ബാത്ത്ടബ് എളുപ്പം വൃത്തിയാക്കാം

ബാത്ത് ടബ് ഇപ്പോള്‍ മിക്കവാറും ബാത്ത്‌റൂമുകളുടെ അവിഭാജ്യഘടകമായി മാറിയിട്ടുണ്ട്. മുന്‍പൊക്കെ ഹോട്ടലുകളില്‍ മാത്രമുണ്ടായിരുന്ന ഇവ ഇപ്പോള്‍ വീടുകളിലും വന്നു തുടങ്ങി.

ബാത്ത് ടബ് വിശാലമായ കുളിയ്ക്കുള്ള ഒരു വഴിയാണെങ്കിും ഇത് എണ്ണയും അഴുക്കും പിടിച്ച് വൃത്തികേടാകാന്‍ സാധ്യത കൂടുതലാണ്. ഇത് വൃത്തിയാക്കുവാനുള്ള ചില വഴികളിതാ.

ബാത്ത് ടബ് വിശാലമായ കുളിയ്ക്കുള്ള ഒരു വഴിയാണെങ്കിും ഇത് എണ്ണയും അഴുക്കും പിടിച്ച് വൃത്തികേടാകാന്‍ സാധ്യത കൂടുതലാണ്. ഇത് വൃത്തിയാക്കുവാനുള്ള ചില വഴികളിതാ.

ബാത്ത്ടബില്‍ കഴുകിയിട്ടും പോകാത്ത പാടുകളും അഴുക്കുകളുമുണ്ടെങ്കില്‍ ബ്ലീച്ച് ചെയ്യുന്നത് നല്ലതാണ്. ബ്ലീച്ച് ഇട്ട് അല്‍പനേരം കഴിഞ്ഞ് കഴുകിക്കളയാം. ഇവ ഉപയോഗിക്കുമ്പോള്‍ കൈകളില്‍ ഗ്ലൗസ് ധരിക്കാന്‍ മറക്കരുതെന്നു മാത്രം.

വെള്ളത്തില്‍ ചെറുനാരങ്ങ പിഴിഞ്ഞൊഴിച്ച് ഇതില്‍ അല്‍പം ഉപ്പിട്ടാല്‍ ബാത്ത് ടബ് കഴുകി വൃത്തിയാക്കാനുള്ള ലായനിയായി. ഇൗ ലായനിയെ വേണമെങ്കില്‍ പ്രകൃതിദത്ത ബ്ലീച്ച് എന്നു പറയാം.

ഇത്തരം മാര്‍ഗങ്ങള്‍ കൊണ്ടും പോകാത്ത കറയാണെങ്കില്‍ ഇറേസിംഗ് സ്‌പോഞ്ച് വച്ച് ഉരച്ചു കഴുകുന്നത് ഗുണം ചെയ്യും. ഇത് വച്ച് ഉരച്ചു കഴുകുമ്പോള്‍ ടബിന് കേടു പറ്റാതെ ശ്രദ്ധിക്കണം.

ബാത്ത് ടബില്‍ ചെറൂചൂടുവെള്ളത്തില്‍ അല്‍പം സോപ്പുപൊടിയും നാരങ്ങാനീരും കലര്‍ത്തി വെള്ളം നിറച്ചിടുക. ഇത് അഴുക്ക് പെട്ടെന്നിളകാന്‍ സഹായിക്കും. ടബ് വൃത്തിയാക്കല്‍ എളുപ്പമാവുകയും ചെയ്യും.

ബാത്ത്‌റൂമാണെങ്കിലും ബാത്ത്ടബാണെങ്കിലും ഉപയോഗിച്ച ഉടന്‍ കഴുകുന്നത് ഇത്തരം സ്ഥലങ്ങള്‍ പെട്ടെന്ന് വൃത്തിയാക്കുന്നത് എളുപ്പമാക്കും. പ്രത്യേകിച്ച് എണ്ണയും മറ്റും ഉടനടി കഴുകി വൃത്തിയാക്കുന്നതാണ് നല്ലത്.