വീട്ടമ്മമാര്‍ക്ക് സൂത്രക്കൂട്ടുകള്‍

കാസറോളുകള്‍ ഭക്ഷണത്തിന്റെ ചൂട് നില നിര്‍ത്താന്‍ ഉദ്ദേശിച്ചുള്ളതാണ്. എന്നാല്‍ ഇവയിലെ ചൂട് നില നില്‍ക്കാത്തതാണ് പലരുടേയും പ്രശ്‌നം.

കാസറോളില്‍ ആഹാരസാധനങ്ങള്‍ കുറച്ചു മാത്രം വയ്ക്കാതെ നിറച്ചു വച്ചാല്‍ കൂടുതല്‍ നേരം ചൂട് നഷ്ടപ്പെടാതിരിക്കും. തുണിയില്‍ പൊതിഞ്ഞ് ഭക്ഷണങ്ങള്‍ വയ്ക്കുന്നതും നല്ലതു തന്നെ.

കാസറോള്‍ ഇളം ചൂടുള്ള വെള്ളം കൊണ്ട് കഴുകുന്നതാണ് കൂടുതല്‍ നല്ലത്. തിളച്ച വെള്ളം കൊണ്ട് ഇതൊരിക്കലും കഴുകരുത്.

കാപ്പിയും ചായയും ഫഌസ്‌കില്‍ അടുപ്പിച്ച് ഒഴിച്ചു വച്ചാല്‍ ദുര്‍ഗന്ധമുണ്ടാകും. ഇൗ ദുര്‍ഗന്ധം മാറാന്‍ ഇളം ചൂടുവെള്ളത്തില്‍ വിനാഗിരി ഒഴിച്ച് ഫഌസ്‌കില്‍ വച്ചാല്‍ മതി.

പാല്‍ പിരിഞ്ഞുവെങ്കില്‍ ഇത് മിക്‌സിയില്‍ അടിച്ച് ഉറയൊഴിക്കാം. നല്ല തൈര് ലഭിക്കും.

കോഴിയിറച്ചിയില്‍ രക്താംശം കണ്ടാല്‍ ഇത് ഫ്രഷാണെന്നു കരുതി വാങ്ങുന്നവരുണ്ട്. എന്നാല്‍ ഇവ വാങ്ങിയാല്‍ അപ്പോള്‍ത്തന്നെ പാകം ചെയ്യുക. ഫ്രിഡ്ജില്‍ വച്ചിരിക്കാന്‍ നല്ലതല്ല. രക്തം മുഴുവന്‍ പോകാത്തതാണ് ഈ രക്താംശമുണ്ടാകാന്‍ കാരണം.