ലെഗിംഗ്‌സ് വാഷിംഗ് മെഷീനില്‍ ഇടണോ?

ലെഗിംഗ്‌സ് കഴുകുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്.

ഏതു തുണിയാണെങ്കിലും ലേബല്‍ വായിച്ച ശേഷം മാത്രമെ കഴുകാവൂയെന്നത് പ്രധാനം. ലെഗിംഗ്‌സ് വാഷിംഗ് മെഷീനില്‍ ഇടാതിരിക്കുന്നതാണ് നല്ലത്. മിക്കവാറും എല്ലാ ലെഗിംഗ്‌സും വലിയുന്ന തരം തുണിയാണ്. വാഷിംഗ് മെഷീനില്‍ ഇട്ടാല്‍ ഇത്തരം തുണി കേടാകും.

അധികം വീര്യമില്ലാത്ത ഡിറ്റെര്‍ജന്റില്‍ ഇട്ടു വച്ച് പത്തു പതിനഞ്ച് മിനിറ്റ് കഴിഞ്ഞ് കഴുകിയെടുക്കാം. ചൂടുവെള്ളം ഉപയോഗിക്കരുത്.

ബ്രഷ് ഉപയോഗിച്ച് ലെഗിംഗ്‌സ് കഴുകരുത്. തുണിയില്‍ നൂലു പുറത്തേക്കു വരാന്‍ ഇടയാക്കും. ലെഗിംഗ്‌സിന്റെ ഭംഗി നശിക്കുകയും ചെയ്യും.

ലെഗിംഗ്‌സില്‍ മണ്ണോ കറകളോ ആയിട്ടുണ്ടെങ്കില്‍ വെള്ളത്തില്‍ അല്‍പം നാരങ്ങാനീര് പിഴിഞ്ഞൊഴിച്ച് തുണി ഇതിലിട്ടു വയ്ക്കുക. അല്‍പസമയം കഴിഞ്ഞ് കഴുകാം.

ലെഗിംഗ്‌സ് കഴുകിയ ശേഷം ഫാബ്രിക് കണ്ടീഷണറില്‍ മുക്കിയെടുക്കുന്നത് നല്ലതാണ്. തുണിയുടെ ഇലാസ്റ്റിസിറ്റി നില നില്‍ക്കും.

വെള്ള നിറത്തിലുള്ള ലെഗിംഗ്‌സാണെങ്കില്‍ കളറുള്ളവയുടെ കൂടെയിട്ടു കഴുകരുത്. നിറം കുറയും.