഉപ്പും അല്‍പം സോപ്പുപൊടിയുമിട്ട് ജീന്‍സ് അരമണിക്കൂര്‍ മുക്കി വയ്ക്കണം. ഇത് പിന്നീട് പുറത്തെടുത്ത് കൈകള്‍ കൊണ്ട് നല്ലപോലെ ഉരച്ചു കഴുകുക. അല്ലെങ്കില്‍ വാഷിംഗ് മെഷീനില്‍ മൃദുവായി കഴുകാം, സ്‌ക്രബര്‍ ഉപയോഗിച്ച് ജീന്‍സ് ഉരയ്ക്കാതിരിക്കുക. ഇത് ജീന്‍സിന്റെ തുണി അയയുവാനും പെട്ടെന്ന് കേടു വരാനും കാരണമാക്കും.