വെളളവസ്ത്രങ്ങള്‍ വെളുത്തിരിക്കണോ, വായിക്കൂ

വെള്ളവസ്ത്രങ്ങള്‍ ഒരിക്കലും നിറമുളള മറ്റു തുണികളുടെ കൂടെയിട്ടു കഴുകരുത്. ഇവ എപ്പോഴും വേറെ കഴുകുക.

വെളളത്തില്‍ അല്‍പം നാരങ്ങാനീരോ വിനാഗിരിയോ ചേര്‍ക്കുന്നത് വെളളവസ്ത്രങ്ങളിലെ കറ കളയാനും നിറം നിലനിര്‍ത്താനും സഹായിക്കും. വിനാഗിരിയുടെ മണം തുണിയുണങ്ങിക്കഴിഞ്ഞാന്‍ മാറിക്കോളും. ബേക്കിങ്ങ് സോഡയും വിനാഗരിയും ചേര്‍ത്തു കഴുകിയാലും കറ പോയിക്കിട്ടും. കട്ടിയുള്ള തുണികളാണെങ്കില്‍ ചൂടുവെളളത്തിലിട്ടാലും കറ പോകും. കറ പറ്റിയാല്‍ ഉടനെ കഴുകിക്കളയണം. ഇവ ഉണങ്ങിക്കഴിഞ്ഞാന്‍ പോകാന്‍ ബുദ്ധിമുട്ടായിരിക്കും.

മാസത്തിലൊരിക്കലോ മറ്റോ ക്ലോറിനിട്ട് വസ്ത്രങ്ങള്‍ ബ്ലീച്ച് ചെയ്യുന്നത് നല്ലതാണ്. സോക്‌സും ഇലാസ്റ്റിക്കുള്ള വസ്ത്രങ്ങളും ലിനന്‍ തുണികളും ബ്ലീച്ച് ചെയ്യരുത്. ഇത് വല്ലപ്പോഴുമേ ചെയ്യാവൂ. അല്ലെങ്കില്‍ തുണികള്‍ മഞ്ഞനിറമാകാനും കേടാകാനും സാധ്യതയുണ്ട്.

നല്ല വെയിലത്തിട്ട് വെള്ളവസ്ത്രങ്ങള്‍ ഉണക്കിയെടുക്കണം.