പൊടി കളയാന്‍ എളുപ്പമാര്‍ഗം

Improvement

oi-Saritha

By Veena

Published: Tuesday, April 3, 2012, 14:45 [IST]

വീടിനുള്ളിലെ പൊടി പലരെയും ബുദ്ധിമുട്ടിക്കുന്ന ഒന്നാണ്. വൃത്തിയാക്കുമ്പോള്‍ അതിലേറെ വേഗത്തില്‍ പൊടി വന്നു നിറയും. ഇലക്ട്രോണിക്‌സ് സാധനങ്ങളില്‍ പൊടി കയറുന്നത് അവ കേടാകാന്‍ ഇടയാക്കും. അലര്‍ജിയും കോള്‍ഡും പോലുള്ള രോഗങ്ങളും പൊടി കാരണം വരികയും ചെയ്യും.

പൊടി ഒരിടത്ത് അടിച്ചുകൂട്ടി വാരിക്കളയാന്‍ ശ്രദ്ധിക്കുക. പല സ്ഥലങ്ങളിലായി പൊടി തട്ടിയിട്ടാല്‍ വേണ്ടവിധം വൃത്തിയാകില്ല.

ജനലും വാതിലും അടച്ചിടുന്നത് വീടിനുള്ളിലേക്ക് പൊടി കയറാതിരിക്കാന്‍ സഹായിക്കും. എപ്പോഴും ഇത് പ്രായോഗികമല്ലെങ്കിലും ആവശ്യമില്ലാത്തപ്പോള്‍ ജനലും വാതിലും തുറന്നിടരുത്.

നിലത്തെ പൊടി കളഞ്ഞ ശേഷം മാത്രം ഫര്‍ണിച്ചറുകളിലേയും ഇലക്ട്രോണിക് സാധനങ്ങളിലേയും പൊടി കളയുക. അല്ലെങ്കില്‍ പ്രയോജനമുണ്ടാകില്ല,

ജനലുകളും ഗ്ലാസുകളും വൃത്തിയാക്കാന്‍ നനഞ്ഞ തുണി ഉപയോഗിക്കുന്നതാണ് നല്ലത്. ആദ്യം ബ്രഷ് കൊണ്ട് പൊടി തട്ടിയ ശേഷം നനഞ്ഞ തുണി ഉപയോഗിക്കുക.

കിടക്കവിരികളും സോഫാക്കവറുകളും ആഴ്ചയില്‍ ഒരിക്കലെങ്കിലും കഴുകുക. പൊടി കുറയും. വാക്വം ക്ലീനറുണ്ടെങ്കില്‍ സോഫായ്ക്കിടയിലെ പൊടി വലിച്ചടുക്കാന്‍ സാധിക്കും.

വീടിനുള്ളിലെ ചവിട്ടികളും മറ്റും പുറത്തു കൊണ്ടുപോയി പൊടി തട്ടുക.

ഇലക്ടോണിക് ഉപകരണങ്ങളുടെ മുകളില്‍ തുണിയോ മറ്റോ ഇടുന്നത് ഇവയില്‍ പൊടിയാവുന്നത് കുറയ്ക്കും.

പൊടിയടിയ്ക്കുമ്പോള്‍ ഫാനിടാതിരിക്കാനും ശ്രദ്ധിക്കണം.