ആഘോഷങ്ങള്‍ക്ക് ശേഷം അടുക്കള വൃത്തിയാക്കാം

പാത്രങ്ങളിലെ അവശിഷ്ടങ്ങള്‍ ഉടന്‍ തന്നെ മാറ്റി പാത്രത്തില്‍ വെള്ളമൊഴിച്ചിടുക. അല്ലെങ്കില്‍ അവശിഷ്ടങ്ങള്‍ ഉണങ്ങിപ്പിടിച്ച് പാത്രം വൃത്തിയാക്കാന്‍ ബുദ്ധിമുട്ടാകും.

ഒരു വലിയ ബേസിനിലോ ബക്കറ്റിലോ കിച്ചണ്‍ സിങ്കിലോ സോപ്പുവെള്ളം നിറച്ച് പാത്രങ്ങള്‍ ഇതിലിടുക. ഇത് എണ്ണ പോകാനും സഹായിക്കും.

ചെറിയ പാത്രങ്ങള്‍ ആദ്യം വൃത്തിയാക്കുക. വല്ലാതെ എണ്ണ പിടിച്ചവ രാത്രി മുഴുവന്‍ സോപ്പുവെള്ളത്തില്‍ ഇട്ടു വയ്ക്കുക.

ലിക്വിഡ് വാഷ് പോലുള്ളവ ഉപയോഗിച്ചാല്‍ പാത്രങ്ങളിലെ ദുര്‍ഗന്ധം മാറിക്കിട്ടും.

അടുക്കളയുടെ സ്ലാബില്‍ ഭക്ഷണമാലിന്യങ്ങള്‍ വീണിട്ടുണ്ടെങ്കില്‍ ഇത് എടുത്തു മാറ്റി അല്‍പം സോപ്പുപൊടി ഉപയോഗിച്ചു തുടയ്ക്കു. ഇവിടെ പെട്ടെന്ന് വൃത്തിയാകും.

ഗ്യാസ് സ്റ്റൗവിനു മുകളില്‍ സോപ്പുവെള്ളത്തില്‍ മുക്കിപ്പിഴിഞ്ഞ തുണി കൊണ്ടു തുടയ്ക്കാം. കൂടുതല്‍ എണ്ണയുണ്ടെങ്കില്‍ സ്‌ക്രബര്‍ ഉപയോഗിക്കാം.

കിച്ചണ്‍ സ്ലാബും ഗ്യാസ് സ്റ്റൗവും വൃത്തിയാക്കിയ ശേഷം മാത്രം അടുക്കളയുടെ തറ വൃത്തിയാക്കുക. ഇവിടം ആദ്യം അടിച്ചുവാരിയ ശേഷം ലായനിയൊഴിച്ച വെള്ളം കൊണ്ട് തുടച്ച് വൃത്തിയാക്കാം.

എല്ലാ ജോലികളും ഒരുമിച്ചു ചെയ്യാന്‍ സാധിച്ചില്ലെങ്കില്‍ അടുക്കള വൃത്തിയാക്കുന്നത് ആദ്യം ചെയ്യുക. പാത്രങ്ങള്‍ പിന്നേയ്ക്കു മാറ്റി വയ്ക്കണം.