സുഗന്ധമുള്ള ചില കാര്യങ്ങള്‍

Updated: Monday, July 30, 2012, 14:55 [IST]

പെര്‍ഫ്യൂകള്‍ ഉപയോഗിക്കുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്. ഇതിന്റെ ഉപയോഗം കൂടുതല്‍ കാര്യക്ഷമാക്കാന്‍ സഹായിക്കുന്ന ചില കാര്യങ്ങള്‍.

പെര്‍ഫ്യൂം ചെറിയ കുപ്പികളിലെ വാങ്ങുന്നതാണ് നല്ലത്. ഇവ പഴകുന്തോറും ഗുണവും മണവും കുറയും. വാങ്ങി കഴിവതും വേഗം ഉപയോഗിച്ചു തീര്‍ക്കണം.

ചിലതരം പെര്‍ഫ്യൂമുകള്‍ ചിലര്‍ക്ക് അലര്‍ജിയുണ്ടാക്കാറുണ്ട്. പെര്‍ഫ്യൂം വാങ്ങുന്നതിന് മുന്‍പ് ആദ്യം ചര്‍മത്തില്‍ അടിച്ചു നോക്കണം. ഇത് അലര്‍ജിയുണ്ടാക്കുന്നില്ലെന്ന് ഉറപ്പു വരുത്തുകയും വേണം.

വിയര്‍പ്പുള്ള വസ്ത്രങ്ങളിലും മറ്റും പെര്‍ഫ്യൂം അടിച്ചു നോക്കിയാല്‍ ശരിയായ മണം ലഭിച്ചെന്നു വരില്ല. കൈത്തണ്ടയിലാണ് ഇത് അടിച്ചു നോക്കി വാങ്ങാന്‍ നല്ലത്. അതുപോലെ വിയര്‍ക്കുന്നതിന് മുന്‍പു തന്നെ പെര്‍ഫ്യൂം അടിയ്ക്കുക. വിയര്‍പ്പിലൂടെ പെര്‍ഫ്യൂം അടിച്ചു കഴിഞ്ഞാല്‍ ഇതും വിയര്‍പ്പുമണവും കലര്‍ന്ന് മറ്റൊരു തരം ഗന്ധമാണ് ഉണ്ടാവുക.

കൈത്തണ്ട, കക്ഷം, കഴുത്തിന്റെ മുന്‍ഭാഗം എന്നിവിടങ്ങളില്‍ പെര്‍ഫ്യൂം അടിച്ചാല്‍ മണം കൂടുതല്‍ നേരം നില നില്‍ക്കും.