ലിനന്‍ തുണികള്‍ വൃത്തിയാക്കുമ്പോള്‍ ശ്രദ്ധിക്കുക

ലിനന്റെ നൂലുകള്‍ വളരെ മൃദുവാണ്. കൈകൊണ്ട് കഴുകുകയാണെങ്കില്‍ വളരെ മൃദുവായി മാത്രം കഴുകുക. വാഷിംഗ് മെഷീനിലാണെങ്കിലും മൃദുവായി മാത്രമേ ഇവ കഴുകാവൂ. നൂലുകള്‍ ഒരു തവണ ചുളിഞ്ഞുപോയാല്‍ വസ്ത്രത്തിന്റെ മുഴുവന്‍ ഭംഗിയും അപ്രത്യക്ഷമാകും. ചൂടുവെള്ളത്തില്‍ അല്‍പം വീര്യം കുറഞ്ഞ സോപ്പുപൊടിയിട്ട് ലിനന്‍ വസ്ത്രങ്ങള്‍ വൃത്തിയാക്കാം.

വസ്ത്രത്തില്‍ കറയുണ്ടെങ്കില്‍ കോട്ടന്‍ തുണിയില്‍ അല്‍പം വിനാഗിരി ചേര്‍ത്ത് കറയായ ഭാഗത്ത് ഒപ്പിയെടുത്ത് കറ കളയാം. എണ്ണക്കറയുണ്ടെങ്കില്‍ വിനാഗിരിയിട്ട ശേഷം അല്‍പം ടാല്‍കം പൗഡര്‍ ഈ ഭാഗത്തിടുന്നത് നല്ലതാണ്.

കഴുകിയ ശേഷം വെള്ളം ലിനന്‍ വസ്ത്രങ്ങള്‍ പിഴിയരുത്. ഇവ തണലിലിട്ട് ഉണക്കിയെടുക്കണം.

ലിനന്റെ കോട്ടുകളും ബ്ലേസറുകളും ഡ്രൈക്ലീന്‍ ചെയ്യുകയായിരിക്കും നല്ലത്.

ലിനന്‍ വസ്ത്രങ്ങള്‍ ഇസ്തിരിയിടുമ്പോഴും ശ്രദ്ധിക്കണം. ഇവ വെളളം തളിച്ച് ഇസ്തിരിയിടരുത്. ഉള്‍ഭാഗത്തു നിന്നു വേണം ഇവ ഇസ്തിരിയിടാന്‍.

ഇസ്തിരിയിട്ട ശേഷം ഇവ മടക്കിവയ്ക്കരുത്. ഇങ്ങനെ ചെയ്താന്‍ ലിനന്‍ പെട്ടെന്ന് ചുളിയും. ഇവ ഹാംഗറുകളില്‍ തൂക്കി അലമാരയ്ക്കകത്ത് സൂക്ഷിക്കാം.

ലിനന്‍ വസ്ത്രങ്ങളില്‍ പൂപ്പല്‍ വരാനുളള സാധ്യത കൂടുതലാണ്. ഇത് ഒഴിവാക്കാന്‍ റിപ്പലന്റുകള്‍ അലമാരയില്‍ സൂക്ഷിക്കുന്നത് നന്നായിരിക്കും.