കിടക്ക വാങ്ങുമ്പോള്‍ ശ്രദ്ധിക്കുക

Improvement

oi-Saritha

By Veena

Published: Monday, June 4, 2012, 16:15 [IST]

പട്ടു പോലുള്ള മെത്തയായിട്ടും കാര്യമില്ല, കിടക്ക തെരഞ്ഞെടുക്കുമ്പോള്‍ ചില കാര്യങ്ങള്‍ ശ്രദ്ധിച്ചില്ലെങ്കില്‍ ഉറക്കം വരാതെ നേരം വെളുപ്പിക്കേണ്ടി വരും. കിടക്ക വാങ്ങുമ്പോള്‍ ശ്രദ്ധിക്കേണ്ട ചില കാര്യങ്ങള്‍ നോക്കൂ.

പഞ്ഞിക്കിടക്കയോ സ്‌പോഞ്ച് കിടക്കയോ നല്ലതെന്ന കാര്യത്തില്‍ പലര്‍ക്കും സംശയമുണ്ടാകും. ഇതിന് വ്യക്തമായ ഉത്തരം പഞ്ഞിക്കിടക്കയെന്നു തന്നെയാകും. കാരണം സ്‌പോഞ്ച് കിടക്ക പലര്‍ക്കും ശരീരത്തില്‍ സമ്മര്‍ദമുണ്ടാക്കുന്നുണ്ട്. കിടക്കുമ്പോള്‍ സുഖം തോന്നുമെങ്കിലും ശരീരത്തിന് ബലം കൊടുക്കാനുള്ള കഴിവ് പൊതുവെ സ്‌പോഞ്ച് കിടക്കകള്‍ക്കില്ല.

സ്‌പോഞ്ച് കിടക്കകള്‍ വാങ്ങുകയാണെങ്കില്‍ വല്ലാതെ മൃദുവായതു നോക്കി വാങ്ങാതെ ശരീരത്തിന് താങ്ങു നല്‍കാന്‍ കഴിയുന്നവ നോക്കി വാങ്ങുക. വല്ലാതെ കട്ടിയുള്ളതും തീരെ മൃദുവായതും ഒഴിവാക്കുന്നതാണ് നല്ലത്.

പഞ്ഞിക്കിടക്ക വാങ്ങുമ്പോള്‍ ഇവയിലെ പഞ്ഞി അല്‍പം കഴിഞ്ഞാല്‍ ഒരു ഭാഗത്തേക്കു തന്നെ തള്ളിപ്പോകുമെന്ന പ്രശ്‌നമുണ്ട്. എന്നാല്‍ ശരീരവേദന ഒഴിവാക്കാനും കിടക്കുമ്പോള്‍ സുഖം ലഭിക്കാനും ഇവ സഹായിക്കും.

കയര്‍ നിറച്ച തരം കിടയ്ക്കകളുമുണ്ട്. ഇവ ശരീരത്തിന് താങ്ങു നല്‍കും. എന്നാല്‍ കിടക്കാന്‍ വലിയ സുഖമുണ്ടാകില്ല.

കിടക്കയ്ക്ക് കിടക്കുന്ന ആളേക്കാളും 20 സെന്റിമീറ്റര്‍ കൂടുതല്‍ നീളം വേണം. സിംഗിള്‍ ബെഡാണെങ്കില്‍ 90 സെ.മീ വീതിയെങ്കിലും വേണം. 160 സെ.മീ വീതിയെങ്കിലും രണ്ടുപേര്‍ക്ക് ഉറങ്ങാനുള്ള കിടക്കയ്ക്കു വേണം. സിംഗിള്‍, ഡബിള്‍ ബെഡുകള്‍ക്ക് കൃത്യമായ കണക്കുണ്ട്. കിടക്ക വാങ്ങുമ്പോള്‍ ഈ അളവുകള്‍ കൃത്യമാണോയെന്നു പരിശോധിക്കുക.

കിടക്കയിടുന്ന രീതിയും പ്രധാനമാണ്. ഇത് നിരപ്പുള്ള പ്രതലത്തില്‍ വേണം ഇടാന്‍.

സിബ് ഉള്ള കവറോടു കൂടിയ കിടക്ക നോക്കി വാങ്ങുന്നത് ഇത് ഇടയ്്ക്കു വൃത്തിയാക്കാന്‍ സഹായിക്കും.