ജീന്‍സ് കഴുകുമ്പോള്‍ ശ്രദ്ധിക്കുക

ധരിക്കാന്‍ സുഖമുള്ള വസ്ത്രമാണ് ജീന്‍സ്. എന്നാല്‍ ഇതിിന്റെ നിറം പോകാതെ വൃത്തിയായി കഴുകുകയെന്നത് അത്ര എളുപ്പമല്ല.

പെട്ടെന്ന് മുഷിയാത്തതു കൊണ്ട് നാലഞ്ചു പ്രാവശ്യം ധരിച്ച ശേഷം മാത്രമേ ജീന്‍സ് കഴുകേണ്ടതുള്ളൂ. കട്ടിയുള്ള തുണിയായതു കൊണ്ട് ഉണങ്ങാന്‍ ബുദ്ധിമുട്ടുണ്ടാകും. മാത്രമല്ലാ, എപ്പോഴും കഴുകുന്നത് തുണിക്കും നിറത്തിനും നല്ലതല്ല.

എപ്പോഴും ഉള്‍ഭാഗം പുറത്തേക്കാക്കി ജീന്‍സ് കഴുകുക. കഴുകാനായി വീര്യം കുറഞ്ഞ സോപ്പുപൊടിയും തണുത്ത വെള്ളവും ഉപയോഗിക്കുക. വീര്യം കൂടിയ സോപ്പുപൊടി നിറം കെടുത്തും. ചൂടുവെളളത്തില്‍ കഴുകിയാല്‍ തുണിയുടെ നാരുകള്‍ അയവുണ്ടാകും. ഇത് ജീന്‍സ് കേടാക്കും.

വെള്ള ജീന്‍സ് വൃത്തിയാക്കുമ്പോള്‍ കൂടുതല്‍ ശ്രദ്ധ വേണം. ഒരു ബക്കറ്റ് വെള്ളത്തില്‍ വെള്ള വിനാഗിരി, ബേക്കിംഗ് സോഡ, അമോണിയ, സോപ്പുപൊടി എന്നിവ കലക്കി ജീന്‍സ് അതില്‍ 15 മിനിറ്റ് ഇട്ടുവയ്ക്കുക. ഇത് കറയകറ്റാനും വെളുപ്പുനിറം നല്‍കാനും സഹായിക്കുന്നു.

ജീന്‍സ് പുതുതായിരിക്കാന്‍ ഒരു മാര്‍ഗമുണ്ട്. കഴുകി ഉണക്കിയ ശേഷം ജീന്‍സ് മടക്കി ഒരു കവറിലാക്കി ഫ്രീസറിന്‍ വയ്ക്കാം. ജീന്‍സിന്റെ നിറം പോകില്ലെന്നു മാത്രമല്ലാ, രോഗാണുക്കള്‍ നശിക്കുകയും ചെയ്യും.