കപ്പിലെ കറകള്‍ അകറ്റാം

Improvement

oi-Saritha

By Veena

Published: Tuesday, May 22, 2012, 16:43 [IST]

ചായ, കാപ്പി തുടങ്ങിയവ ഭംഗിയുള്ള കപ്പുകളില്‍ കറകള്‍ സൃഷ്ടിക്കും. പ്രത്യേകിച്ചും തുടര്‍ച്ചയായി ഉപയോഗിക്കുമ്പോള്‍. ഇത് മാറ്റുവാന്‍ ചിലപ്പോള്‍ ബുദ്ധിമുട്ടു വന്നേക്കും. വേണ്ട സമയത്ത് വൃത്തിയാക്കാതിരുന്നാല്‍ ഈ കറകള്‍ പിന്നീട് പോയില്ലെന്നും വരും.

ഇത്തരം കറകള്‍ കളയുവാന്‍ ബേക്കിംഗ് സോഡ ഉപകരിക്കും. ഇവ ഉപയോഗിച്ച് കപ്പുകള്‍ വൃത്തിയാക്കാന്‍ എളുപ്പമാണ്.

ഇതിന് ആദ്യം കപ്പുകള്‍ നനയ്ക്കണം. പിന്നീട് അല്‍പം ബേക്കിംഗ് സോഡി ഇതില്‍ ഇടാം.

കറയുള്ള ഭാഗത്ത് ബേക്കിംഗ് സോഡ ഉരയ്ക്കുകയാണ് വേണ്ടത്. ഇത് കൈകള്‍ കൊണ്ട് നേരിട്ടു ചെയ്യരുത്. ഒരു കഷ്ണം തുണിയോ പാത്രം കഴുകാന്‍ ഉപയോഗിക്കുന്ന സ്‌ക്രബറോ ഉപയോഗിക്കാം.

ഇവ നല്ല പോലെ ഉരച്ച ശേഷം അല്‍പസമയം വയ്ക്കുക. കറ പൂര്‍ണമായും മാറാന്‍ ഇത് സഹായിക്കും.

ബേക്കിംഗ് സോഡ നല്ലപോലെ കഴുകിക്കളഞ്ഞ് കപ്പുകള്‍ തുടച്ചു വൃത്തിയാക്കി വയ്ക്കാം.

ആഴ്ചയില്‍ ഒരിക്കലെങ്കിലും ഇപ്രകാരം ബേക്കിംഗ് സോഡ ഉപയോഗിച്ചാല്‍ കപ്പുകള്‍ വൃത്തിയാകും.