വെളുത്തുള്ളി മണം കളയാം

ഉള്ളിയും വെളുത്തുള്ളിയും ഭക്ഷണമുണ്ടാക്കുന്നതിലെ പ്രധാന ചേരുവയാണെങ്കിലും ഇവയുണ്ടാക്കുന്ന ദുര്‍ഗന്ധം പലര്‍ക്കും ഇഷ്ടമാവില്ല. ഇത്തരം ദുര്‍ഗന്ധം ഒഴിവാക്കാനുള്ള ധാരാളം വഴികളുണ്ട്.

കൈകകളില്‍ നിന്നും ഇവയുടെ ഗന്ധമൊഴിവാക്കുവാന്‍ അല്‍പം ഉപ്പ് കൈകളിലിട്ട് ഉരസുക. പിന്നീട് ചൂടുവെള്ളത്തില്‍ കൈ കഴുകാം. ഉപ്പില്‍ അല്‍പം വെള്ളമൊഴിച്ച് പേസ്റ്റാക്കി കൈകളില്‍ ഉരസുകയുമാകാം.

തക്കാളി ഉടച്ച് അത് കൈകളില്‍ പുരട്ടി അല്‍പസമയം കഴിഞ്ഞ് കഴുകിക്കളഞ്ഞാലും ഈ ദുര്‍ഗന്ധം ഒഴിവാക്കാം. കൈ തണുത്ത വെള്ളത്തില്‍ കഴുകുക.

കൈകളില്‍ നാരങ്ങാനീര് പുരട്ടുന്നതും ഉള്ളി മണം പോകാന്‍ നല്ലതാണ്.

പാത്രങ്ങള്‍, ഗ്ലാസുകള്‍ എന്നിവ സോപ്പു കൊണ്ടു കഴുകിയ ശേഷം അല്‍പം നാരങ്ങാനീര് പുരട്ടിയാല്‍ ദുര്‍ഗന്ധം മാറിക്കിട്ടും.

ബേക്കിംഗ് സോഡ ഇട്ടു കഴുകുന്നതും നല്ലതു തന്നെ.

പാത്രങ്ങള്‍ അല്‍പം ചെറുനാരങ്ങാനീരൊഴിച്ച ചൂടുവെള്ളത്തില്‍ കഴുകിയാലും ദുര്‍ഗന്ധം പോയിക്കിട്ടും.

വായില്‍ നിന്നും ഇത്തരം ഗന്ധം കളയുവാന്‍ മൗത്ത് വാഷ് ഉപയോഗിക്കുകയോ പേസ്റ്റു കൊണ്ടു പല്ലു തേക്കുകയോ ചെയ്യുക.

വെളുത്തുള്ളി, ഉള്ളി എന്നിവ കഴിച്ച ശേഷം നാരങ്ങ, ഓറഞ്ച് ജ്യൂസ് കുടിച്ചാലും മതി. അല്ലെങ്കില്‍ ചെറുനാരങ്ങ ചപ്പുകയോ ച്യൂയിംഗ് ഗം ചവയ്ക്കുകയോ ചെയ്യാം.

വസ്ത്രങ്ങളില്‍ നിന്നും ഉള്ളി മണം പോകാന്‍ വെള്ളത്തില്‍ അല്‍പം നാരങ്ങാനീരൊഴിച്ച് തുണകള്‍ അതില്‍ മുക്കിവച്ച ശേഷം കഴുകുക.