കിടക്കക്ക് ബേക്കിംഗ് സോഡ

കിടക്കയിലെ പൊടി പലര്‍ക്കും അലര്‍ജിക്ക് കാരണമാകാറുണ്ട്. കിടക്ക വാക്വം ക്ലീനര്‍ ഉപയോഗിച്ച് വൃത്തിയാക്കിയാല്‍ പൊടി പോകും.

കിടക്ക വൃത്തിയാക്കാന്‍ എന്‍സൈം ലിക്വിഡുകള്‍ കിട്ടും. ഇത് സ്‌പ്രേ ചെയ്ത് കിടക്ക വൃത്തിയാക്കാം. സിട്രസ് ക്ലീനറുകളും ഉപയോഗിക്കാം. ഇതില്‍ വൃത്തിയുള്ള തുണി മുക്കി കിടക്കയിലെ കറകള്‍ക്കു മുകളില്‍ പുരട്ടിയാല്‍ കറകള്‍ പോയിക്കിട്ടും.

ബേക്കിംഗ് സോഡയും കിടക്ക വൃത്തിയാക്കാന്‍ ഉപയോഗിക്കാം. ബേക്കിംഗ് സോഡ വെള്ളത്തില്‍ കലക്കി കിടക്കയില്‍ കറകളുള്ള ഭാഗത്ത് പുരട്ടാം. അര മണിക്കൂര്‍ കഴിഞ്ഞ് ഇത് ടിഷ്യൂ പേപ്പര്‍ കൊണ്ട് ഒപ്പിയെടുക്കുക.

ചെറിയ കറകളാണെങ്കില്‍ വെള്ളമുപയോഗിച്ചും തുടച്ചു കളയാം. കറയായ ഭാഗത്ത് വെള്ളം പുരട്ടി പേപ്പര്‍ കൊണ്ടോ തുണി കൊണ്ടോ തുടച്ചെടുക്കാം.

കിടക്ക ഇടയ്ക്കിടെ വെയിലത്തിടുന്നത് വൃത്തിയാകുവാന്‍ നല്ലതാണ്.

കിടക്ക വിരികളും ആഴ്ചയില്‍ മാറ്റുവാന്‍ ശ്രദ്ധിക്കണം. ഇത് കിടക്ക അധികം അഴുക്കാകാതെയിരിക്കാന്‍ സഹായിക്കും.